بارت لعيون المتابعين ،،،واليوم العمود الفقري مالتي راح يطك من كثر ماكتبت ،،وراحن عيون،،والتفاعل،،،يكسر الخاطر
القصة حقيقية ،،راح اختفي حتى تشتاقولي وتنطون القصة حقها
البارت السابع
#بقايا_امرأة
Princess Shosho
الالم كالمرض المميت يفتك بأرواحنا بصمت ولانشقى منه حتى نجد اننا تحولنا الى بقايا انسان ضاع جزء منه بين ثنايا الماضي والمستقبل،،(منقول)،،
رفيف ،،،مرات الانسان يتحمل هواية لاجل اشخاص هم من مسؤؤؤليتنا واني تحملت اول شي لاجل اطفالي اي اطفالي ماحبيت يتربون بتشتت واني اعرف انو اهلي ميقصرون بس شي اكيد اطفالي مراح ياخذون راحتهم اذاتطلقت ،،، وهو بكل الاحوال هاجرنا سيف ومن يجي نعيش برعب،،،ومن هنا بدت مسيرتي حاولت الكه وضيفة وفعلا تعينت ،وذبيت حملي كله بالعمل حاولت اغير من حياتي عسى ان تكون اهدى وربي يوفقني ،،،معاناتي مع سيف هي هي بس اني بديت ابتعد عنه بسبب اهماله واهاناته ،،بس تحملت ،،،،بقيت مثل ما انا تمر السنين واني اذبل ،،بس احاول اكون قوية وبداخلي عالم من رماد ،،،،بالنسبة لعلاقتي بيت عمتي انقطعت نهائيا عمتي تحاول تحجي معاي بس اني رافضة طبعا بعدزواجي بسنتين ،،سمعت ماهر متزوج ،،ابد مانقهرت ،،لان بقلبي كرهت كل الرياجيل ،،وما اله بقلبي مكانة حقدت عليه وحقدت على سيف وحقدت على الحياة الي خلتني بهذا الوضع صديقاتي ،من نلتقي يفتحون مواضيع وانو ازواجهم مدلليهم وتعرفون حجي النسوان وجابلي كذا وكذا ،،، الا اني الي يسالي اكوله الحمدلله ،،لان ماعندي شي احجي ،،الصراحة ماحبه اي ماحب كرهته وصاينة العشرة لاجل اطفالي، هو بحياته ماذاكرني، بشي ،،ماخذني خدامة اله ولنزواته و اطفال قررت ماجيب بعد ،،،اختي لارا اخذت شقة بنفس عمارتنا ،طبعا كلمن عايش حياته واني همات عايشتها بس غير شكل ،، بيوم من الايام سمعت انو ماهر عنده شغل بمنطقتنه واكيد راح ينزل بيت اخوه ،،، بقلبي اريده اشوفه واسمعه حجي واطلع الي بكلبي ،،،،،بس تهديت وكلت احاول مانتشاوف هي فترة وتعدي تعرفون احساس،المرة الي تحط راسها على المخدة وهي هموم الدنيا كلها فوك راسها الي دتفكر وتريد تعرف النقص وين الي دتحاول بشتى الطرق تعيش حياتها كباقي البنات الي بعمرها بسعادة،،،،،،بالنسبة الفرح صار عندي مثل الحلم انهدمت حياتي تدريجيا وعمري ديضيع واني اباوع ،،،مرات افكر بالانتحار بعدين ارجع اكول اطفالي الشي الوحيد الواكف بعيني هو اطفالي ،،،،،مرت ايام عادية مصار اي جديد ،،الصبح اجاني اتصال من لارا ،،طبعا سيف الي هو بالاسم زوجي دوامه اسبوع وينزل اسبوع واني بكلتا الحالتين وجود وعدمه نفس الشي لان صدك وصلت حدها انو اني بعدة شابة وهاملني ،،،،المهم اتصلت لارا بية وكالت اصعدي عاونيني بلفرش ،،طلعت الها بدون تفكير دكيت الباب،،طلعتلي لارا كالتي طبي للغرفة الجوا هسة الحكج ،،،طبيت وياريتني ماطبيت ،،انعاد شريط ذكرياتي بلحظة وحدة شفت ماهر واكف بعده ذاك الشاب الحلو والانيق ،،،صارت نظراتنا متقابلة احس روحي متشيلني بعد حاولت ابين قوية وما ابين انكساري ماعندي مشاعر اتجاه لا بس عندي عتاب وحقد كره ،،،ردت اطلع صاح رفيف اترجاج بس دقايق من وقتج ،،كتله ماعندي كلام وياك ،،بدى يتوسل بقيت بطرف الباب وقلبي يوجعني والدمعه حاصرتها،،واكو شي يشدني اريد اعرف سبب هجره الي ،،ماهر،فوفو ،رفيف ،لاتناديني بهذا الاسم،،اكره واكره صاحبه ،،ماهر حقج ،اول شي سامحيني وانطيني فرصة احجيلج السبب الي خلاني ابتعد عنج ،،رفيف اخوية رجاءا اني متزوجة وانت متزوج هذا الحجي مامنه فايدة بعد ربي يوفقك ويسعدك ،،ماهر ،،،لج يازواج دتحجين بي لج حياتج عايشتها بالضرب هذا هم رجال،،ترى اعرف اخبارج كلها ولتصدكين بلحظة نسيتج ،،رفيف ،،اي رجال ونص ارجل منك ع الاقل معافني بدون سبب ،،وثانيا انت ما الك حق تدخل بحياتي،وهذا كلامك كوله لوحدة غيري ،،،ماهر ،،رفيف راح اكلج شغلة وانتي مجبورة تسمعين اني ،، وداعتج عفتج مجبور ،،،رفيف،،،-
