البارت التاسع
بنات شوية انطو القصة حقها بالتفاعل ميصير هيج
#بقايا_امرأة القصة حقيقية
Princess shosho
،بعد ماوصلنا للبيت اهلي نزلت ونزلت اطفالي وطبيت للبيت اخوتي لحو ع لارا وزوجها وماهر يبقون للعشى ،،وفعلا بقو،،،،،،بدينا نحظر للعشى ،،ورى صلاة العشى صبينا العشى ،،،الكل كعد ع الاكل اني خليت لاطفالي وبدو ياكلون ونفسي مسدودة مااشتهي ،،،بهاي الاثناء رن تلفوني ،،شلته ،،صوت سيف يصيح وماخلا علية من الحجي والمسبة شكله سكران ،،كالي خلال ثواني الكاج بالبيت ،،،حاولت اهدي بس ميفيد الكل سمع ،،اخوي حمزة تخبل ،،،وكال متروحين وتبقين انتي مو جارية عنده ،،كتله خلص حموزة حبيبي اهدى ،،اني هسة اروح واعرف شبي ،،حمزة كالي امشي اني اوصلج ،،كتله ماكو داعي قريب ماعلية شي ،،،خفت يتواجه حمزة وسيف وخصوصا سيف سكران اخاف كلش من تصرفاته واخوي عصبي ،،واعرف سيف مراح يعديها ع خير ،،،جمال،،،اني اوصلها يالله لارا خلينا نروح ،،،خطية من وراي كامو حتى ماكملو العشى ،،وماهر وياهم ،،وصلنا العمارة ،،فتحت الباب بدى يصيح وصوته كان واضح ،،مارديت خفت من كلام ماهر خفت ليسويها سكتت عفته وطبيت شفته بده يجن ظرب البطل ع الباب واتكسر والاطفال جانو كاعدين قريب الباب سمعت صوت صريخ باوعت شفت بنتي راسها ينزف وفقدت الوعي اثاري متطاير الكزاز وجارحها،،،خفت كلش كمت ابجي بعدني بملابس الطلعة ،،صحت عليه كتله كوم بنتك تنزف ولا يعبرني فاصل من الدنيا كمت ابحي خابرت ع لارا كتلها الحكيني ماكو ثواني لكيت ماهر بالباب شاف بنتي بايدي تخبل ،،ماهر ،،هذا السكط لج انتي كل السبب منج هذا مجنون راح يدمركم كتله فدوة لعينك موكتها خلينا ناخذها للمستشفى راح تروح من ايدي انتبهت لنفسي بدون حجاب جريت حجابي ولبسته نزلت لارا وجمال ديلحكونا كتلها ماكو داعي بس صعدي اشرف ابني يمج ليسوي بي شي ،،،،،،نزلنا ماهر حتى سيارت جمال ما اخذها وكف تكسي ،،وركبنا جان خوفه ولهفته تكفي وتوصف حبه الي ،،،واني ابجي،،،تهسترت شفت بنتي فاقدة كلش ،،كمت ابجي اكثر وماهر يهدي بية،الى ان وصلنا المستشفى نزلنا طببوها للطوارء خيطولها الجرح ومن الخوف فقدت الوعي طمننونا ونقلونا للردهة،،بأمر من لدكتور نبقى بيها 6ساعات تحت المراقبة ،لان الجرح براسها ،،،بقيت اني وماهر اتصلت لارا بماهر طمنها وكاللها ماكو شي خطير مجرد نطمئن ونطلع ،اني بهاي الاثناء منهارة وابجي ماوكفت دموعي معقولة ،ابوها هيج يسوووي بدى عقلي يجيب ويودي افكار تعبت وقررت ارجع اطلب الطلاك هذا انسان مريض حتى من شغله فصلوه ،،،جان سرير واحد وسرير ثاني بصفه كعدت عليه ،،وماهر هم كعد تعب من ورانا حتى الاب ميسوي سوايته ،،رفيف ،،ماهر شكرا معروفك ماانسى طول عمري،،،ماهر ،،،رفيف هاي بنت الغالية لج ماريد شكر ولاشي بس عيونج ارحميها راح تعمى من الدمع ،،رفيف ،،اخذت حسرة،،كتله الي مثل حالتي ،،شبقى منى خليني اعمى ولا اشوف هذا الواقع المر ،،ماهر ،،انتي ليش تعاندين رفيف اني احبج ومستعد اعيشج انتي واطفالج ملكة،،،رفيف ،،مستحيل على حساب سعادة غيري ،،،سكتنا ،،واية بنتي نايمة اني هم نعست بس ماكوبس هذا السرير كورت نفسي وتمددت ،،بعدها ماحسيت الا ع صوت الطبيب فزيت شفت نفسي نايمة ع رجل ماهر ومغطيني بسترته ،،هو هم حس وكام بسرعة الطبيب ،فحص اية ،،الحمدلله طلع وضعها تمام وكدرنا نطلعها ،،سوى ماهر خروج طلعنا اباوع شايل اية ويشاقيها،ويغطي بيها يخاف لتبرد ،وجان وقت نص الليل بي نسمة باردة،،،اووووف ياماهر شسويت بينا،،،،،،،طلب تكسي كتله اروح لاهلي ،،ماهر لا لايخترعون بهالليل ابقي يم لارا والصبح روحي ،،وافقت لان صدك مو حلوة اروح نص الليل واعرف اخوتي مراح يسكتون بعد الي صار ،،،باثناء الطريق كتله ماهر شغلي الضوء طبعا حتى اطلع الابرة لا تنكسر خليتها بالجنطة شغله ووكعت جنطتي نزلت ايدي وانرفع ردات الثوب الي لابسته طبعا علامات الضرب جانت تعلم ع ايدي انتبه جر ايدي لج هذا شنو ،وابو التكسي يباوع،،بقى خارزني الى ان نزلنا ،،وصلنا شقة لارا طبينا وجمال متهدد بسيف الي يكتله بس لارا مانعته ،،اية اخذتها لارا مني وجمال جان نايم هو واشرف ابني،،بقينا لوحدنا بالصالة، ماهر،سحبت ايدها اثار ضرب هاي شلون متحملة هذا الشي ،،صرت اعصاب صيحت عليها لج ليش تخلي يتمادى عليج ،،، رفيف،،،من شاف ايدي تهستر،،، راد ينزل عليه مخليته توسلت بي ،ماهر ،تحبي وتخافين،عليه،،رفيف ،،ضحكت ضحكة قهر كتله الي مثلي هم الى حق يحب ،،،ماحبه بس زوجي واحترمه بس هو للاسف مايحترم وثانيا ماريد تتوسخون بي وتنزلون لمستواه لان هو مريض نفسي ،،وهسة اني رايحة انام وانت هم نام لان تعبت هواية،،،طبيت للغرفه ،،،موقف ماهر وخوفه وحنانه ميروح من بالي ،،،،بقيت بحسرة ،،بس اكو شي يمنعني عنه ،،الصراحة احس نفسي تعقدت من الرياجيل ،،،،،،،،
أنـي بـَخـيـر ما بـيـه ..
شويه هـمـوم عـاديـه ..
حـرگه بگـلبي والُتفكيـر ..
وخـنگه شـويـه بالـريه !!
وشوي أحـلام صارن سود ..
مــا صـارلـــي ورديــه !!
(واذا يعني شنو شبـيـه؟)
اذا شفت تفاعلكم للقصة يساعد احاول انزل الجزء الاخير الساعة 8 تقريبا
الى حد هاي اللحظة شنو ارائكم للقصة
