بدات بتينة كضوور تاتحل لباب هي وقفات مصدومة تاجرها إياااد من يديها تاتخبطات معاه وسد ليها فمها ومزير عليها حيت مخبيين فبلاصة ضغيرة تحل لباب ودخل داك حسن معصب وموراه واحد شخص باينا فيه حارس شخصي ديالو
حسن:(بعصبية وكيغوت)كيفاااش داك صفقة كنا غنربحو منها لملايين
حارس:(كيقفقف)أ أ أسيدي معرفناااش ككك كيفاش تسرقات سلعة
حسن:(هز لمسدس وجهو لجيهتو)مخدام معايا لوليات(ضرب رصاص نشان فراسو)هانا تهنيت من واحد
بتينة بقات مخرجة عينيها وكتشوف شخص راسو مشتت حداها ودم داير بقعة كبيرة إياد كيشوف فيها وكيهدنها بعينيه خرج داك حسن من بعد ماعيط لشي وحدين هزوو داك شخص لغرفة خوات سمعو صوت سيارة خارجة من لفيلا فهد دار ليهم إشارة باش يخرجو
إياد:دبا شغانديرو ملقينا والو
فهد:ياله نخرجو دبا قبل ميجي شي واحد
خرجو من لفيلا وإياد جار معاه بتينة لي مصدومة طلو لوطو وتوجهو لمركز
فهد:يمكانليكم تمشيييو ترتاحو غدا إنشاء الله غطبقو لخطة تانية
اياد غادي وموراه بتينة حالة فمها وقفات حدا سيارتها اياد:(بقلق)بتينة بيخير واش نوصلك لدارك
بتينة:لا لا لا شكرا
ركبات وكسيرات فإتجاه لفيلا وصلات حطات لوطو فالكراج وحلات لباب لفيلا ودخلات لقات لبنات كيحطو لعشا مشات نيشان كلسات وحطات راسها على طابلة
لبنى:أمالك العشيير
دنيا:واقيلة جووع ياك؟
بتينة هزات راسها وعودات ليهم على فهد لي خدام معاها وعلى لخطة
دنيا:هاااا اويلي مفهمت والو ياك هو خدام فديك شركة وكيفاش (شدات راسها)مفهمتش شهاد تخربييق ولد لحرااام دغيا زرب عليييك بغا يقتلك ونتي ياله دخلتي هادي يوماين
لبنى:اوااااه ولد لعبد معندك ماديري ولموشكيلة غتكوني راقصة (بداات كضحك)ههههههه واااع ضروري خاصنا نمشيو نشوفوك هههههه كنتخيلاك كتشطحي ههههه
بتينة:عرفتي طايح عليااا ضيييم دنيا عافاك غنيلينا
دنيا:احم احم مطلبتو غير لموجود
عيوني تدمع كل يووم بسبابك ماذقت نووم علاش تلوم قلبي ليهواك وبغاك بجنوون وغادي تندم عليا بزاااف وغيفوت لفوووت لا رجوووع وخا تتأسف قلبي غيموت حرام عليك عذابك خلاني ننسا لماضي ونبدا من جديد...
دنيا حبسات من لغنا مين شافت لبنى دموعها هابطين وبتينة كدير ليها إشارة باش تسكت مشاو عندها عنقوها وهي زادت فالوتيرة ديال لبكا ودنيا تاهي بدات كتبكي بتينة مستحملاتش لوضع وهي تبدا تجعوق
بتينة:(بعصبية)واااالمرض انا لي خاصني نبكي ماشي نتوما (خبطات طابلةوكلسات فوووق لكورسي كتخشي فوجهها)بقاو تخننو عليا راه والله لا خليت ليكم شي تفرتيتة
لبنى غير سمعااات لماكلة وهي تنوووض
لبنى:شنوااااا هاي هاي انا تال لماكلة ومقولبينيش
دنيا شدااات راسها وهوما كيجعوقو فوق راسها وهي تغوت
دنيا:واااالخرااااا سكتووونا فرعتوووو ليا لمخ ديالي كولو وزموو داك لفم(دنيا شدات لخبز وبدات كتغمس معاهم)
بتينة:ياختي دوك صفربطااات شحااال رقاق قولي مكيكلوووش
لبنى:ههههه واهوما كيضربو لخص وماطيشة على صباااح ماشي بحالنا
دنيا:(كتشوف فيهم بديك شوفة زعما محشمتوووش)وادخلنا عليك بالله هوما كياكلو شي مرقة وغمسوو غمسوو وسكتو
لبنى:(فمها عامر وكتهضر)واحنا عدنا لفورمة عليهم
بتينة:ميمتي سدي داك لفوووم راه كااع داكشي لي فمك خرجتييه ليناا هاكي(خشات ليها لخبز فمها)ياله سديييه
سلاو لبنات لماكلة وجمعو طبلة ناضو لصالوون ليفيه بلازما وبداااو كيتفرجو تاداهم نععاااس
اصبح الصباح
فاقت لبنى كتوجع شادة فعنقها
لبنى:موك موك موك احح ميمتي ضهري وجنابي وعنقي نوضو نتوما هادوووك نقاشاات بنعااشر
بتينة:(بصوت نائم)مممممم بعدي مني (خشات راسها فالمخدة
بتينة طلقات رجليها وكانت ناعسة حداها دنيا ودنيا مسكينة محسات براسها تاجات مسرحة فالأرض
دنيا:(مغمضة عينيها وكتهضر)وااالمرض اححح تعوجت
لبنى:امالك دايرا فيها فيلم هيندي ياك بريتي من راسك علاش باقا فدار ونتي اديييك عبيقة نوضيي راه عندك مهمة دابا هههههه ميمتي على اخيير يامك غتخدمي شيخة هههه
بتينة سمعات هضرتها وهي تنوض ودايخة تبعاتها ولبنى كتجري اما دنيا كلسات فوق لفوطوي وكتشخر
لبنى:صافي صافي لميمة آخر مرة نجبد ليك هاد لهضرا ولكن اصاديقة غتولي شيخخة هههههه(شداتها بتينة ياله غتهضر وهوما يسمعو شخييير ضورو وجههم لقاو دنيا كتشخر وريوقهااا هابطييين
لبنى:ههههههه واااع جيبي تيليفوون
جابت بتينة تيليفون وصوروها ودارتها بتينة فالفيسبووك
بتينة:خههههه ليومة غتنتاحر (شادة تيليفون وكتشوف شحال من جيم ولكومونطير)قمر هي لولة لي كومنطات هههههه
لبنى:هههه شنو قااالت
بتينة:كطنز عليهاااا قالت ليك الالة "حشومة عليكم ههه راه غتبقا بايرة"طفرناااه حنا زعما هههه هاهو سليم بدا يحنقز
لبنى:شنو قال
بتينة:قالك ""اهادوووك لبرهوشااات واش مبغينش ديرو عقلكم'" هههههه زعما هو دايرووو
ناضت دنيا على صداعهم
دنيا:امالكم سارطين كاسيطة كاين شي حاجة
لبنى وبتينة:لاااااا
دنيا:ياله تلاحوووو كل وحدة تمشي لخدامتها بقاو مقابليني انا انا نمشي نصايب ليكم لفطور وسيرو لبسو حوايجكم
لبنى:(كتهضر بهمس مع بتينة)كون عرفاتنا شنو درنا متقووول لينا حتى سلاام
طلعو لبنات يلبسوو حوايجهم اما دنيا غسلات وجهها وحكات سنانها وطيبات ليهم لفطووور وحطاتو فوووق طبلة وهي تكلس فوق لوق لكورسي من بعد ماجابت تيليفونها ومن زهر لبنات دخلتت دنيا نيشان لفاايس لقات تصويرتها هي لولة فصفحة رئيسية بدات كتحقق وهي تغوت تغويتة وحدة
دنيا:بتييييييييننننة
لبنات كانو لفووق سمعو غواتها عرفو بأنها شافت تصويرتها لبنى مسكينة ياله كانت كطلع فسروال وهي تسمع لغوتة بداو كيشوفو فبعضياتهم وهوما يعلقوووو ولبنى سروالها طايح وبتينة كضحك وكتجري ولات كتجري بحال لمومياء تخشاو فواحد لغرفة صغيرة لي فيها مكينة تصبييين وادوات تنظيف سمعو جرس لباب من بعد تحل لباب وهوما يسمعو واخد ضحكة وصلات تال ثلت لخالي
قمر:هههههههه وااااع شوهووووووك ههههههه
عند لبنات
لبنى:ويييييييع ليعنل.... هاهي زادت كملات داكشي لي بديناه
بتينة:هانتي غير دخل لشي غرفة تقلب عطلقو رجلينا ريييح
دنيا ضربات فيها وطلعات كتجري فدروج وكتقلب فالغرف وقمر تابعاها
لبنات بداو كيدورو فعينيها وهوما يعلقووو لبنى كتهز فسروالها وهبطو كيتجاراو فدروووج دنيا وقمر شافوهوم
دنيا:وقفوووووووو
قمر:شد شد شد شد
لبنى سمعاتهم وصلات درجة لخرة وهي تزلق ومع زليييج بقات زااالقة وسروالها طايح تاوصلات حدالباب وقفات هزااات سروااالها وهي تنوض تابعة بتينة كتجري لجيهت سيارة ودنيا تابعاهم اما قمر عينيها غرغرو بضحك دنيا تعصبات شيرات بصندالتها وجاات نيشان فلبنى وهي الأخيرة بدات كتوجع وكتجري ودعي فيها وصلو لوطو دخلو وسدو عليهم وبتينة كسيراات بجهد ومشات ودنيا تابعة لوطو ولبنى كدير ليها فاكيو بيديها من شرجم وكضحك اما قمر كتجر فدنيا وكضحك
قمر:صافي اصاحيبة هههههههههه ياله ندخلو صافي راه مشاااو
دنيا:غير بلاتي انا مكنخليييش صرف عندي
قمر:عااارفة دووك شوفات عندك لا يبشروون بالخيير
دنيا:هاهاهاها(ضحكة شريرة)دبا عاد غيبدا لعب
قمر:شغاديري؟
دنيا:لي كيدااار غنبدا بديك زواااااق ديال لبنى (جبدات تيليفون من جيبها وهي تجبد تصويرة لبنى مركبة لحجبان ونضادر وراتها لقمر وهي تفركع بضحك)
قمر:ههههههههه واااع نتوما سطااج لخر ياله نمشييو دبا لمستشفى راه برات ليك جرحة وخا دوزتي عير تلتيام زيدي نحيدو لملااال
دنيا:اوك نمشي نلبس حوايجي
