قصة #قلوب_بين_العشق_والهوى3 الجزء الخامس
الفصل التابع لقلوب تنبض بالحب ......للكاتبة لينه سعد
......................
... انصعقت.... اتقربت من شفايفة واني متاكدة ميشرب بس مااعرف ليش اتخيلي شارب
بديت اتقرب واني احاول اشم داخل فمه
جانت انفاسة هادئة واي الي بالي من شك ماكو
لمحت شفايفة يابسة
اتلمست نبضة جان خفيف....
كمت وكفت واني عيوني الي بدت تذرف هاي المياه المالحة وهي تتساقط وحدة ورة الثانية
حطيت ايدي على حلكي واني احاول اسكت الصرخة الي بداخلي....
جان منظرة يقهر... مكدرت اتحملة
... صحييت على نفسي بعد ثواني....
اني ليش صافنه......؟؟
ركضت جوة لغرفة نائل.... دكيت الباب بهدوء مااريد احد يحس...
طلع نائل وهو متعجب من الي شافة
وحجة وكال
_نيروز!!!!!
_الحك نائل... رائد فوك واكع
.... فتح عينة بقوة
_شنوووو
ركض بعد مادفعني.... واني اشوف خطواته الةاسعه الي يخوهه كل بايتين سوه
رحت وراه اركض وصلت يمة واني اشوفة يهز بي...
.. التفت الية نائل
_اشبية نيروز....
... بهاي اللحظة حسيت بان اني دكتورة..... ليش نسيت هذا الشي
اتقربت منة... واني اتلمس نبضة مرة ثانية
_نائل شيل وياي انودي لغرفتة
.............................................................
جانت عيوني الي على تور البردة الي يتماوج كانما يرقص وي نسمات الهوى الي اتمر داخل الغرفة.....
بقيت على حالتي هاي نايمة... بعد ما فقدت الوعي وصعدت لغرفتي ومنزلت منهة.. حتى مرحت لسيف علمود اتفقدة....
باوعت على الساعه الي جانت قريبة من الحايط
وعقاربة الي جانت تاشر على ٣ الفجر
واني منتظرة النوم يزور عيوني
غمضت عيني واني داتخيل رائد هو شنو حالتة وشنو الالم الي ديصيب كلبة
جنت مقهورة حيل بداخلي.....
هو بالذات مااريد ااذي...... بس كل ماامشي خطوة هو يكون كدامي... وهو يصير ضحيتي
كمت واني متوترة.... تعبانه.... متاذية من الي ديصير بية
كلبي الي جان قوي... هسة ضعف وبدة يخاف
اني اتغيرت يوم الي دخلت هذا البيت....
مو اني فيروز القوية ....مو اني الي مااهتم لاحد
اتقربت من الشباك واني دااباوع على الحديقة
واشوف واحد كاعد على الكرسي ورافع رجلية على الميز وهو رايح لغير عالم....
_كل واحد بهذا البيت الة قصة وانت يا صلاح قصتك بدت تنكشف
حسيت اختنكت
مشيت للكنتور وطلعت الخاولي جنت تعبانه حييل ....
حبيت اسبح يجوز ارتاح واكدر انام
وفتحت الباب.... واني متاكدة محد كاعد
بس صلاح الي موجود جوة بالحديقه....
جانت خطواتي هادئة واني امشي لان الدنية ليل وكلشي ينسمع وصلت يم باب الحمام.........
أنت تقرأ
قلوب بين العشق والهوى
Romanceرومانسية.... تدور احداثها بين اكثر من شخصية الى كل متابعيني... سلام يااروع اصدقاء... حبيت انوه عن الفصل الثالث من قصة قلوب بين العشق والهوى... التابع للفصل قلوب تنبض بالحب.. ان شاء الله بس اشوف الوقت المناسب انشر لان لحد الان مكاتبة... بس عن قري...
