بيرق الاحزان
همس القوارير
البارت ١١
فد يوم من الايام قبل ميجي يوسف دانضف الغرفه مالتي واجتي عمتي تركض عليه دفرت الباب وتعيط يا حقيره يا ...... يا....... كوله غلط وفشار اني واگفه اباوع عليها ومندهشه شنو صاير ما ادري ودخل يوسف على صياحها يمكن كانت تنتضره من شافته اجت تركض
يوسف
شكو شصاير صوتكم لاخر الدنيا
زمن
والله ما ادري علمي علمك
ام يوسف
ما تدرين يا ........ تسوين روحج فقيره وانت ضل نايم على ذانك
يوسف
اي شنو صاير غير افتهم
ابو يوسف
يعني احنا نضل يوميه بمشاكلج ما تجوزين
ام يوسف
تريدني اسكت عالغلط الي تسوونه كلشي اتحمل اله اشوف ابني نايم والماي من جواه
يوسف
شنو تقصدين احجي لا تخليني اطلع من طوري
طبعا انه متت خوف وگضيت گلبي ياربي شناويه عليه
ام يوسف
مرتك المحترمه الشريفه العفيفه يوميه من انت تروح للدوام ومرات انه اطلع للسوگ لو لبيت خالتك تروح تنام يم ابوك وتخونك
طبعا اني گعدت عالارض بعد رجليه ما تشيليني ياربي شنو بشر شنو هالناس سهل عدهم يتهمون اعراض العالم شنو ميخافون من الله
ابو يوسف
ايا سافله يا منحطه انتي مو بشر انتي حثاله الي سويتيه اي بشر ما يگدر عليه انتي وحده متستحي وامشي وياي اطلگج ما تبقين على ذمتي
يوسف گعد عالقنفه
يمه انتي شلون دريتي شنو شفتي
ام يوسف
من اجيت من السوگ شفتها دتطلع من غرفتي وترتب دشداشتها وابوك نايم عالسرير وبس بملابسه الداخليه من شافتني ارتبكت
يوسف
كافي سكتي ولا تحجين لعبتي نفسي من الزواج ومن الدنيا كولها
ام يوسف
اذا متصدگ اسئل بيداء مرة قصي هي شافتهم مرتين
يوسف
كافي دخيل الله كافي
زمن
حرام عليج والله مالي احد ياخذ حقي منج اخخخخ يا بويه منين اجيبك وتجي توگف بوجه كلمن ضلمني انتي عندج بنات ما تخافين الله
ونهارت اعصابي وبقيت ابجي
ام يوسف
باجر من الصبح تاخذها للعباس تحلفها ما تبقى هنا ما اريدها ولا اريد اشوفها
وطلعت من الغرفه
زمن
يوسف انت مصدگ
يوسف
طبعا لا حتى لو ما عندي ثقه بيج همين أثق بأبويه مستحيل هيج يتجرء
زمن
والله مضلومه والله تعبت وراح اموت وين اروح وارتاح
يوسف
خلاص اخذيلج كم شغله نروح باجر للزياره كم يوم نرتاح ونگلها راح تحلفين بالعباس لان مراح تخليج ترتاحين ومن ارجع من الزياره ادور بيت ايجار ونطلع ما نبقى
بعدنا دنسولف وسمعنا الدنيا نگلبت من العيطه رحنا لگينا عمي يضربها لعمتي ضربة موت كولش خله دمها بطولها وحالف اله يطلگها
يوسف اخذ عمي بالگوه وطلع من الغرفه واني نهزمت لغرفتي خفت لا توگع الطفل وقفلت باب غرفتي
يوسف
يابه لخاطرنا لا تطلگ لا تخلينا علج بحلگ اليسوه والمايسوه تالي عمركم هيج حالنا والله عيب گدام العالم لخاطرنا اذا عدنا خاطر يمك
ابو يوسف
ولك بويه هاي تريد تخربكم وياي بويه انتم الي طلعت بيكم من الدنيا وهاي تريد تهجم البيت على روسنا
يوسف
يابه وداعتك ما اصدگ انت ابويه ونور عيوني لو اشوفك نايم بصف زمن همين اكذب عيوني واصدكك
ابو يوسف
والله يا بويه امك تخبلت وتعبتني وياها ولا تضلم مريتك بويه فقيره وعلى نياتها
المهم شويه صار هدء وكلمن نام بفراشه بس اباوع ليوسف اذا نجوم السما نامت هو ما نام يتگلب الليل كوله وكل شويه طاب طالع الى ان طر الفجر گعدني صلينا واخذنا غراضنا وطلعنا للزياره گلنا نبتعد شوي ونشوفلنا حل منبقى هيج تايهين
