البارت الرابع
Princess shosho
#بقايا_امرأة
،،،رفيف ،،شفته يضحك كتله ديالله حباب خليني اكمل بسرعة حتى الحك اراجع دروسي.وانام ،،ماهر ،، اخذي راحتج راح اطب جوة اجا حمزة ها ماهر لك هسة يلكفك ابوك ويشم بيك ريحة الجكاير،،ماهر ،،هههههه، يمعود يدري بس يغلس ،،
،،حمزه شوف رفيف هسة راح تطب انت واني اضم نفسي ورا الحايط واخوفها هي جبانة كلش ،ماهر لاخطية لك لايصير بيها شي ،،،حمزة،،،لتخاف مايصير شي ،ماهر راح حمزة وضم نفسه ، رفيف ،،جنت دا امسح المي حتى لا احد يتزحلق وفجاءة سمعت صوت التفت وصرخ بوجهي واني صرخت وابجي واتجهت للباب الثاني بسرعه وانصدمت بشي واني ابجي باوعت شفت ماهر ،،،لج لتخافين هذا حمزة حب يشاقيج ،،،،،باوعت ليورى ،،شفت حمزة ميت ضحك وماهر يرزل بي من شفتهم هيج زدت بجي وعفتهم ورحت لغرفتي بقيت ابجي الى ان نمت ،،،،ثاني يوم الصبح ،،كعدت سبحت وبدلت لكيت ماما وعمتي كاعدات يسووون ريوك ،،صبحت عليهم،،،،،وجنت كلش متاخرة ،امي،،لج شكم مرة كعدتج عبالي مراح تداومين الباص راح عليج ،،،،،رفيف شنو يمه خرب بحظي عندي امتحان بعد مالحك اروح الا بسيارة راح اكعد حمزة يوصلني،،ماما،،حمزة راحه و وياسين وولد عمتج للشغل كتله بالله هسة منو يوصلني ،،،ماهر،،،جنت واكف .اسمع رفيف تريد احد يوصلها،،،صحت من وراها كتلها اني اوصلج،،رفيف باوعت لكيت ،،ماهر يكولي اوصلج ،،،فرحت كتله يالله فدوووة بسرعة،،،ماهر اكلي شي وخلينا نروح ،،رفيف لا عفية ماهر خلينا نروح ،ماهر، ماشي امشي طلعت قبلها شغلت السيارة واجت كعدت ليورى ،،،،صحت ست رفيف اني مو السايق الخاص ،انزلي اكعدي ليكدام ،،،رفيف،،،اهو ماشي دفضنا يمعود راح اترزل من ورى برودك،،ماهر ،،والله خوش يعني فوك ما دا اوصلج وانتي المطنكرة فضيني دليني وين طريق مدرستكم ،،،رفيف ،،وصفت المكان ،،وبقيت اراجع بالكتاب الى ان ،،ماهر يالله رفيف ،وصللنا،،،رفيف رفعت راسي ،،شلت كتابي وبسرعة نزلت حتى ماشكرته وطبكت الباب وراي بقوة،،،،،وسمعت صوت ماهر،،،والله موصوجج صوج اليوصلج انداريت ضحكت وكتله مشكور ،،،ورحت ،،ماهر ،،ماعرف احس عندي مشاعر اتجاه هاي البنية وخصوصا بعد ما امي حجت بشغلتنا حتى لو كلامها بمزح بس صدك حطيتها ببالي،،،رجعت للبيت ،،،ومر الوقت واحس نفسي ضايج انتضر رفيف ،ترجع ،،رفيف ،،خلصت دوام ورجعت ،،،لكيت امي بالمطبخ سلمت عليها وسالتها على عمتي كالت موجودة بالغرفة رحت للغرفة شفت ماهر بالصالة مدد ويتفرج ع Tv باوعت عليه ،كتله هلو ،،عدل نفسه ،ماهر هلوات ،،،،،،طبيت للغرفةورحت تغديت ،وغسلت المواعين ورحت اتحظر للطلعة ،،،تصدكون بنات حياتي عبارة عن مدرسة وبيت امي طلع البنات واني تبقيني دائما ،،
طلعت ثوب طويل وحجاب على لونه ،،وخليته ع السرير وفرحانة كلش ،،،،اجت عمتي كالتلي بنتي بعد وقت ع الطلعه ورى اذان العصر يالله نروح ،،روحي سوينا شاي وجيب للصالة كاعد عمج وماهر وامج واني راح اروح يمهم حبابة بنتي ،،كتلها تدللين عمتي من عيوني ،،،،عمتي تسلم عيونج يابنت الغالي ،،،رحت للمطبخ خليت الجاي ع النار وبقيت انتظر الى ان صار وحظرت الكواب والشكر وووديتها كعدت اصب جاي واسمعهم يسولفون تعرفون الكبار من يلزمون سالفة يبقون يحجون بيها بهاي الاثناء ،،،ماهر،،بشري رفيف جاوبتي بالامتحان لحكتي ،،رفيف اي الحمدلله كلش سهلة الاسئلة،،،ارتاحينا ،هذا اخر امتحان ،،،،،،بس بداخلي هذا ليش ديتقصد يحجي وياي واحس نظراته تلاحكني ،،،مر الوقت وهم يسولفون شفت باقي نص ساعة ع الاذان كمت بسرعة رحت لغرفتي بدلت وحطيت عطر الا مكياج اني ماحط بس كحلة عدلت نفسي،،وكعدت الى ان اذن العصر صليت وطلعت شفتهم مكملين وينتضرون ماهر ديجي
رحت قبلهم كعدت ،ع بنيد السيارة الى ان وصلو شفت ماهر يباوعلي من فوك ليجوة ،بس ماعرف شنو قصته وليش هيج وياي،ركبنا واتجهنا للسوق وبدو يشترون المستلزمات واني بس افتر وماهر وين ما اتجه الكاه وراية ،،الى ان وصلنا محل شفت فستان كلش حلو ذهبي باسود وطويل ومستور بس فصاله جان كلش حلو ،،باوعت عليه ،،وصحت لارا تعاي شوفي هذا الفستان يجنن لج ليش متشتري اجت لارا شافته كالت لاعيوني ميعجبني هيج موديل اخذيه انتي من تنخطبين عوجت حلكي كتلها مو صوجج صوجي ،،هسة اكول لامي تاخذه الي ،،،رحت،،بس مانتبهت ماهر وين لان جان مثل ظلي ،،،رحت لامي،سولفتلها وقنعتها تشتري الي ،،،رحنا للمحل لكيته ماكو طبيت سالته ،جاوبني انو انباع قبل دقايق ،،طلعت مطنكرة وامي وعمتي يحجون علية وهسة نشتري احلى بس ضجت رحت لامي كتلها راح اروح للسيارة اكعد لان تعبت ،،امي،،ماشي روحي ،،،توجهت شفت ماهر يمشي وراي ،صاح عليه رفيف وين رايحة ،،رفيف ،للسيارة لان تعبت من الفر ،ماشي امشي اني هم تعبت خلينا نكعد بالسيارة فتحت الباب الورى وكعدت وماهر بمكان السايق بقينا ساكتين بالصدفة رفعت راسي لكيته صافن عليه ،،توترت كلش وماعرف ليش ،ماهر ،،بعد مارا حت رحت للمحل اشتريت الفستان الي رادته وقررت انطي لامي تنطيها اياه ،،كعدنا سوى بالسيارة بقيت اصفن عليها يعني بحياتي ماشفت مثل هدؤؤها وفطارتها ،وبنفس الوق جنت ضايج منها يعني اذا اتعرضت للتحرش مراح تعرف ترده لانها بريئة لازم تكون اكثر وعي ،،،
