#بقايا_امرأة
البارت العاشر والاخير
،،،ارائكم عزيزاتي واتمنى كنت خفيفة الظل عليكم ،،،والله يساعد بطلتنا ويكثر من امثالها
وان شاء الله كنت قد الثقة وكدرت اوصف قصتج ومعاناتج ولو بشي بسيط
Princess shosho
،،
ثاني يوم ، الصبح ،،،كعدت اطفالي وبدلتلهم ونطيت خبر لارا انو رايحة لاهلي ،،،،،،لارا،،،لج بعد وقت شعندج من الصبح طالعة ،،رفيف الصراحة اريد اروح قبل مايكعد ماهر ،،ماريد اشوفه شوفته دتوترني وخاصة بوضعي هذا،،،،،،لارا،،اصبري خلي اكعد جمال يوصلج ،،رفيف،،لا خيتي هياته متسوى،،لارا ،براحتج حبيبتي بس اذكري هذا البيت مفتوح الج ولاطفالج ،،رفيف حظنتها،ونزلت ،دا اروح وحدي ،،باوعت شفت ماهر كاعد برة اوف ربي هذا شلون وياه،،راح يخبلني ،،شافني اجا باتجاهي ،،ماهر،،عرفت راح تروحين من وقت حتى تتجنبين شوفتي،بس مو بهاي السهولة حقج راح اخذه لو على جثتي،،،رفيف،،،ماهر وتالي وياك انت ليش تدخل بحياتي بصفتك شنو اخوية ابوية ،زوجي،،،ماهر ،،لا اني كلهن وغلاتج لا اخلي سيف يبوس اقدامج ويتوسل،،، رفيف ،،ماهر انت زودتها يا اخي ميصير انت متزوج وعايف مرتك وتركض وراي شتفرق عن سيف ،،،شلون اصدق بواحد باعي من قبل. وهسة ديبع مرته ،،ماهر،،،رفيف لج مابعتج افهمي عاد الصار وياي شي جبير وانت الوحيدة الي كتلج السبب ،،رفيف ،خلص ماهر النقاش وياك عقيم عفته ومشيت بقى يمشي ويانا وشايل اية وصلنا اهلي طبينا امي اخترعت من شافتنا الدنيا صبح وبنتي مشدود راسها ،،،كعدت وماهر طب سلم ع امي وراح لغرفة الولد ،،كعدت سولفت لامي كلشي،،ونهيت نقاشي وياها بقرار تبلغه اخوتي انو اني اريد الطلاق ،،،،،،وفعلا حمزة من شاف بنتي اتخبل وهجم ديروح عليه بس ماهر وياسين بالقوة هدوو ،، بعد يومين من الحادثة ،،،سمعت من لارا ماهر متعارك مع سيف وذابحه ذبح من الكتل والا الشرطة متدخلة ومن محققين ،وسائلين عن السبب ،،ماهر ذاكر انو سيف سكران وغالط عليه وممتحمل سيف ،،الى حد الان ماعرف سبب العركة الصحيح ،،،،،،،، بقيت فترة يم اهلي ماهر قلت شوفتي اله وبهاي الفترة حسيت ع نفسي شكد جنت ظالمتها يعني معقولة اني هيج اتحمل ،،طبعا اهل سيف والعرف اتدخلو ديصلحون بس رفضت رفض قاطع مر شهر ع وجودي عند اهلي وجان هدفي الطلاق اريد اتحرر تعبت من الظلم ،،،،،فعلا كل المحاولات رفضتها من قبل سيف ،،وحصلت ع الطلاق ،،اي الطلاق ،الي حررني من ظلم وعذاب لسنين متحملته،،بعد فترة العدة مالتي اجتني مكالمة من رقم غريب مارديت عليه نطيته لياسين رد،،،شفته تغير لون وجه وانخطف ويتلعثم بالكلام ،،سده ،وصاح علية رفيف راح اكولج شي سيف متعرض لحادث وهو سكران وحاليا هو بالمستشفى ،،،رغم كل الاذى الي تأذيته منه بس رق قلبي وانقهرت بالتالي اني انسانة مااتمنى الموت لعدوي مو لطليقي وابو اطفالي الي ميعرف عنهم شي ولا يحبهم ،،،سكتت ،ياسين،،رفيف اهله يكولون ياريت لوبس تجي تشوفه وتجيب اطفاله يشوفوه لان طالب شوفتج ،،رفيف، متحملت كتله ياسين الى متى الحزن مرافقني يعني اني موبشر ميحق الي ارتاح واعيش ،،،اهله هسة ذكرونا ،،،ياسين ،،خلص حبيبتي انتي احسن منهم واني ماظغط عليج بشي والقرار الج،،رفيف ،اوك راح اروح وياك ،،ياسين ،،ماشي تحظري حتى اخذج ،،اتوجهنا للمستشفى شفت اهله سلمت سلام لله ،،طبيت شفته وياريتني ماشفته ايده مبتورة ورجله ،،الي عرفته هو راجع لشغله بواسطة وطاكة عليه عبوة ،،انقهرت عليه ،طبينا سلمنا وتحمدنا اله بالسلامة ،،بس الغريب شكد متغير ومو هو سيف الي اعرفه زمان لا مكسور وبقى منزل راسه ،،راحو عليه الاطفال هاي يمكن اول مرة احس انو هو صح ابوهم ،،رفع راسه كالي سامحيني رفيف هسة عرفت قيمتج ،،كمت استاذنت حتى نروح بس رديت عليه مسامحتك وربي يسامحك ،،وحجى بصوت مخنوك انو هو راح يسافر للعلاج برة ،،ووصاني ع الاطفال ،كتله اطفالي بعيوني ماكو داعي للتوصية ،،جاوبني اعرف بيج كد الحمل ابريني الذمة كتله الله وياك وماعليك الا العافية ،،،هنا سيف انتهت سالفتي ويا ،،لان بعد ماسافر بقى هناك ومرات تطخ عنده يسال على اطفاله ،،،،،،اما اني بقيت يم اهلي وطلبت من الولد يبنون الي مشتمل اكعد بي اني وجهالي لان تعرفون زوجات الاخ والاطفال محد يتحمل جنت ضامة شوية فلوس وبعت من ذهبي وكدرت بفترة قليله ابني مشتمل اسكن بي،،،اما ماهر بعد ماتطلكت حاول وياي بشتى الطرق بس اني رفضت لان مستحيل اعيد تجربتي بالزواج او الحب ،،وثانيا مو حلوة بحقي اهدم احلام زوجته في سبيل سعادتي وخصوصا هي المرة مناقصها. شي ،،وحرام الي مارضيته ع نفسي من جنت ويا سيف ارضى لغير وحدة لان الغيرة مرض قاتل ،،وثالثا اني عندي بنية وولد اريد اربيهم تربية يفتخرون بيها ،،ماهر مايأس من محاولاته وكالعادة يجي الرفض ،،،،،بعدها سمعت انو هو سكن بنفس محافظتنا بس مو بمنطقتنا يعني مانتشاوف ،،مرت سنين واني ع حالي كبرت وكبرت ذكرياتي واحلامي الي تحطمت وياي ،،بس من اشوف اولادي انسى لان ربي عوضني بيهم ،،،بس هنا راح اوضح مشاعري اتجاه ماهر ،،،ماهر هو حبي الوحيد بس بعد ماعافني انكسر شي بداخلي خلاني ما اثق برجل وبعده تجربتي مع سيف كانت بمثابة حبل اعدام ملفوف ع رقبتي ،،،وتحررت منه بلحظه الاخيرة ،،هذا الشي خلا عندي فوبيا وخوف من الرجل وأثر عليه سلبيا بحيث دا افكر بنتي من هسه اخاف تعيش الي عشته ومتقاوم الي قاومته اخاف انو تنجرف للغلط ،،،،،عشت حياتي لاطفالي الى ان اجا يوم الي اتصلت عمتي بي تبجي ،،،وصدمتني بماهر انو مريض وع فراش الموت ،،هنا عجز اللسان عن النطق وقلبي احسه راح يطلع من مكانه واقدامي متشيلني كمت ارجف طلبت مني انو اجي ماهر رايد يشوفني ،،،اتصدكون ابد ماترددت لحظة بروحتي اله ماعر ف شلون وصلت شفت حبي الاول ذاك الشاب الانيق ،تعبان وكبران بفراشه ،من شافني ابتسم كتله الحمدلله ع السلامة ،،،ماهر الله يسلمج فوفو ،شدعوة متسالين ،،رفيف ،،تعرف مشاغل الحياة،ماهر صح الله يعينج ،،لحظات خلوني وحدي مع ماهر متحملت شفته حاولت احبس دمعتي ماريد اضعف كدامه ،،صاحني ،،ماهر ،،فوفو حبي،،لاتمنعيني اكوله الج ،،،احس هاي اخر مرة ،،سمعيني للاخر ،،اني حبيتج والله اليشهد عليه ،،واعرف انتي حبيتيني وكسرتج اريدج تسامحيني ،،،رفيف اول شي ان شاء الله عمرك طويل ولاتكول هالشي كل انسان يغلط وانت مو معصوم عن الغلط احجي وبداخلي نار تغلي ،،متحملت نزلت دموعي وفضحتني ،،ماهر ،،،اويلي هاي الدموع الغالية تنزل عليه ممصدك،،،رفيف تدريين شنو امنيتي قبل ماموت احظنج والله متت ع فراكج لج طول عمري تمنيتج بحظني بس ماصرت القسمة وهسة لاتحرميني من امنيتي الاخيرة ،رفيف زدت البجي ،،كتله ،،حرام عليك ليش تحجي بالموت انت راح تعيش خلي ايمانك بالله ،،ماهر،حبيبتي انتهت ايامي الدكتور اصلا قطع الامل ،،هسة شكلتي،،،، تصدكون رجلي ودتني اله مافكرت بحلال او حرام اوعيب جنت شبه جسد وديمشي صدمتي كبيرة رحت كعدت يمه حط ايده ورا اجتافي وبدى يشهك بالبجي. صاح اوووف ياريحة هلي والله هسة ردت بية الروح متحملت احس قلبي راح ينفجر شعور ما اتمناه حتى لعدوي ،،،كتله ماهر تدري شكد حبيتك وتدري شكد حلمت بيك وتدري شكد بجيت من عفتني ،،،حاول يضحكني كالي ادري كلشي وربج ديجازيني ،،كتله لاتكول هيج بس اريد اشوفك شغله تثبت انو اني مانسيتك وبقيت عزيز ع قلبي ،،مديت ايدي جوا الحجاب ،،،صاح اعرف السلسله الي جبتها الج شفتها يوم الي ودينا ايه للمستشفى تدرين بوقتها مجنتي لابسة حجاب وشفتها وبرد كلبي وزاد املي بس انتي عنيدة ،بعدها حظني حظن ام راح تفقد ولدها ،،وباس راسي ،،،وكالي مشكورة حبيبتي اليوم اجمل يوم بعمري راح اموت واني مرتاح ،،،اتمنى تسامحيني، وخليج قوية وديري بالج ع نفسج وع اولادج ،،،،طلعت من ماهر جنت منهارة ع الاخير احس روحي راح تطلع ماكو كلام مجرد دموع مثل المطر اي هيج من تفقد عزير لقلبك ،،رغم فراق سنين والعذاب جانت الى معزة خاصة بقلبي ،،ثاني يوم الفجر اجاني اتصال انو ماهر توفى عمتي تبجي ومنهارة وتحجي من سمعت الخبر احس رجلي ثكلت وكلبي وايدي بدت توجعني كلش ،،،،،،،بعدها حسيت اني بالمستشفى جنت متعرضة لبدايةجلطة وتلاحكوني ،،،،،،،،،،فراك ماهر اثر عليه
#يِآريِتٍ آلّذٍگٍريِآتٍ #تٍروحً 😞
مٌثَلّ #مٌآرآحًو آهًلّهًآ💔
وخلاني امرأة حزينة بلا روح مجرد عايشه بقيت امراة محطمة داخلية صلبه خارجيا ماعندي هدف غير اربي اولادي وفعلا. هاي اني عايشة بس لاولادي كبرو وديعوضوني بالاحسن وماهر كل يوم اترحم عليه وسيف شبه ناسينا ،
وحاليا اني امرأة ناشطة في منظمة للحفاظ ع حقوق المرأه
،،،هذه جانت قصتي ردت اوصل الكم من خلالها شكد تعرضت للاذى بس بحياتي مافكرت انجرف للغلط لان اكو من تعب علية بالتربية وخلاني اخاف الله ،. خصوصا بعد ماكثرت حالات الخيانة والظاهرة المنتشرة والله انة خنت زوجي بسبب الاهمال ،،،الي تخاف الله عمرها مراح تلوث شرفها او تخون ثقة رب العالمين بيها ،اتمنى نالت اعجابكم ،وارائكم بيها وبتصرفها هدفي كان اوعي اخواتنا وبناتنا ان الصبر مفتاح للفرج وان رب العالمين مراح ينسى عبده
لا تسرق فرحةاحد 🍃 و لا تقهر قلب احد ❤ اعمارنا قصيرة
و في قبورنا نحتاج من يدعي #لنا وليس #علينا
🙂🙂
