قصة #قلوب_بين_العشق_والهوى3 الجزء الاول
الفصل التابع لقلوب تنبض بالحب ........للكاتبة لينه سعد
بدت البوابة تنفتح.....
واني اباوع على اشعه الشمس القوية الي جنت محروم منه لمدة ٣اشهر
... بدت خطواتي تتخطى عتبة السجن
جانت ابتسامتي جبيرة... واني اطلع وفرحان راح اشوف اهلي...
راح اشوفه.... راح اشوف روحي وكلبي الي تركتهه هناك
غمضت عيني واني دااتخيل وهي راح تجي تركض علية مثل قبل.. وتكمز وتبوسني من خدي بكل عفوية
... جنت اتمنى اطير واوصل لهناك بسرعه .... اتمنة اغمض عيني واني اشوفه كبالي
جانت الدقايق عندي بهاي اللحظة تنعد اسابيع
.. محد يدري راح اطلع اليوم.. متوقعين بعد يومين
جنت اتمنى اشوف نظراتهم الية اول ميشوفوني... بديت امشي.. واني اريد اصعد سيارة التكسي وانزل لبغداد...
وجانت الفرحة جبيرة بكلبي
.......................................................
جنت طالعه بالكراج ومخلية الشال على راسي وكل لحظة يوكع وارجع اعدلة ...
بديت انظف واغسل الطرمه
.. هذا الشي مجنت احس بي من جانت فيروز يمنه...
جانت دووم هي اكوم بشغل البيت
ابد متخليني امد ايدي على شي
جنت مشتاقتلة حييل....
مر ٣ اشهر على زواجه.. وبس تتصل ابد مااجتي
بس. جنت مشتاقة لحظنة لسوالفة.....
اتغيرت هواي...
بديت اكنس...
.... وفجئة..... حسيت بدكات كلبي اتزيد.. رفعت راسي وكفت واني اتلفت يمنة ويسرة
بدة كلبي ينبض قوي...... سكنت عن الحركة وبدت اعيوني تتجمد.... وبدت انفاسي تتسارع...
_رائد....
معقولة هو.... مااعرف كانما حاسة هو هنا... وكعت المكناسة من ايدي وجانت دكات كلبي بتزايد ..
شنو الي ديصير بية....
اتحركت وعدلت شالي واتقربت من باب الكراج وفتحتة .... ومديت راسي بس مشفت احد...
.... ليش كلبي يدك هيج..... اني اعرف هاي الدكات....
اعرفة كلش زين..... هاي بس الة..... بس لرائد...
طلعت اكثر من باب الكراج واني اباوع على راس الفرع... وارجع مرة ثانية اباوع للجهة الثانية....
ماكو احد.... حسيت لاول مرة اني تايهة حسيت بعصرة قوية بكلبي.... مااعرف ليش هيج صار بية...
دنكت راسي ورجعت واني اعرف بية مرض اسمه رائد ومراح اتعالج منه للابد
بديت امشي لباب الكراج اريد ادخل..... بس فجئة
سمعت صوت سيارة وكفت وراية
... التفتت.... وسكنت عن اي حركة واني اعيوني ادور داخل السيارة الي وكفت وهي تبحث عن هذيج الملامح
... بدة يطلع ويطلع جنطتة.....
جانت اعيوني الي متوقفة عن الحركة كانما اتجمدت
واني اباوع على ملامحة الي اختلفت...
على هذيج الابتسامة الي انرسمت اول ما اجت عينة على عيوني
بدت حرارة تنزل على خدي.....
حسيت على روحي واني ارفع اصابعي واتلمس هاي الحرارة الي نزلت.....
جانت دموع....... اشلون نزلت وشوكت.... وليش
معقولة هي هاي دموع الفرح.... هي هاي الي يحجون علية
لو هاي دموع العشق.... لو دموع الاشتياق
بديت امسحة واني اتابع خطواتة الي تتقرب مني والابتسامه الجبيرة الي مرسومه
_اشلونج نيروز
.... بعدني على صفنتي..... بس دموعي الي متوقفت.. بديت ابتسم واني اكول
_حمد لله على السلامه.... اشلونك
أنت تقرأ
قلوب بين العشق والهوى
Romanceرومانسية.... تدور احداثها بين اكثر من شخصية الى كل متابعيني... سلام يااروع اصدقاء... حبيت انوه عن الفصل الثالث من قصة قلوب بين العشق والهوى... التابع للفصل قلوب تنبض بالحب.. ان شاء الله بس اشوف الوقت المناسب انشر لان لحد الان مكاتبة... بس عن قري...
