البارت الخامس
#بقايا_امرأة
بقلمي ،،princess shosho
ماهر ،،بقينا بالسيارة وأسألها على المنطقة وهي تجاوب بس ضايجه كلش جانت مثل الطفلة الي متحصل الشي الي تريده تطنكر وبس عايزها تكوم تبجي،،وصدك باوعت لمحت عيونها تدمع ،سالتها فوفو شبيج لليش ضايجة مجرد منطقت الكلمة بدت تشهك بالبجي ،،،نزلت فتحت الباب الخلفي وجريتها نطيتها بطل ماي كتلها غسلي وجهج ولحكيني وما ريد اسمع الج حس ،،رفيف ما،،،عوفني بداخلي،،،راح البعض ينتقدون تصرفي ،،،بس السبب الرئيسي اني تذكرت والدي وجنت لمن اطلع واني صغيرة يخلي فلوس بجيبي لان يعرفني مو من النوع الي اشتري وابذر بس اشياء قليله تعجبني تذكرت الموقف وكمت ابجي ،،نزل ماهر وحاول يهديني وكل فكره ابجي من ورى الثوب الي مشتريته ،،نزلت وراه ،،شفته توجه لمحل الايس كريم .طلب 2وحدة الي وحده اله،،اخذناها وبدى يتمشى صحت عليه ،ماهر حباب ياسين ميخلينا ناكل بالشارع خلينا نرجع للسيارة ،،ماهر اوك يالله براحتج بس بلا دموع. رجعنا والسكوت عم علينا ،،،رفع راسه وسالني،ماهر،،،راح اكلج شي بس بدون زعل ،،رفيف احجي ،،امي قبل مانطلع كالتلي شوف رفيف شيعجبها اخذه اله بدون ماتدري ل لان الصوغه الجبته اله طلعت مو قياسها وهي مشغولة واني شفت الفستان الي عجبج واخذته فتحت عيونه و،،،رفيف ،،،صدك ماهر انت شنو قلبك وشفتني انقهرت ولا كلت ،،ماهر هسة بلا حجي زايد هاج هذا الثوب،،،رفيف اخذته وروحي فرحانة وصدكت انو عمتي طلبت منه،،،ماهر،،،ماما ،حجت كدامي وكالت نقهرت ع رفيف طلع التراك صغير عليها ،،ماشاء الله صايرة مرة ،،واني استغليت هاي الحجة ونطيتها الفستان ،الى ان يصيرلي فرصة وافهم امي ،،،خلصو البنات وامي ومرت خالي احتياجاتهم ،،والكل ركب بالسيارة ورفيف تشكرت امي وامي فاتحة حلكها وماتعرف بعد تحجي افتهمت الفلم وسكتت ومشت السالفة ،،،رجعنا للبيت ،،،ونزلت رفيف اول وحدة ،،،،،،،بعد هذا الوقت مشفتها لان بدو الجماعة يحظرون للحفلة والبنات مشغولات واني طلعت ويا الولد حتى ياخذن راحتهن ،،الى ان صار وقت الحفلة ،،،رفيف ، جهزت نفسي للحفلة وكالعادة راح يصير الكرب علية لان اخت العروس بس طلبت من ماما اخلي مكياج خفيف وعمتي قنعتها وفعلا حطيت وشكلي اختلف هواية وطلعت بعد احلى ،،،،صارت الحفلة وبدو الرياجيل يوصلون حتى الشيخ يقطع مهر وبعدها تبقى الساحة للبنات وفعلا صار العقد ورادو اللبيبسي والكيك والفواكه طبعا اخوتي يستحون يقدمون وجنت واكفة بالمطبخ ،،احظر واجا ماهر التفت صرت بوجه ،،ابتسم ،،ماهر سبحان الي خلقج لج كيكة طالعة،،رفيف شكرا ،،يالله انت الي راح تاخذهن مو ،ماهر اي ،يالله بسرعة ،،شلت،الصينية وجانت ثكيله شوية حتى انطيها اله،،وعاط بية ،،،لج شدسوووين مخبلة انتي تشيلين متخافين على نفسج كدامج طرطور ،،،خنست وسككت حسيتها رزالة ،،عفته وطلعت كتله هاي باقي الاغراض وديهن انت،،،،،مرت الحفلة علة خير واني كملت تنظيف والضيوف راحو بقو بس اهل البيت وطبيت لغرفتي لان عرفت راح يجيبون عشى جاهز ،،رحت مددت بالغرفة واسمع البنات شلون يحجون على الخطبة وانو جمال عينه مانزلها عنج ووين متروحين يروح وراج ولج هذا واكع بحبج.الله يساعده ،،،،اول مرة بحياتي ابدي افكر بشي معقولة ماهر يحبني ،،،يو كمت اخربط اكيد ،،،،بقيت كاعدة اتصفح الموبايل ،الى ان اجت عمتي كالت كومي يمه ساعدي البنات جابو العشى دنصب عشى للولد وبعدين احنا نتعشى براحتنا والله كمت ويا عمتي ةصبينا العشى وكالعادة اني اودي الاكل واصفط ع الميز ،،،لمحت ماهر ديباوع بس جان شكله ضايج ،،،تقدم قريب مني واخذ مني وهو بدى يصفط ،،،كملت الاكل وكعدت بالمطبخ الكل طبعا الرياجيل كعدو بالخطار والنسوان كعدو بالصالة اني رحت خدرت جاي وكعدت بالمطبخ ماحس الا ايدي انسحبت وجرني بالطرمة الورى ،تفاجائت بماهر ،،ماهر شبيك انت شدسوي ،،تخبلت،ماهر،نصي حسج ولج كافي هاي الفطارة بيج حسي بيىة اني ماراح اروح الا اخطبج وانتي توافقين،،،رفيف،كتله شنو هاي انت شبيك من كل عقلك تحجي بابا اني مافكر بهيج سوالف اريد اكمل دراسة. وانت بهاليومين لحكت تحبني،،،ماهر ،،لا وعيونج من زمان من تدزون صوركم لامي مخلي عيني عليج وبالحقيقة طلعتي بعد احلى،،،رفيف ،،،بقيت ساكته ،ماهر ،،لاتخبليني لخاطر ربج احبج يابت الناس احبج وراح اخلي امي تحجزج الي الى ان تكملين دراسة،،،رفيف يعجز الوصف عن شعوري ،،الصراحة بحياتي مافكرت ولاجنت متوقعه هذا الشي ،،انو اني انحب ومن هاي السوالف ،،بوكتها اكو شعور اختلف بداخلي ،،دفعته ورجع جرني،لحظنه ،،ولج اف شسويتي بية خبلتيني نزلت دموعي لا اراديا ماعرف شنو السبب كتله حباب بعد عني اني ماعندي هيج سوالف ،،،ماهر ،رفعت راسه،ومسحت دمعها وكرصت خدها. ماهر ،اعرف وهذا شدني الج اكثر ورحت كتلها فكري بكلامي،،،وراح افاتح امي ،، ،،،،،رفيف ماعرف شجاوبه سكتت وغلست ع الموضوع خصوصا هذا شي جديد ومامر بحياتي ،
