ضورت وجهي وانا نكحل بالعما بالطبع سي اميير جاي كيتفلعص جيهتناا ودراري موراه كيتمشاو بشوية فهذ داير ضحكة جانبية اما جاد كيحنزز فدنيا ولبنات مستغربيين...جا اميير قدام لبنى وداك دري هو يعطيه واحد لكلاك تاطاح شاد فموو وهو يتلاح عليه امير بضرب وتا داك دري كيضرب لبنى بدات كتغوت لبنات بداو كيفكووو
..بدات قمر وبتينة ولبنى ودنيا كييفكوو واميير كيغوت وكيضربوو لبنى مالقات مديير وهي دير موتة حماار سخفاات لبنات غير شافوها وهوما يغوتو بسميتها تاناض اميير من فوق سند ومشا كيجري لجيهتها ودراري تاهوما تجمعوو عليها اميير بدا كيضرب ليها فوجهها
امير؛(مخلوع)لبنى نووضي بلييز (رشوو عليها لماء ومبغاتش تنووض)هادشي بزاااف انا غنديها لمستشفى(لبنى سمعات شقاال وهي دير راسها ياله غتفيق)
لبنى:(كتحل عينيها بتتاقل)فين انا اه راسي
امير:لبنى لاباالس علييك كضرك شي حاجة
لبنى:(بدات كتنووض وهو بغا يشدها وهي دفعوو)بعععد مني شباااغي عوتانيي (مشات عند سند لي كيتوجع)سند نووووض (بدات كتهز فييه)ياله نوض تعاون معايااا هكاااك بشوية (نوضاتو وبداو كيتمشاااو ضورات شافتهم كيحنززو فيها امير تعصب وهو يمشي)بقاو تشوفو فيا جيبي لوطو دغياا
...مشات قمر جابت لوطو زقفاتها قدامهم
سند:غير خلوني نمشي البنى راه قاد نمشي غير جروح فوجهي
لبنى:بليييز غير طلع معايا لوطو نداويهم ليك بلاما يبقاو يشوفو فينا ناس
سند:اوكي
جبدات قمر علبة لإسعافات لأولية من لمجر ديال لوطو عطاتها لبنى وهي الأخيرة كدااوي فوجه سند لي كيتوجع دارت ليه سبلادرا ضغيرة حدا فمو وأخرى حدا جبهتووو ولبناات برااا قمر ودنيا كيهضرو اما بتينة جرات على جاد وفهد لي كيفرنسوو
سند:شكراا ليييك
لبنى:سمحلي عافاك (عينيها غرغروو)راه مقدرتش نفكك ودتك لحمار حسابوو معايا
سند:(بإبتسامة)مبيناتناش سمحيلي ونتي مدرتي والو ..شكون داك زا.. لي تهجم علياا على حساب هضرتو راه كيعرفك
لبنى:(سهااات )هاداك واحد بغيتو ونقولو مازال كنبغييه وعارفة راسي مغنسااهش فاللول سحابلي تاهو كيبغيني على حساب افعااالوو تلاقينااا فكسيدة هههههه ودامت لعلاقة ولكن غير اصدقااء صافي تا تصدمت مين عرفت فالخطبة ديالو وبأنه قرييب يتزوج فالحقيقة بكييييت بكييت من قلبي قلبي كيتحرق حيت غنعيييش من غيرووو منكدبش علييك تا أنا دوزت عراام ديال لعلاقات ولكن غير تدوااز لوقت هههه(كضحك بإنكساار)ونهااار لي بغيييت تقووولبت معدنا زهر شتي هادووووك(وجهات صبعها لبنات لي كيهضرووو برااا وكيناقشوو ويخططو)ههههه هادووك اكبر منحوووساات تلاقينا غير الله يستر وصافي
سند:باغا تنسااايه؟
لبنى:كنحااول نساه وكنبغي نشغل راسي ولكن دائما كنلقاا راسي كنفكر فيه بلاما نشعر خاصة من نهار حضرت لخطبتوو
سند:واااش حضرتي لخطبتوو كيفاش قدرتي
لبنى:كنت باغا نتأكد ومشيت بطبع قوية ولكن مين بداو تركاب لخواتم ولقوة ديالي وغادا وكتلاشى ضعافييت مين شفتوو كيتقرب ليها وقبلها دموعي ولا كيهبطو بدون انذار كنحاول نمسحهم ونكمل ولكن صافي وليت كنحس بعينيا فيهووم ضبابة وطحت فالأرض هادي آخر حاجة عقلت عليها من بعد حلييت عيني
سند:انا غنعاونك باش تنساايه ولكن غتواجهي كولشي اوكيي وحولي ما أمكن مضعافييش غريب أمرك كتباني بنت ضاربة دنيا بركلة وممسوقااش ولكن تاواحد مكيعرف شنو فالقلب(بدات قمر كدق فشرجم)
قمر:ابنت ناااس وخا تكوني كديري عملية ومتسغرقييش هاد لمدة كاملة غير باش داوي جرح
هبط سند من بعد مودع لبنى وخدا نيميرو ديالها وودع تالبنات وهز دراجتو وانطالق بسرعة ولبنات طلعو فسيارة وانطالقت قمر متوجهها لمول
قمر:معاودش ليكم شنو طرااا ليااا اشيخات
دنيا:ياله سرسبي دكشي لي عندك(بدات كتعاود ليهم ولبنات حاليين فمهم)
لبنى:اويلي على لكلبة مشيتي نيشاان لسطااج لخر وليتي تحرشي بيه عين باااين كون غتاصبتيه حسن
بتينة:ولد لحرام تاهو مصدقش ساهل ونتي الكلبة (شداات فراسها)
دنيا:(كتفكر) لبنات مبانش ليكم هادشي غرييب كيفااش عرفوو حنا هنا زعما يكونو تبعوونا
لبنى:اه عندك لحق ميمكنش تكون هادي كولها صدفة
..بتينة بدات كدور فعينيها
قمر:غيررر جات بتينة دازت اقل من عشرة ثواني تاهوما جاو اجي نتب بعدة معامن جيتي(كتهضر مع بتينة)
بتينة:اا جييت فطاكسي
دنيا:وميين جبتي لفلوووس
بتينة:تسلفتها
لبنى:نتي لي جبتييهووم ياااك
بتينة:واااش حقة نتي مين غنجييبهم الله يهدييك(قاطعاتهم قمر)
قمر:ياله هبطوووو راه وصلنا
بتينة تنفست صعداء وكتفكر شغاااديير مين غيجييو فالحفلة دخلوو لبنااات شرااو دكشي باشي يزوقوو لفيلة و مقاديير ديال لكييك حيت معندهمش لفلوس لكافية باش يشرييوهاا واكييد شراااو بوليروااات طوالل باش يلقاهم سلييم مغطيين انطالقووو لدااار ياله غيبلاصييو لقاو لأخ سلييم واقف قدام لوطو
قمر:فاااااك
نزلو تايقين فراسهم وساديين لبووليرووو
لبنى:مالك واااقف هنااا
سلييم:علاش صباااح هربتووو
دنيا:بالعما اصلن نتا كنتي ناعس مبغيناش نفيقووك
سلييم:ياله زيدووو قدامي
دخلووو لبنات وهازيين لميكاات حطوهوم فالكووزينة وهو تابعهم
بتينة:شووووف نتاااا راه ديك100 dh مقداتنااااش هاحنااا غنقيدوووو ليك شغاتجييب ونتااا سيرر لنوول تقداا(مخلوش ليه لوقت فين يجاوب قيدوو ليه لواازم وعطاوه لورقة مشا سليم لبس حوايجو وهز لكونطاكط ديالووو ومشااا اما لبناااات بداو كيصاايبو لكيك بتينة كتقطع ليهم لفواكه اما لبنى فكاتصايب صوص ديال شوكولا وقمر ودنيا كيصايبووو عجينة لكيك وداروها فالمووول ديال لحلوى لكبيير وخشاو فالفرن وموراها فالموول لمتوسسط وداروه فالفرن وصغيير لي هو لأخييير خشاوه فالفرن وصايبو سيروو لي غيسقيو بهااا لكيك طابت لكيك دارو طبقة وسقاوها وطبقة تانية وتالثة على شكل هرم من بعد شدووو صوص شوكولا وكبوه بشكل تدريجيي وزوقوو بالفواكه وفيرنيساال جا سلييم وعطاااهم لميكات لي فيهم لمشروبات منوعيين جبدوووو لاكريييم على شكل قرعة سلييم بدا كيتفرج فيهم وحال فمو فالكيك بداو كيزوقوو فيهااا وكبو لمشروبات وهطوهم فوق طابلة وهوما حلويات جانبية وسليم تاهو جا بغا يزوق بطليب ورغييب باش خلاوه كمل معاهم لكييك
سلييم:شتووو كون مكنتش انا غاعمااا تصايبووو هادشي عونتكم بزاااف
دنيا:دابا غتمشي بحالك قبل من خرجوووو فيك ياله شرييه قبل منديرو ليك بحال داك نهاار
سليم:هانا غادي(وصل تال لباب وهو يرجع) اجيو بعدة هاد لحفلة غنداوزوها غير حنااا انا راه عرضت على عماد وشي صحابي وسناااء
قمر:انا باغة غير نشوف ديك سناااء ديالك ومتنساااش تاحنا غنعرضو على شي وحديين كاين دكتوور مراد(غمزاات لبناات بلاما يشوفها )وشي اصدقاء معانا ونتي ابتينة
بتينة:بطبع راه غنقولها لعمران وعليي وإياد اه نسيييت مبقيتش كنهدر معاه(قمر عيات متعوج فسيفتها باش تقوول غنعرض عليييه ومحاوالاتها فشلو)
لبنى:وانا خاااصكم تشكرووووني حيت غنجييييب ليكم فرقة موسيقية
لبنااات:اوااااه
سليم:عندك باش تخلصيييهم
لبنى:علاش نتا ديما مادي اصاحبي راه سند واحد دري كيقرى معايا كيغني هو وفرقتوو وطلبتو وقاليا غنجي
دنيا:موحااال واش غيقدر يجي ههههه
لبنى:فمك لاحسوو بوبي (شافت فساعة )راه قرب لحاال ياله نجمعو هادشي باش نطلعووو لبسووو
....جمعوو لبنات لكوزينة من بعد ماكانت مرونة طلعووو لغرفة كول وحدة كتعرض على اصدقاء ديالها دنيا لي تاصلات بمرااد لي فرح وهي كتفولها ليه ومحاملاش راسهااا اما بتينة فتاصلات بعمران وعلي لي قبلوو فالبلاصة اما لبنى راه تاصلات بسند باش تأكد عليه واش يجي وهو قالها ضروري اما قمر بدااات كطلب وترغب فبتينة باش تاصل بإياااد من بعد محاوالات قدرات تقنعهااا وتاصلات بييه وهضرات معاه بنفخة وهو جالس كيتعنب على بتينة وقمر كتغدد
قمر:دين مك انا قلت ليك تاصلي بيه ماشي تبقاو تحابوو
بتينة:رااه حنا موالفيين بهاد لهضرة راه عادي راه بحال ختووو نتي لي نيتك عوجة
ناضوو لبنات كيزينو فالفيلااا وسليم كيهز دنيا فوق كتاافو باس تلسق داك هابي نيو يور فالحيبط حيت معندهوومش سلووم اما لبنى كتنفخ فالنفاخات ولبنات كيشعلو ضواو لملونين وضوروهوم فالفيلااا كاملة صافي كملووو بقات ليهم نصف ساعة طلعووو كيتصاوبووو ويتقااادوو لبسووو فساتيين إلا بتينة مبغاتش تلبس فستاان هي مولفة غيير بسرااول بزز باش كتلبسهم لبنات لبسووو تقااادووو وهي قالت ليك نونو وكحل عيونو متلبش كسوة بقاو معاها تالبساتها ومحاملااش راسها
قمر؛ويلي ياصاحيبة طلعتي قرطاااسة
بتينة:ولكن معريا من جييهت صدر باغيين تخرجووو عليا ليوومة يقتلني داك سلييم
دنيا:وحنا زعما طفرناااه
..دنيا لبسات غووب حمرة جاتها كيووت ودارت مشيطة لشعرها بانت بريئة وبطع لميك اب واكسسوارات وطالوون فضي
