البارت الثامن
#بقايا_امرأة
بالنسبة للقصة حقيقية بس اكيد ماتخلى من لمسات الخيال ،،لان بطريقتي ربطت الاحداث ،،ووبالنسبة للتفاعل انتو تطربون ع الغريب 😒
Princass shosho
اصبحت تلك الفتاة تنمو بالعكس ...
لم تعد حتى افكارها منطقية
وبات كل شيء حولها فوضى ..
حتى سيقانها اصبحت ثمرة غير قابلة للقطف !
لم تعد تجيد السير فجمد رأسها وكأنه جذر بالأرض ...
وانتهت بعد ذلك اللعبة
ايامي بدت تمر ،وماكو اي تغير ماهر ،بدى يتقرب الي ويستغل اهمال زوجي واني اصده ،،،قررت ابتعد منه وخصوصا زوجي حاليا بالدوام رحت لاهلي،،،ع الاقل احس بامان ماريد اضعف وارضخ لماهر لان الي مثل حالتي ماعدها شي تخسره،،،بعد يومين الكل كاعدة الصبح واني كذلك لان يريدون يطلعون سفرة اني عارضت بس امي ماقبلت ،،،وبهاي الفترة امي كلها تحرق بدمها من وراي لان تعرفني عايشة بظيم ،،المهم الكل اجتمعو اخواني وزوجاتهم وجان يوم جمعه واختي سارة .وزوجها ،،ماعدا لارا ،،،بعده مو جاية ،،،،،،وخابرو عليها كالتهم هي بالطريق ،،،اتفقنا نطلع 3 سيارات ،،،بدلت لاطفالي وكعدنا ننتظر ،،والاكل حظرنا من الليل ،،وصلت لارا ،،نزلت سلمت وبدو يتقسمون مجموعات ،،لارا صاحتني اروح وياهم لان السارة فارغة ،،وامي ويا سارة واخوتي بسيارة ،،،توجهت للسيارة شفت ماهر موجود وهو السايق ،الموقف لا احسد عليه ،،،صعدت وانجبرت اني واطفالي ،،ركبت وهو طول الطريق عينه منشالت عني بدى يشغل اغاني وكلها عن الحب اول شي اغنية الحب مالي،،،وبعدين ،اغنية ،،اول حب بعمرك اني ،اول واحد باسك اني واول دمعه نزلت اذكر جانت باحظاني،،،،،وهو يردد بكلماتها احسه ديعاقبني ،، بحيث اثرت بية،كلش حسيت مكتوبة على حالتي نزلت دمعتي لا اراديا,,, بس محد شافها بس هو ماعرف شلون حس وصاح ع لارا هذا الكلينس اخاف يحتاجو الاطفال عرفت يقصدني،،،،،،،هو مايعرف بهذا تصرفه ديخليني احقد عليه بالزايد لان،،دا اذكر ،و لو ما تاركني جان هسة اني ملكه ولا اتعذبنا ،،،وصلنا المكان،جانت بيها العاب هواية للكبار وللصغار اول شي تغدينا وبعدين امي كعدت ويمها الاطفال يلعبون والباقي اباوع عليهم كلمن وزوجته الا اني دائما وحدي ،،،اخذت حسرة ومشيت شفتهم توجهو لعبة المقص جانت كلش تخوف واني اصلا عندي فوبيا الاماكن المرتفعة ،،كلمن صعد هو وزوجته واقدامي اخذتني للعبة رغم خوفي بس ردت اصعد بيها مو للونسة لا بس شفت صريخ بيها وكلمن ملتهي بحالي والي يصرخ يضنون انه من الخوف رحت ردت افرغ هم كلبي وصرخات كلبي ردت ارتاح رغم خوفي الكل صعد المقاعد 2اني كعدت بوحدي اباوع اخواني لازمين ايادي نسوانهم وخواتي همات فرحت الهم ابد ماحب احسد وماحب احد يتجسد مكاني او يعيش الي عشته ،،،المهم كعدت بمقعدي وقبل ماتشتغل بثواني حسيت واحد كعد يمي باوعت ماهر حاولت انزل شفت اللعبة بدت تطير ،،،بقيت متماسكة كتله شعندك ،،،ماهر ،،انتي اكيد تخبلتي،،اعرفج اكثر من روحي شنو ناوية تسوووين بعمرج انتي تخافين من الاماكن العالية شصعد بيها وفوكاه بوحدج ،،،رفيف،جاوبته ميخصك،،،ماهر ،،لا يخصني انتي جزء مني حتى اذا نسيتيني وطلعتيني من حياتج تبقين اغلى انسانة عندي واذا صار عليج شي اني انتهي،،،لج اني عايش ع وجودج حتى لو بعيدة عني ،،،،،بدت اللعبة تزيد اكثر ،،السكوت عم علينا واني ماصرخت بس بعد ماتحمل لان كلش خفت وحسيت نفسي راح اسقط منها ،،بديت اصرخ وابجي حسيت ايد فوك ايدي فتحت عيني شفته ايد ماهر سحبت ايدي بسرعه ،،ماهر،،،صدكيني مو قصدي اي شي بس اعرف بيج خايفة وهاي الحركة تهديج،،بقى ضاغط على ايدي وان ي اصرخ وابجي،،،والكلام الي ظامته بكلبي اتجاه ماهر ،،،كل حجيته ،،غلط وعتاب،،وكلشي ،،،وهو ساكت ولا جاوب،، تعبت حسيت نفسي راح اموت ،،صاح رفيف ،،قاومي مثل ماقاومتي حزنج وعذابج صار سنين ،،،سمعت كلامه فعلا بديت ارتاح الا ان وقفت اللعبة جنت دايخة كلش نزل ونزلت وراه مد ايده ديساعدني ،،امتنعت ونزلت ،وحدي،،،،،احس بمجرد قربي منه هو خيانة لسيف،،،راح البعض يكولون ميستاهل صح بس اني لاجل نفسي وخوفي من رب العالمين ماريد الغلط،،،رحت لاطفالي ،،اخذتهم وياي،وبعدت عنهم كعدنا مقابل كشك يبيع حلويات ،،اشتريت الهم وكعدت اباوع ع العالم ،،،الناس عايشة والها بس الظاهر ومحد يعرف الي بالداخل،،،،شفت ماهر اجى باتجاهنا صحتت للاطفالي احاول ابتعد عنه بس للاسف كان اقرب مني وصل للاطفال و مشتري الهم غزل البنات اتشكرو وبدو يلعبون بقيت كاعدة لخاطر الاطفال اجى كعد يمي،،ماهر رجاءا كافي اتركني بحالي اني متزوجة ودشوف هذول الاطفال اطفالي ومن رجال غيرك اني متزوجة كافي تعذبنا وارحم حالي،،،ماهر ،رفيف اعرف هذا الكلام ومراح ارتاح الا ترتاحين حتى لو بعيد عني بس متبقين تحت رحمه هذا السكط،،،رفيف ،ماهر خلي زوجتك بمكاني تقبل حبيبها الاول والي عافها يجي يكللها احبج اطلكي من زوجج حتى اخذج،،،،ماهر،،،رفيف موضوعنا يختلف اني لو اعرف انتي سعيدة بحياتج صدكيني ماشوفج نفسي بس اني دا احس انو الي سبب كبير بعذابج هذا،،،،،،رفيف كمت ،وكتله ماهر اخر مرة اطلب منك اذا صدك اكو معزة الي بقلبك ابتعد عن حياتي،،ماهر ،،،ماشي رفيف ،راح ابقى بعيد بس صدكيني اذا سمعت ،زوجج السكط ضاربج او مزعلج راح اشوفه نجوم الظهر،،،،رفيف،،عفته ومشيت واحس،بعيونه شرار وغضب مسيطر عليه،،،احس الدنيا دتعاكسني ،،بعدها رجعت يم امي. بقيت الجهال وكتلها رايحة للحمام ،،،رحت وحدي ،وشفت شباب 2،،،لاحكيني ،،اني جبانة بهاي السوالف ،،بدو يذبولي حجي واني امشي اريد بس اوصل مكان مزدحم ،،طلعت التلفون سويت نفسي اخابر بس مفاد ولاعبالك وحجيهم مقزز ،،بديت ارجف ودخت،،،باوعت عليهم قويت نفسي كتله تمشون من يمي لا الم العالم عليكم بهاي الاثناء شفت ماهر هاجم عليهم وتعاركو ،،واحد بيهم فلت والثاني بالقوة فكيته ،،وهديته بدى يعدل بنفسه وكالي امشي كدامي لا ارتكب اليوم جريمة .سكتت ماحجيت اي شي ،،رجعت يم ماما والاطفال وهو شوية واجى ورانا
كعدنا شوية ولملمنا الاغراض حتى نرجع ،،،طلبت من سارة ارجع وياهم بس جمال زوج لارا مارضى لان كال ع طريقنا وسارة راح ترجع لبيتها ،،،ع اعصابي رحت وياهم بس ماهر هالمرة حاول يبعد نظراته عني ،وشكله جان يوحي بانه ضايج ،،،
،،ماهر،،اكتفيت بالسكوت وشغلت القصيدة ،كريم العراقي
من قال لايبكي الرجال الله يعلم
ياوفيه كم ضاقت الدنيا عليه
لنا اضعتكي من يدي اخطأت بأسم الكبرياء
فجرحت سيدة الوفاء
ياويلنا نحن الرجال من غير نساء
عودي اعذريني سامحيني سيذوب قلبي من حنيني
من قال لايبكي الرجال ابكي نعم ابكي لمن ابكيتها مر البكاء ابكي اذا نفع البكاء اني امام الناس اعلنها جنيت لااستحي لوبين قدميك ارتميت فألى متى اجني ثمار خطيئتي هذا الاوان الصلح يامحبوبتي عودي لعل الارض تحملني وتحميني السماء ياويلنا نحن الرجال من نحن لولا المخلصات من النساء.........
توقعاتكم بنات ولو انتو بمكان رفيف شلون تصرفون وصاحبة القصة موجودة ويانا
