قلوب بين العشق والهوى

الجزء الثامن

قصة #قلوب_بين_العشق_والهوى3 الجزء الثامن
الفصل التابع لقلوب تنبض بالحب ......للكاتبة لينه سعد
❤❤❤❤❤❤

...بدت ابتسامه خفيفة تنرسم على شفتهة
والي اتحولت عينة على قميصهة الجرجيت الخفيفة من بعد ما اتبلل ووضح هواي اشياء خفية
بداخلة

...بلع ريكة وهو ديشوف نقطة المي الي دتنزل من ركلتهة وهي تدخل لهذا المكان
بدة يتوتر وهو يرفع عينه على عيونهة الزرك
وهي تتفحص وجة وعينهة على عيونه البنية

جاوبهة وهو مركز على عينهة
_اشلونج

...هزت راسهه وكالت
_الحمد لله ......رفعت عينهة الهة وحجت
كالت رنا موبايلي عندك ....

_اي صح
_اريدهة لان اكيد اختي ظل بالهة لان مكملت المكالمهة

...جانت نضرتهة غريبة وهو يكول اله
_ليش مكملتيهة.....شنو الي ارتبكتي منه وخفتي

...جانت متعجبة وهو يحجي وياهه
هو ميعرف بهذاك اليوم هناك اكثر من سبب لخوفهه

_ماكو شي خفت منه

...بدت زاوية شفتهة تنعوج وهو يبدي الابتسامهة المستهزئة
_لتصورين بيوم مااعرف شي يخص عائلتي
او الي يدور بداخل هذا السياج ...

اعرف رائد طلع ....وهذا الي خلاج مرتبكهة ...
وحتى من جنتي مغمى عليج .....بديتي اتنطقين اسمهة
هلكت هو معلك بذاكرتج؟؟

....جان يحجي وياي كانما يدري بكل شي ...
كانما استاذ ويعلم تلميذته .....جان واثق بكل كلمهة وهو يحجيهة
بس مفهمت بالكلمة الي نطقهة
لتصورين بيوم مااعرف شي يخص عائلتي

معقولة هو يعتبرني من عائلتة ....يعتبرني خاصة الة

...معرفت اجاوبة بس كدرت اكول
_اي صح طلع
....شفت لمعة عينة الي زادت وحاجبة الي انعقد وهو يكول

_لازم اتعرفين انتي صرتي متزوجة وحاملة اسمي وكل تصرف راح ينحسب علية

يعني سوالف العشاق اتركيهة ....لحد ماتنتهي المهمة

....جان قاسي وهو يحجي وياي هاي الكلمات
ضجت منه حييل
_لتخاف .....اني ماشية على الاتفاقية
ومباقي شي ....وكل واحد ينفذ الي اتفق علية
وبديت اتحرك وامشي بس

كمشني من ذراعي وكال وهو يجذبني اله واتقرب من اذني وهو يهمس ويكول

-بعدني مكملت كلام

التفتت اله ...واني اباوع على عيونه واتحدى خوفي يمه وحجيت بنترة

_بس اني كملت ....دفعت ايدة ومشيت ...واني بالكوة لازمه نفسي
مااعرف اشلون راح اقنع سيف يسامح ابوه ويتقبلة بحياته اذا اني مامقتنعه بي كأب اله
........................................................

جنت امشط شعري كبال المراية واني صافنة واتلمسة خصلة خصلة واني اشوف اسنان المشط دتغلغل داخله
بس تفكيري كلة يم سيف
جانت التجربة الي صارت وياي اليوم
الهة نتيجة جيدة خلتني اتقدم واسرع علمود علاجة
بس اشلون راح اعالجة ...اني مااكدر
لهنا مهمتي تخلص شاون اخلي يتجاوب وي الناس