خلف الأبواب المغلقة
ارى فيها نفسي أموت ببطئ
لحظات اختلسها عندما ينسدل الستار
بعد ما لبنى طاحت لأرض هبطو عندها لبنات مخلوعين وضيوف متفاجئين اما دراري كيشوفو وأمير ممسوقش دنيا قاست نبض ديالها وبتينة هزات لبنى بصعوبة على ضهرها فهد جا كيجري بغا يعوان ولكن منعوه من بعد مصدماتو بتينة بهاد لكلام
بتينة:(بعصبية)آخر مرة نلقا دوك صحابك كيدورو بصحاباتي ولقرب ليهم شي زام... غتشوفو وجه تاني (مشات)
تبعوها لبنات وهازين حوايجهم وخرجو وصحافة لي معرفوها مين خرجات دخلوها فالوطو وتاجهو لفيلا حيت غير فقدان لوعي عادي وصلو لفيلا خزوها وطلعوها لغرفة وبداو كيرشو عليها لماء تابدات كتفيق حلات عينيها شافت لبنات دايرين بيها عاد تفكرات وبداو دموعع كيهبطو ليها
بتينة:صافي صافي سكتي راه هو ممسوقش ليك ونتي كتبكي
لبنى:اهئ اهئ كنحس بهاد لبلاصة كتحرقني(موجهة يديها لقلبها)هبطات على ركابها وكتغوووت وكضرب جيه قلبها )علاااااااش اناااااا عيييييت والله تاكون مااات ومحسسيتتش بهادشييي غيتزواااج اهئ اهئ كنكرهووووو اهههه اههه (دموعها هابطين كي شلال وكتغوت ووجها حمااار)
هبطو عندها لبنات وكيعنقو فيها وهي كتريش راسها وكتجنن بقات كتغوت تاعياات وهي تنووض حطات راسها على ناموسية ونعسات لبنات خافو عليها بدلو حوايجهم وتخشاو حداها وهاتشي كالس كيدور ويغوت تا جاه نعاس وتخشا حداهم
اصبح صبااح
ناضو بتينة ودنيا وقمر وجدو لفطور للبنى من بعد مغسلو حالتهم من لميك اب وطلعو لغرفة بداو كيناوضو فيها وهي كتغبن تاتعصبات وناضت
لبنى:امااالكم متخليييو حد ينععس على مرض
دنيا:هاكي فطري باراكا من لفشوش
قمر:هادشي صيباتو بتينة لي مكتعرفش طيب على ودك
بتينة:واكولي دابا باراكا من لهضرة راه هادشي بنين
لبنى مشات غسلات وجهها وجات هزات لبلاطو حطاتو فوق فخادها ياله خشات دغمة ولبنات كيترقبوها بدات كتمضغ وهي تلوحو من فمها نيشان فوجه بتينة
لبنى:كح كح كح شنو هادشي واش كابين فيه لملحة كاملة
بتينة:(عافت وناضت لطواليط غسلات وجهها وخرجات)ونتوما حرام بنادم يصايب ليكم شي لعبة هادشي لي كنستاهل تفووو اععع روعتي ليا قلبي خليوني نمشي بحالي لخدمتي قبل ميجريو عليا(مشات بتينة كتليدبس فحوايجها وخرجات)
لبنى:تا أنا غنمشي لجامعة
قمر:تا أنا غنوض نتكركب لداك صبيطاااار
دنيا:وانا غتخليوني بوحدي(كتغبن)
لبنى:صافي زيدي ياله معايا نمشي نشوف داك لجامعة لمملة
دنيا:(فرحانة)ههههه ياله
قمر بدلات حوايجها وخرجات كتجري وهازة طالونها اما لبنى ودنيا لبسو حوايجهم وهبطو لقاو هاتشي كينقز حطات ليه دنيا ماكلتو وخرجو سدو لفيلا
لبنى:ولاااااد لحرااام قولبونا
دنيا:أمالااك
لبنى:وحنا شكوون غيدينا واااع(جلسات فوق طيطوار)
دنيا:نوضييي تكععدي طوبييييس يناديي
لبنى:هااااا ليمابغيناش
بقاو لبنات كيتمشاو خاصهم جبدة ديال طريق عاد يوصلو لبلاكة ديال طوبيس دنيا عيات وهي توقف
دنيا:وحق مولانا تا شداتني سخفة وحتا لفطور مفطرينش ليومة نموت ليك هنا
لبنى:(كتنهج)صافي زيدي راه قربنا نوصلو
ناضت دنيا وكتخبط تاوصلو لبلاكة عاد حبسو ودنيا بدات كتزغرت
دنيا:يويويويو واخيرااا هوووف ودبا فين هو طوبييس
لبنى:سكتينا ياهاد لموصيبا صباح هدا تمشي تفيقي شي شمكار يجي يهنشرنا
دنيا:هانا ساكتة لبنى واش صافا من داكشي ديال لبارح
لبنى:(بغات تبدل لموضوع تبانليها طوبيس جاي كيتهز غير بوحدو)هاهو جااا
دنيا:وامولااااي درييييس موووك موووك شحال من نفس كاينة
لبنى:زيدي الموصيبا راه غيمشي يخلينا معلقين هنا كي لقرودة
وقف حداهم طوبيييس طلعو وبداو كيتخشاو فناااس
دنيا:(كتغوت)واااعيباااد الله ميمتي ميمتي واش نتوما مكديروش ريحة
لبنى:(كتغوت باش تسمعها)واسسكتي الموصيبااا راه شي واحد غيقزفر موووك واحضي طرم... من دوك خوتنا(طوبيييس بدااا كيتحرك)
دنيا:تانتي راحاديين اححححخ جنابي طابو تامال هاد طوبيييس فيه هشاشة لعظام تنخظت اعيباد الله ليومة نولي لبن
بقاااو لبنات كيعانييو تافرج عليهم ربي وهوما يوصلو قدام لجامعة وخرجو بصعوبة وحالتهم حالة
لبنى:ههههههه واااع كي ولا شعرك
دنيا:طفرتيييه نتي قادي حوايجك بعدا
لبنى:زيدي زيدي ندخلو
دخلووو لبناااات وولبنى كتغوت بجووووع
لبنى:والله منتحرك تاناكل
دنيا:وفييين غناكلو المرض
لبنى:واحد لمحلابة فجنب هاد لجامعة
دنيا:عندااك بعدة شي فلوووس راه مجبت معايا والو
لبنى:(بداات كتقلب فجيابها)هاها واح عشرة دراهم من عهد لفينيقين زيدي نسكتو بها هاد جووع
مشااو لبنات لمحلابة خداو لحرشة ورايب كياكلو ويلهتو سالاو
لبنى:(تكرعات وشادة فكرشها)احححح لحياة
دنيا:بغيتليك تفرغيع مالك على هاد تكريعة نوضي نوضي نشوفو هاد لجامعة ديالك فين غتوصلنا
خرجو لبنات من لمحلبة من بعض ماخلصو دخلو لجامعة
دنيا لبنى
