دنيا ضورات وجهها شافت كاميليا(حبيبت جاد) شادة فمها ودموع هابطين ليها جاد تهز من فوق دنيا
جاد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ومشا عند كاميليا كيسكت فيها ومعنقها اما دنيا ناضت مصدومة كاميليا تنفضات من دراع جاد وتوجهات عند دنيا جمعاتها معاها بصقلة تا دنيا رجعات بلووور وضربات راسها مع لحيط تا توجعات بقات شادة راسها وفيها دوخة جاد شافها هكاك بغا يجي عندها دارت ليه سطوب بيديها باش ميقربش ليها تحل لباب دخلات بتينة شافت كاميليا واقفة ومعصبة كتنهج ودنيا كتوجع وجاد واقف عرفات غتكون ضرباتها ...جات بتينة وقفات قدام دنيا كتشوفها واش لباس وضارت شافت كاميليا مخنزرة بتينة هزات يديها جمعاتها معاه بصقلة تاطاحت وجهات صبعها فوجه كاميليا
بتينة:(بعصبية)هاد لمرة نلقا موك هنا غترحمي على راسك ونتا(موجهة هضرتها لجاد)غتهز عليا هاد لقح""وغتق""" نتا وياها فهمتي ياله لباب
ناضت كاميليا محملاش راسها خرجات وجاد هز عكازو وتبعها بتينة دارت عند دنيا كلساتها فوق ناموسية
بتينة:واش كدرك بزاااف نعيط لطبيب
دنيا:لا لا بلاش انا مزيانة
بتينة:ياله عاودي ليا كولشي بلا زيادة ولا نقصان
دنيا:(بتوتر)شنو غنعاود ليك
بتينة:بلا دما تقولبي عليا ياله هضري
دنيا:اوك(عاودات ليها كولشي من شنو سباب لحادتة تاجا عندها جاد)إوا هادشي لي طرا
بتينة:كيفااااش جا مرااد واش عرفك؟
دنيا:لا معرفنييش(عينيها دمعو)واش تال هاد درجة خاصني نتعدب
بتينة:صافي سكتي ياك مراد ماضي ونستيه شوفي فيا حذاري من داك جاد بلاما توقعي فنفس لخطأ قلبك سديه اوك(عنقاتها)
دنيا:بتينة غنتاااقم منو داك لعذاب لي دوزو عليا غندوزو عليه تاهو
بتينة:نساايه عليك(تحل لباب)
دخلات لينا وياسمين(حبيبت اميير)
ياسمين:هاااااي بيبي لبااس عليكم
بتينة:(موجهة كلامها لدنيا)هاد صفريطات شكايديرو هنا
دنيا:ولاه معرفت
كلسات لينا وياسمين فوق لفوطوي وقالت لينا
لينا:(بتبعكيك)جينا نشوفوك قالولينا درتي اكسيدون نتي وجاد اووه الله يشافيك احبيبة
ياسمين:(كتمضغ لمسكة وكتعوج)اووه نتي مالك مع كاميلييا(موجهة كلامها لبتينة)
دنيا:(كتشوف وشادها ضحكة)لا حولة ولا قوة إلا بالله
بتينة:(كتعوج بحالهم)اوووه حبيبة ديك صاحبتكم فيها لماشاكيل وانا عطيتها على قظ لفعل ديالها اووه
دنيا تفركعات بضحك عيونها دمعوو ولبنات كيخنزرو فيهم
ياسمين:لمهيم جيت بغيت نعطيكم هادو(عطاتهم واحد لعلبة فيها ربعة لعيبات بحال لاكرطات )
دنيا:(بإستغراب)ديالاش هادو
ياسمين:هيهيهيه هادو احبيبة لاكارطات ديال لمدعويين لخطبة ديالي وعطيو معاكم حتا لصاحاباتكم ولموقع ديال لفيلا كاينة فلاكارط وخا طرا داك لموشكيل ولكن عادي مرحبا ياله باااااي (خرجو)
..دنيا حلاتها لقات فيها صورة أمير وياسمين ومكتوبين بالإنجليزية "خطوبة سعيدة" وفيها لقلوبة
دنيا:(مصدومة)خبيهم دغيا قبل متجي لبنى
بتينة:(تنهدات)ياربي مطرا تا موصية اوخرا
...دنيا ناضت بغات تخبيهم وهوما يدخلو لبنى وقمر
لبنى:هههههه هاديك لحاقيرة كتخبي عليا شكلاط (مشات عندها كتجري وبغات تحيد ليها لعلبة ودنيا كتجر وقمر كتجر مع لبنى تاطاحو فلأرض هبطات بغات تجمعهم دنيا بزربة تاحزات لبنى وحدة وشافت فديك كارط وسرعان ماختافات لإبتيسامة من وجهها قمر حيدات وحدة من يد دنيا شافتها وبدات كضور فعينيها ولبنات كيتسناو ردة فعل لبنى وطاغي على وجههم علامة لحزن
عند لبنى
لبنى شافت داكشي تصدمات لكن سرعان متقبلت لوضع وبتاسمات وخا غصة فقلبها
لبنى:هههههه مبرووك عليهم (خرجات وتبعوها لبنات توجهات لبنى لغرفة جاد لي غادي يكونو فيها دراري حلات لباب دخلات لقاتهم مجموعين
لبنى:سلاام لمهيم سمحولي على هاد دخلة
ياسمين:اوووه مرحبا احبيبة قولي لي بغيتي
لبنى:جيت بغيت نقول لخويا أمير وياسمين (قالتها بصعوبة وابتسامة عريضة عكس لي فالداخل ديالها)مبرووووووك وكنتمنا ليكم حياة زوجية موفقة ههههههه وخا باقي متزوجتي لموهيم نبارك ليكم دبا (عينيها غرغرو وقمر مقدراتش تشوفها هكاك متحطمة خرجات وزدحات لباب اما لبنات كيتأسفو)حيت مغنهضرش لعرسكم ولكن غنحضر لخطبتكم(امير سمعها وتعصب بغا يهضر ولكن مقدش)
ياسمين:كنت كنتتمنا تحضري لعرس ولكن للأسف فين غتكوني واش اتسافري
لبنى:(تنهدات)لا غنكمل قرايتي خاارج لبلااااد لمهم نخليكم على خير(بتاسمت وخرجات)
.....لبنات شافوها خرجات تبعوها من لووور تاشافوها واقفة بوحدها فجردة وشادة جيهت قلبها ودموعها هابطين مقدراتش تحمل غوتات تاحلقها تجرح كتغوت لربي لي خلقها دنيا مقدراتش تحمل بغات تمشي عندها ولكن منعاتها
لبنى
مسحات دموعها وإبتاسمات شوية شافوها متوجها اداخل تبعوها لقاوها غادا لغرفة ديال دنيا دخلات هوما تسناو دقيقة عاد دخلو باش متشكش
بتينة:فين كنتي الكلبة
لبنى:(بإبتسامة)غير كنت كندور
دنيا:فيناهما مواتنا
بتينة:راه مشاو يجمعو حوايجهم قالاك الالة رجالاتهم باغينهم
دنيا:ههههههه لعززز لحرية نتي فيت غتمشي قالك غتمشي تقرا خارج لبلاد(كتعيبها)
لبنى:كنت غير مطالعاها عليهم (بغات تبدل لموضوع)بعدا نسيت وحد لمفاجئة كاينة فدار غتعجبك
دنيا:قولو ياله قولو الحقراء
بتينة:نو تانمشيو لدار ياله نمشيو باش تاخدي شهادة طبية ونمشيو بحالنا
مشات دنيا تفهمات مع رئيس ديالها لي عطاها سيمانة ديال راحة خرجو لبنات اما قمر فباقا خدامة ركبو فالوطو ولبنى حاطا راسها على زاج وهي تقول
لبنى:(بحزن)لبنات حاسة براسي مخنوقة واخا ديوني لبحر عافاك
....مشاو لبنات لبحر ستنشقو لهوا وتاجهو لفيلا كيتختتو وصلو قداان لفيلا وهوما يخرجو وقفو دنيا ودارو ليها شال على عينيها
دنيا:ابنااات نااس قولي لي اشكاين راه غنجيي على فمي
لبنى:متخافيش راه حنا شادينيك
دخلوها لبنات وحيدو ليها شال من عينيها وهي حلات عينيها وغوتات
دنيا:هاااااتشيييي(وهي تمشي تعنقو)...يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شنو كتوقعو غيطرى؟
