دراري بقااو حاللين فامهووم اما سليم فقرب عند لبنات جمعهوووم كامليين بتعنييقة تهوما مخشييين فيه
لبنى:شنووو سر هاد لحنان كولو
قمر:غتكوون غير داك عاوا ديالو بغا يعنقها ومبغاتش جا خرجهم فينا حنااا
سليم:(خنزر فيهم)نتوما مكتعرفووووش لحوووب
قمر:حنااا شبعانين حب غيير خلي عندك حبك عطييه لديك ستيلوو
سليم:كيفاش شبعانين حب ياكما؟
لبنى:هيهيهيهي نتا مالك ديما نيتك ناقسة زعما حبنا حنا لبعضياتنا(وهي تقرس قمر من لتحت لي ولات حمرة)ياله نمشييو نجيبوو لكيك راه قرباات 12
دنياا:اااه عندك لحق ياله
سليم:ياكما نسيفط ليكم سناء تعاونكم
قمر:لاااا شكرااا غتبقااا تبعكك لينا غنصدق خاشيااا فيها شي موووس
....تاجهوو لبنات ااكوزينة وجدووو طباسل ولي فورشيط
قمر:فالحقيقة البنات خاصكم خدامة تعاونكم
لبنى:لا دبا واش كتهضري من نيتك ماعدنا تاباش نشدو طاكسي باقي لينا غير خدامة اوا الالة جيبي لينا شب خدامة من داركم نتوما راه عندكم قشلة قمر:اوا لدرتها ليكم قد فمكم
لبنى:(قلباتها غنا)والييييي دارهاااااا يقد بيهاااا
دنيا:والييييي دارها
بتينة:يييييقد بيهااااا
قمر:يويويويويو فخاااااطر ولاد حريييز
دنيا:وابنات ناس صافي سكتونا ونتوما خاص غير لي يجبدكم مراد شتو ماجاش تعطل
قمر:وي عندك صح تعطل
جبدوو لبنات لكيك بمشقة الأنفااس مع كبيرر حطوه فوق طبلة صغيرة متحركة ودارو شميعات لبنى جرات لكييك قدامها ولبنات موراها هازيين طباسل ولمعالق وقمر هازا بريكة لبنى ضورات وجهها عندهووم لقاتهم ممسوقينش مجمعين وكيضحكووو شافت فالكيك وريقهااا سايل شدات صبعها دارت فوق لكيك وكتلحس فشكلاط وفمها عامر وصلو لوسط لفيلا فين مجموعين لمعروضين كول واحد شاد جيهة هالي كيشطح ولي كيبركك ولي كيحنزز فالبنات حطوو داكشي لوسط ووجدووه حيت باقي ربع ساعة وتوصل 12 قمر بدات كتقاد فشموع لي فوق لكيك هبطات عينيها لواحد لقنت لقات كاع شكلاط ملحووس
قمر:(معصبة)دارتهاااا بنت لحرااام دارتها غنتشوهو ليوومة
بتينة:امالك المرض
قمر:شوفي شدااارت (لبنات ضورو وجههوم ولبنى كتبلق فعينيها وبعدات شوية عليهم)
دنيا:وبلي ويلي صافي غير سكتو انا نقادها غطيوني باش ميشوفوش شوهة(هزات معلقة بدات كتملس فشكلاط وكتقادها)
قمر:واش حنا اعيباد الله دايماا خاصنا نتشوهو سير بغيتلييك صريصرة يالبنى
لبنى:(كتغبن)اصلن راه فيااا مالكم هاكا دائما كتسبووو فيااا لحاجة غير ضلمتووني الله ياخد فيكم لحق(قاطعهم سليم لي وقف عليهم هو وسناء)
سلييم؛مالكم واش كاين شي موشكييل ؟
بتينة:الأخت العزيزة ديال لبنى لحسات كاع شكلاط لي فالكيك كون ماشافتها قمر كون ضربااات نص فيها وحناا مفراسناااش
سليم:ههههههع راه مولفييين فعايلها
سناء:(كتبعكك)ونتوما مكاديروش ريجيم كتاكلوو لحلاوة
دنيا:(تنهدات)ناس فالناس والقرع فمشيط راس
قمر:دبا شوفو ليا هاد ختنا واش نتي اختيي شوية لاباااس معندك ماديري
سنااء:متفهمووونيش غالاط غير حيت لاطاي ديالك زوينة كان كيحسابلي كاديرووو ريجيم
قمر:ميمتي لفقصة عافاكم البنات جاوبوها
لبنى:شوفي الأخت هنا كنضربووو لمرقة بالخرقووم والخبز كتعرفيهااا ياك اوا هاديك افضل حل باش تولي عندك لاطاي غير حيدي داك ريجيم غتزيدي سيمانة وحدة مغتبقااايش تباني غيوليو غير لحوايج لي كيدورو نصيحة من دكتورة لبنى
سليم:شتكم نتوووما باغين ضربووو حبيبتيي
قمر:الله يرحم لييك لوالييدين ماديهاااا وسييير عطييونا غير بتيسااع غتزيد كلمة وحدة ديك لعوجة غنديرو لكاتش هنااا(مشااااو)واااابربي تانقوولها لماما واااااع عرفتي لاتزوجهااااا غنمشي نتاااحر اهئ اهئ
اياد:مالكييي
بتينة:دبا تفكينا من واحد جانا لاخوور شحب لخاطر الأخ
إياد:دابا انا جييت من لمستشفى مريض وبزز باش خلاوني نجي وجيت على وديتك وكاتعامليني بحال هاكا ياك قلتيلي تسمح ليك قمر تا أنا غنسمح ليك وقمر راه سمحاات لياا اوا تانتي خاصك تسمحيليا
قمر:وشكوون قالهااا ليك
لبنى ودنيا:وصدمة كبيرة والقلبي جاب حيرة
بتينة:سكتونا نتوما شوف مور من قطعوو هاد لكيك ونتفاهموو
عند دراري
فهد:داك لحماار شي نهاار نربييه
جاد:ماالك اصاحبي هاداك غير صدييقهاا ونتا باغي تخلق موشكيل من والو
امير:راه فالحقيقة من حقهاا ونتا مصاحب ليا مع ديك ليناا شبغيتيها ديير واصلن هيا مكتبغييكش راه زدتي كرهتيها فيك مين درتي ليها دكشي فصباااح
فهد:معرفتش كيفاش نتعااامل معاها والله بتينة باردة بزاااف مكنعرفش شنو لدااخل ديالها وخا شحال من مرة شتها فحالات كتبان فيهم ضعيفة ولكن باقا مكتفهمش ليا حااال وعقل وديك لينا راه مفااارق معاها من شحال هي ولكن مازال لاسقة فيا
جاد:نتوما حريرتكم محرحرة انا بعدااااا تهنييت من لبناااات كاملييين (كيضحك)ودابا عااااد غخلي ساحة لدييك لقطة ديال دنياااا تاتولي ديالي
امير:(غمز فهد)مفراسكش اجاد انا ولات كتعجبني دنيا عندها ديك لعينين كيجذبوو واقيلة غنشووف معاها هههههه
جاد:دبا باغي شي تفرشيخة (ناض ليه)انا نوري موك عينيها كيجدبو لمانتقب لمك داك لعينين راه ماسميتبش جاد
فهد:(شدووو فهد وكييضحك)هههههه راه غييير كيضحك نتا عارف ضحكوو غيجيبها فيه شي نهار جلس اصاحبي قبيلات كتقولي جلي راه غير غتنوض صداااع ودابا نتا باغي ضربو
....جلس جاد كيسوووط وامير كيشوف فيه وكيضحك
فهد:ونتا اسيدي ماغاتجمع نتا ولبنى تا نكونو حنا كل واحد فينا انا وحاد عندو خمسة ولا ستة ديال دراري(اميير جمع ضحكة وخنزر)
امير:راااه ماشي لخاطري تا أنا مكرهتش ولكن نتا عارفني شنو لهدف ديالي من هادشيي ولكن قرييب غيساالي هادشي(تاسمعو لبنى كتهضر)
لبنى:كنطلب من لحضوور لكراام يقربوو لطاولة
فهد:نوضو نشوفو هادشي
....كولشي تجمع حدا طاولة وكيغتوتوووو1،،2،،،3،،،،4،،5 هييييييه هابيي نيوييير وكيصفقووو ولبنى كتنقز كي لحمقة بدات دنيا كتقطع لكيك اول طرف عطاتو لسليم لي فرحان وشدات فورشيط قطعات من شوية وخشاتو ليهم لفمو وقربات جيهت ودنوو
دنيا:تاكل فيييه جغدييد انشاء الله
سليم:هههه شكراااا ابرهووشتي صغيرة(باسها فحنكها راه دنيا هي صغييرة فالبناات نسيت مقلتها ليكم)
دراري بداو كيشوفو فجااد لي ولا حمر غيتفرغع واميير كيضحك علييه
امير:احح على بوسة عطاها جاو مع بعضياتهم ههههتعهه
فهد؛دينمك نتا كتقلب عليها ههههههه
....لبنات بداو كيقطعووو فالكيك لبنى عطاتها لسند وشكراتوووو هو لفرقة ديالوووو وهو كيما لعادة كيخربق ليها فشعرها وهي كتغبن عليه مكتحملش لي يدير ليها هاكاك سلييم قرب عند لبنات
سليم:حشومة سبقوووو سناء هي عاد عطييو ناس
قمر:(تعصبات وهازاة لمووس فيديها وعامر لاكرييم وشكلاط وكتشااالي بيه وكتهضر وكولشي كيضحك)شوووف اداااك خيناااا انا صابرة معااااك ولكن باش تبقا تقولي سناء ما سناااء غتخسرووو ياك هيا كديير ريجيم ولا لخراا(سناء سنعاتها وهي تبدا تهبط دميعااات وخرجات كتجري وكتعيوج وسلييم تبعها)ياااله تبعهااااا الله يغبر لبووكم شقف برمة وصابت غطاها واميمتي تربيتك ضاعت فالخاوي (زدحات لمووس فالطابلة ضورات عينيها وهي تلقا كولشي كيشوف فيها وكيضحك ولبنات عينيهم دمعوو بضحك هي بدات كتشوفيهم وكضحك وكتعتاااذر منهم
