قصة #قلوب_بين_العشق_والهوى3 الجزء الرابع
الفصل التابع لقلوب تنبض بالحب ......للكاتبة لينه سعد
............................
.. جان الموبايل على اذني..... وعيوني على الكراج واني اشوف رنا الي تخطو خطواتة لباب الكراج
مكدرت اصرخ... مكدرت امنعهة تفتحة
لحد ماشفت سيارة صلاح تدخل واني اباوع علية...وهي تتوقف وهو يوجة اعيونة باتجاهي
... لاول مرة احس بالخوف.....
لاول مرة احس مشيت بطريق الغلط ومامنة رجعه
جانت اعيونة وهو يركز بوجي كانما عرف كلشي
عرف بان اني كشفت كلشي....
جانت دكات كلبي الي ادك بسرعه وعيوني الي اتجهت على باب الكراج واني خايفه...
خايفه من رائد......الي باي لحظة يدخل وهو متهور يسوي مصيبة
مااعرف ليش خايفه ؟؟؟
خايفه على رائد....... لو من صلاح.... لو على نفسي
... بدت تتغوش الصورة بوجي...
واني احس رجلية متكدر اتشيلني........ حسيت بالموبايل وهو يوكع ويرتطم بالثيل الاخضر.... حسيت بالوجع الي زاد بصدري كانما سجينه وتطعني
... اختفى كلشي....... كلشي صار اسود ومعتم
مدريت بكل شي
بس بديت استرجع هذاك اليوم ....اليوم الي غير كلشي بداخلي
..... بالحظة الي انفتح باب الغرفة بقوة
.... هزت شباج الغرفة..... وبيبان الكنتور
كانما قنبلة انفجرت عند باب غرفتي
التفتت على رائد الي اجة مثل الاعصار...
ووجة الي يلهب نار
اتقدم الي وبعصبية.... وهو يكول
_مليتي من عدنة...... اتريدين اتغيرين جو
اتريدين اتروحين يم بيت عمتج الي مشايفتة صايرله اسنين
.... باوعت علية بعصبية ووكعت من ايدي الجنطة الي حضرته علمود اروح وي عمتي بعد ماعزمتني لبيته
_شكو بية..... غير عمتي
... اتقرب مني واني المح حاجبة الكثيف وعيونة الي زادت من غضبهه... ومد ايدة وهو يضغط على ذراعي بقوة
_وحسين.... مكلتي عيب مكلتي اشلون ابات يم ولد غريب.... لو المستحى راح منج
_ابن عمتي... مابية شي...
اذا استحي منه المفروض استحي منك
..... جانت نبرة صوتي القوية.... وتركيز عيوني الي زادت على عيونه....
خلتة يتهور لاول مرة... وهو يدفعني وكال
_وربي ومااعبد..... اذا طلعتي من باب غرفتج يافيروز ماتلومين الا نفسج... لان راح اطلعج مكسحة
.... جانت صدمتي القوية من حلفانة وكلمتة الي محبيته
لاول مرة بحجي وياي هيج
طلع من الباب واني بعدني كاعدة على كعدتي متعجبة منه ومن تصرفه
... نزلت وراه واني اريد اعرف شبي....
بديت انزل الدرج واني اسمع صوت يعلى من غرفة الاستقبال
بديت انزل واتقرب من الباب واني اسمعه يكول
_فيروز متطلع من البيت
.... سمعت عمتي وهي اتجاوبة
_ليش مابية شي... غير بيت عمتة اشصار قابل
_ماارضى.مايعجبني... اتصور المرة تمشي بشور خطيبة
أنت تقرأ
قلوب بين العشق والهوى
Romanceرومانسية.... تدور احداثها بين اكثر من شخصية الى كل متابعيني... سلام يااروع اصدقاء... حبيت انوه عن الفصل الثالث من قصة قلوب بين العشق والهوى... التابع للفصل قلوب تنبض بالحب.. ان شاء الله بس اشوف الوقت المناسب انشر لان لحد الان مكاتبة... بس عن قري...
