دنيا رجليها تجمدو وناس كولشي كيغوت قمر عينيها غيطرطقو ...قمر:دنيااااا لاااااا
دنيا
بقيت واقفة مقدرتش نتحرك وشريط ديال حياتي كولو كيدوز لحمقة ديالي لبنى وبتينة ليمعمري شفت شي بنت قوية بحالها وقمر لي نية ولمغامرة وسليم صديقي لي كيورينا طريق صحيحة بتاسمت وسط دموعي وغمضت عينيا تحسيت بشي واحد دفعني وتخبطت مع لأرض
عند بتينة
ضار داك لكرسي وحليت معاه فمي هاذا شكايدير هنا بتينة:(بهمس)إياد شكون هادا
إياد:هاء هدا هو رئيس وهاديك لي حداه صحبتو هههههه سحابليك شي شارف
بتينة:(بصدمة)اويلي كنعرفو لبنى ضرباتو بمقلة وشحال شبعت فيه معيار
إياد:امالك حماقيتي وليتي غير كتخربقي سكتي سكتي هاهو كيهدر
فهد:(بجدية)من بعد هاد تحريات لي درنا وعرفنا بأنه كيتاجر فالمخدرات خاصنا ضروري دلائل باش نثبتو هادشي لذالك غنسيفط بعض الأشخاص لمنزل ديالو باش يجيبو لينا لملفات ولكن خاصكم تكونو حاذرين
بتينة:ميمتي عييت راه جوج سوايع وحنا كالسين وشكون هاذا لي كيهضر عليه
إياد:تنخرج ونعاود ليك
فهد:احم احم بان ليا معانا عضو جديد معانا لمهم نرجعو لموضوعنا غنكلف بعضكم باش يتكلف بهاد لعملية وتا أنا غنكون معاكم مهم.... لينا(عرفتوها هي لي سلخاتها بتينة نهار لحفلة حبيبت فهد) وإياد ولعضو جديد لي هو الأنسة بتينة ولينا نتوما غتكونو معايا اما جواد ومنير وعمران غتكونو نتوما لي غتراقبو لمنزل ديالو مفهوووووووم
لكل:مفهووووووم
فهذ:ياله يمكن ليكم تفضلو ونتي أ بتينة بقااي .....بتينة بدات كضور فعينيها إياد بدا كيطمنها بعينيه وديك لينا كتخنزر فيها من بعد مخرج كولشي
فهذ:احم الأنسة بتينة كنتمنى دوك ليامات لي طلاقينا فيهم منسمعكش قلتي شي واحد بأنك ديجا كتعرفني اوك
بتينة:(مال هدا كيتنفخ عليا الله ينعل بوها خدمة معاك ..هادشي قالتو فنفسها) اوك
فهذ:يمكنلك تفضلي....خرجات بتينة من قاعة اجتماعات وهي توقف عليها لينا
لينا:اوووه لميكروب تاهو ولا خدام هنا
بتينة:(هازة حاجبها)من لخر قولي شبغيتي بلا لف او دوران
لينا:(بتبعكيك)لمهم اديك لميكروبة راه فهذ مغيشوف فيك تاشوفة غير هني راسك حيت هو ديالي وآااااخر مرة نلقاك كدوري بيه
بتينة:(بسخرية)مالكي اختي على حالتك شكون داها فيك لانتي لداك خينا لي لاسقة فيه لمهم تلاحي مافية لي يضيع معاك لحجرة ونصدق قاتلاك....مشات لبنى بإتجاه مكتبها تا تقبط عليها قلبها بقات شادة فقلبها وكتلهت دخلات لمكتبها لقات اياد....اياد شافها بديك لحالة
إياد:(بقلق)بتينة صافا
بتينة:(كتحرك راسها بأه)وي وي مزيانة غير حسيت بشي حاجة غطرا لمهم (تنهدات)شرح ليا داك لعملية
...بدا كيشرح ليها لعملية وهي مركزة
بتينة:ولكن إلى مالقينا والو فالدار
إياد:إلى مالقيني والو غنمشيو لخطة تانية
بتينة:اه وشنو هي
إياد:غتكون بنت هي لي غترأسهل وغتكون هي لينا غادير راسها رقاصة فواحد لبار حيت داك حسن كيعمر بزااف فيه وغتحاول تغريه وحنا غنكونو معاها ....
بتينة:دابا دخلنا عليك بالله واش هاديك داير بحال لعود وغدير راسها رقاصة (تنهدات)الله يخرج هاد سربيس معاكم على خييير (شافت ساعة)ياله تهلى راه مشا لحال راه قربات تغرب شمس ومواكلو والو ارا بعدا نمرة ديالك....عطاها نمرتو لبسات تجاكيتها ودارت نضاراتها وخرجات وكولشي حاضيها كيفاش كتحرك وصلات حدا شانطي شيرات لطاكسي عطاتو لعنوان لسائق مسافة ديال طريق وصلات لفيلا دخلات مع جردة توجهات لباب بدات كتصوني تحل لباب كانت لبنى سلمات عليها ودخلو كلسو فصالون
بتينة:(كتغوت)مااااامااا فيااااا جوووع
نورة(مامات بتينة):واسدي داك لفم عندك جيتي بعجاجتك الموصيبة
فاطنة:عطي لبنت تاكل راه ماتت بجوع (موجهة هضرتها بتينة)كليتي ابنيتي شيحاجة كي دوزتي نهارك
بتينة:(كتغبن)نااء مكليت والو من فطوري ومع ليومة كانت لخدمة بزااف ملقيتش لوقت باش ناكل
نزهة(مامات لبنى):واحطي لبنت دغيا راه مواكلاش نهار كامل ....جات من لكوزينة نورة جايبة لماكلة لملاوي وبغرير كيكة ...بدات كتخشي فوجهها وهي تجي حداها لبنى طيرات ليها كيكة من يديها وخشاتها فمها كولها وكتمضع وكضحك ...بتينة جمعاتها معاها بشحطة لمؤخرتها
بتينة:(معصبة)نوضي تكعدي من حدايا ياهاد لموصيبة خليني نجغدد ...لبنى قربات ليها وبدات كتحلون
لبنى:(بهمس باش كاعما يسمعوهم)تاني هانيا اجي واش كاين شي تيتيز تما
بتينة:(بهمس)اوووه نسيت عرفتي شكون رئيس تما متيقتش شكون
لبنى:كنقوليك ماعمرك تقولي شكون ههههه1:0
بتينة:(دفعاتها برجليها)اوا نوضي ق"""" من حدايا غير كتعصبيني
نورة:هاي هاي على شمكارة (قاطعهم تيليفون ديال بتينة)
بتينة:ألوو
قمر:(كتبكي)هانتي اهئ اهئ اجي دغيا لمستشفى ولكن متقوليش لشي واحد بأنني عيطت ليك جيبي معاك تا لبنى
بتينة:اوك اوك(قطعات وهي شادها لخلعة)ماما راه عيطولي من لخدمة راه بغاوني ضاروري
نورة:راه ليل هدا فين غتمشي
بتينة:راه غندي معايا لبنى باش هي تسوق راه مقاداش نسوق
نورة:صافي سيرو
نزهة وفاطنة:متعطلوش
بتينة:اوك سيري لبسي سي مونطو بيما نخرج لوطو من لكراج
لبنى:اوك ....لبسات عليها لبنى وخرجات طلعو لوطو وكسيرات بتينة بجهد اتجاه لمستشفى ولبنى كتسولها وهي مكتجاوبش وصلو قدام لكستشفى لقاو لبوليس دليرين حالة وناس كولشي مجموع بتبنة شافت داكشي فشلات خرجات من لوطو كتجري وحاسة بأنه كاينة شيحاجة ولبنى تابعاها مفاهمة والو ...بتينة بدات كدفع فناس تادخلات لوسط لقات دنيا راسها كولو دم لي غطا على شعرها لأشقر وحداها جاد تاهو عامر دم بقات واقفة مصدومة وهبطات من عينيها دمعة لأول مرة كتبكي على شي واحد اما لبنى شافت داكشي طاحت على ركابيها بدات كضرب فقلبها بجهد ودموعها مجهدين وكترعد وكتقول كلمة وحدة"لا متموووتيش"...وقمر جايا كتجري ودموعها هابطين مخرجة داك لباياص لي كيهزو فيه ناس وجاو شي ممرضين هزو دنيا وجاد لي واعي بشنو كيطرا ولكن مغيب هزوهم دخلوهم لداخل لبنات تابعينهم وشادين فيد دنيا .....دنيا بدات كتحل شوية عينيها زورق لغالقين وزادو غماقو
لبنى:(كتبكي وكتهضر بحال لحمقة)اهئ اهئ شتي قلت ليكم مغيطرا ليها والو هاهيا حلات عينيها اهئ اهئ ياله أدنيا نمشيو راه فاطنة ونورة ونزهة غيجريو علينا لاجينا معطلين
دنيا:(بتاسمات وزيرات ليهم على يديهم)تهلاو فبعضياتكم....غيبات دنيا وبتينة بقات كترعد شدات فراسها اما لبنى بدات كضحك بهيستيرية ودموعها هابطين دخلوها لبلوك وقمر جات كتجري عندهم
قمر:لبنات متخافوش راه كانت غضربها واحد لوطو مي حفضها الله وعتقها جاد دفها وطاحو بجوج ولكن دنيا راسها طاح على طيطوار وفقدات دم بزاااف
لبنى:مغيطرا ليها والو ياك؟ .....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شنو كتوقعو غيطرا؟
