لبنى بداات كتبرقق فعينيها ودراري كيضاورو فعينهم تا تحل لباب كولشي ضاار دخلات أم جاد بلباس مستشفى ومخلوعة كتقلب فولدها ودموعها على خدها كتعنق فيه وكتبكي وهو كيسكت فيها ولبنى شافت ام جاد كتبكي عليو وكتعنق فيه بدات كتخنن حدا بتينة بتينة شافتها كحلات بالعما جبدات كنينيكس عطاتو ليها
بتينة:كحزيي لهيه راه حوايج كولهوم عمرو بخنونتك
لبنى:اهئ اهئ واش هاداك قلب عندك غير قولو ليا
بتينة:انا عندي حجرة ههههه ....امير بدا كيضحك عليها كيفاش كتبكي كلسو فوق لفوطوي لي قدام فهد وامير وبدات ام جاد كتسول فيه
ام جاد:وليدي عاود ليا كيفاش طراليك هادشي انا مفخباري والو تا قلتها ليا لممرضة لي كانت مقابلاني
جاد:(عاود ليها كولشي)
ام جاد:مسيكينة وكي بقات
بتينة:لاباس عليها اخالتي انا صحابتها
ام جاد:واش ابنتي يخليوني ندخول عندها نشوفها
بتينة:لا خالتي تاحنا مخلوناش قالك تال غداا
ام جاد:(بتأسف)إنشاء الله ابنتي غدا نجي نشوفها إوا الله يشافيها
جاد:باله اميمتي سيري رتاحي ليك شوية راه مسا لحال
أم جاد:واخا اوليدي انا غادا حسيت براسي عييت وليداتي تهلاو فيه راه هو لي عندي
خرجات مامات جاد سمعو صوت شخير خافت ضارو لقاو لبنى مكمشة ناعسة بتينة حيدات تجاكيتها وغطاتها وبدات كتحرك فيها
بتينة:لبنى ياله نمشيو لغرفتك تنعسي ...لبنى غايبة عن الوعي
لبنى
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بتينة:وااااع دبا مغتنوضش واخا نجيب شيخات يشطحو ياله ادراري نتشافو غنديها تنعس
بتينة طلقات يديها بغات تهزها ياله هزاتها بدات تغوت ودراري كيضحكو
بتينة:اححح ميمتي ضهري وانا كنقول فين كتمشي لماكلة (طلقاتها)اله الله الله اخوان شي وحد يدير فيا خير يهزها
جا امير هزها وفرحان
بتينة:عافاك اخويا ديها لبلاصتها وغطيها مزيان راه كطيح ليها لمانطة وهبط ليها لمخدة راه عنقها كيبقا يضرها انا خارجة نشم شوية لهوى مكنحملس ريحت لمستشفايات
امير:اوك بتينة كوني هانية
بتينة:(بتاسمت)شكرا ياله بسلامة ادراري انا فجردة
خرجات بتينة جردة وكلسات فالكراسة بوحدها حيت ليل وشاد تيليفون شافت ساعة لقاتها 2:30 وبدات كتلعب فيه وعقلها غايب كتفكر كون طرات لبنات شي حاجة كون حماقو مواتهم وكتحلف فخاطرها على داك لي ضربها باللوطو وغتقلب عليه قاطع تفكييرها شي واحد كلس حداها هزات راسها لقات فهد
بتينة:(بتاسمات)تانتا معزيزش عليك لجو ديال صبيطارات امون شااف
فهذ:هههههه وي باينا نتي هي لأم ديالهم
بتينة:(بإستغراب)شكون هما
فهذ:لبنى و دنيا
بتينة:هههههه وي كيفاش عرفتيها
فهذ:حيت شتك حافضا شكايبغيو وشنو مكيحملوهش وداكشي قبيلات لي قلتي لأميير
بتينة:وي عندك صح كون طرات ليهم شيحاجة مكنتش نتخيل راسي بلا بيهم(حدرات راسها ) لحمد الله مطرا ليهم والو نطلب منك طلب
فهذ:وي قولي
بتينة:بغيت نقلب على داك ليكان غيدهسها بالوطو عفااك
فهد:اوك غنعاونك
بتينة:شكراا وسمحلي على قبيلات راه محسيتش براسي ودابا غنوض قبل ميشوفنا شي واحد وحبيبتك غاتخاصم معاك (ناضت وهو يجرها من يديها كلسها)
فهذ:خليك معايا راه مجانيش نعاس
بتينة:اوك مسحابنيش امون شيف داكشي بصح ولكن تبث ليا
فهذ:(بإستغراب)كيفاش
بتينة:حيت مين قريت عليك فالأنترنيت لحاجة لمشههووور بيها انك زييير النسااااء صدقو عندهم صح
فهذ:هههههه ياك الالة وشكرااا إوا كيجيتك حيت عاطي لعين داكشي علاش كولشي يبغيني
بتينة:ههههه من غيري انا
...بقاو كيهدرو تاحس فهء بشي حاجة فوق كتفو ضور وجهو لقى بتينة ناااعسة بتاااسم وهزها
بتينة
