قصة #قلوب_بين_العشق_والهوى3 الجزء السابع عشر
الفصل التابع لقلوب تنبض بالحب....للكاتبة لينه سعد
💙💙💙💙💙💖💙💙💙💙💙💙
..اما رائد الي ضل فاتح عيونة ....
وهو متجمد بمكانة ...
ومنصعق وهو يشوف اغلى شي على كلبة
انتهت ....وراحت مثل كلشي حلو راح بحياته
جانت ايدة ترجف .....
وعيونة مفتوحة بكل قوة ...
وشفايفة باهتة ....والصدمة قوية اقوى من اي شي مر بحياته
كلشي اتوقف عنده ....وهو يشوف فيروز...بدت توكع
والدم الي بدة بتوسع ويننشر بالكاع
لا....مستحيل
ماردت هذا الي يصير
...وكع المسدس من ايدة ....
ووكع رائد وياه مثل ورقه خريف انتهى عمرهه....وهو واكف على اركبة
ويباوع ممصدك الي صار قبل ثواني
ضحت بروحه علمودة ....
...جانت قزحية عينه متوسعه وهو كاعد يشوف صلاح الي حاضنهة وهو يهمس الهة
_فيروز ...كعدي ...
ويضرب على خدة عدة ضربات
لا....مو وكتج ...مو هسة
...بدة يصرخ بعلو صوتة .....باسمهة
وهو ضاغط على صدرة الي بدة يضخ هاي الدماء الحارة والحمرة بقوة
كانما بوري ومفتوح
....اتقرب نائل ...وهو فاتح حلكة ....وميعرف يتصرف
وكال لصلاح
_امشي خلي انوديهة للمستشفى بسرعه
...بدة يشيلة ...وشعرهة الي ابتل بدمائة
قربهة لوجة وهو يحاول يشم ركبتة الي ياما اتمنى يجي اليوم وهو يتقرب منه ويقبلهة
...بدت ادموعه تنزل....ولاول مرة
لاول مرة يبجي ...
اتذكر اخر مرة بجة من سمع سيف فقد بصرة
وهاي اتكرر اليوم ....
_نائل سوق السيارة انت ....
بدة نائل بسرعه يركب السيارة بعد ماصعدو فيروز ورة وصلاح الي حاضنهة بقوة
وهو يحاول يوقف دمة الي ادفق بقوة
_صلاح وين اروح يامستشفى
....بدة صلاح ياشرة
لمستشفى دكتور ناجي
وفعلا....بدة ينطلق نائل بكل قوته ويروح لمستشفى ناجي ...
وهو بالسيارة
طلع صلاح موبايلة ....وبدة يطلب الرقم الي غلط بي اكثر من مرة ..بسبب ارتباكه
واخيرا كدر يدك
وعيونه الي بعدهة اتباوع على فيروز
....................................................................
جان بمكتبة ....وهو يقرة احد الكتب القديمة
على ضوة خافت
وبلحظة اندك موبايلة ....
باوع الساعه 10 بليل
شافة صلاح بهذا الوكت متصل
_الووو هلا ابو سيف
....بدة ينخض...ونزل المناضر الي جانت محصورة بين العيون البنية
...كام وهو يحاول يفهم الي ديصير
_شكو صلاح على كيفك
_تعال بسرعه....فيروز ....اتصوبت
_شنو ...فيروز منو
سد الموبايل ...وبدة يركض يصعد فوك وهو يحاول يوصل لغرفه رشاد
....فتح الغرفة بقوة وهو يكول
_تعال وديني للمستشفى بسرعه
..التفت رشاد علية ...بعد ماشاف ابوة داخل علية بهيج دخلة
.....سد الابتوب وكام الة
أنت تقرأ
قلوب بين العشق والهوى
Storie d'amoreرومانسية.... تدور احداثها بين اكثر من شخصية الى كل متابعيني... سلام يااروع اصدقاء... حبيت انوه عن الفصل الثالث من قصة قلوب بين العشق والهوى... التابع للفصل قلوب تنبض بالحب.. ان شاء الله بس اشوف الوقت المناسب انشر لان لحد الان مكاتبة... بس عن قري...
