قلوب بين العشق والهوى

الجزء الثالث والعشرين

يلة حبايبي تاكات لصديقاتكم الي متظرين القصة
قصة #قلوب_بين_العشق_والهوى3 الحزء الثالث والعشرين
الفصل التابع لقلوب تنبض بالحب.....للكاتبة لينه سعد
❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣❣

ومن هاي اللحظة
عرفت طبع رشاد
الي يحب يمتلك اي شي صعب...ويراهن نفسة على تغيرة
ولاول  اكره نفسي واتمنى لو جنت امتلك ربع من شجاعه فيروز
لماجان وصلت لهل حالة الي اني بيهة
..................................................
بدت الساعات والايام والاشهر اتجرني وي هدوء
جانت اتلون حياتي الضلمة  يوم الي دخلت بيهة
مااعرف شنو من صدفه الي جمعتني بيهة بس احلى صدفه

....جانت تحجيلي عن حبة الاول....وشلون فقدتة
ويوم الي كالت مستحيل اتحب بعدة
بدة حب جديد يطرق حياتة....
كدرت تتحدى نفسهة بنسيانه...وبدة كلبهة يدك من جديد

...جنت اشوف محادثتهة...واني استرجع ذكرياتي القديمة الي صارت عبارة دخان اسود بالنسبة الية

....اتمنيت الهة حياة حلوة......
احلى من حياتي الي مشفت بيهة اي شي حلو

..جانت الليالي اتمر واني احجي وياهه...واتمنيت اسمع صوتة..بس اعرف اهلة محافضين
متكدر تحجي وياي

...وبيوم واني كاعدة اتغدة وي تمارة....
اتفاجىء...برشاد وهو يتقدم و يكعد ويانه ولاول مرة يسويهة...التفتت على تمارة الي نزلت خاشوكته وهي اتباوع علية بكل حقد 

مااعرف الكره الي صار  بين الاخوان
ولاول مرة اشوف اخت تكره اخوهه بهاي الدرجه

...جانت اتباوع علية بحقد...
وهو كاعد ويانه وعلى ميز الطعام..
التفت الية رشاد وهو يكول
_نيروزتي.....اليوم معزومين

..اتلفتت اله واني متعجبة
...اترددت واني احجي اله.باوعت على تمارة الي جانت منتظرة ردة فعلي

...بلعت ريكي وكلت
_بس.....بس اني تعبانة...
رفع عينة...وهو يباوع علية بنظرة غريبة....
ورجع يباوع على تمارة....
وبدة يحجي وياي وهو عيونه بعيني
_حظري نفسج ب8

...كام وهو يحاول يصعد الدرج
.....كمت وراه
اباوع علية وكلت

_رشاد....
..نزل الباية وهو يحاول يسمعني
...اتقدمت منه وكلت
_صدكني مااكدر.....
...اتقدم مني وكال
_كلشي مابيج...وهسة جنتي كاعدة يم البومه وتحجين

...فزيت على كلمته الجارحة لاختة
_المن معزومين

_بيت خالد
....من سمعت اسمة اتذكرتة.  واتذكرت نظراتة الوصخه

_زين هو متزوج

_لا...مااتصور

_لعد اني المن رايحة......مااكدر اروح قابل اكابلكم واحجي وياكم ماكو شي مشترك

اتقدم اكثر وهو يكمش ايدي ويلويهة....
_ديري بالج تحجين وياي هيج بعد

...وبلحظة ولاول مرة...اسمع صوت تمارة وهي اتحاجي رشاد...
_عوفهة.....لااطلع عضلاتك عليهة...
..بدت ايدة ترخة...وهو يتقدم لتمارة...
واني واكفه بمكاني وخايفة مااعرف شسوي