قصة شهيد

قصة شهيد
#طائر بلا تغريد #
الشهيد الاول

الاسم. ،، يزن
العمر ،، 23 سنه
المحافظه النجف
مكان الاستشهاد ،، تل اعفر
الزمن قبل الاستشهاد ب،،٣سنوات
افراح اخت يزن جنت كاعده بلصاله وجتني اختي الزغيره سمر تصيح افراح افراح
وجع شبيج تصيحين
ولج سمعتي
شكو
ولج يزن راح يبطل من الحشد
كمزت من الكاع وكفت كتلهه لا بلله صدك
والله سمعت يزن يكل لمي بعد ماروح للحشد
لا شوكت ولج
هسه والله جنت ماره يم البراني وسمعتهم يسولفون
ركظت للبراني من غير شعور طبيت

لاكتني امي بلباب وهيه تظحك دخلت لكيت يزن سيساعد،،يد يلعب بلمبايل
يزن ولك صدك راح تبطل من الحشد
ولك خرب ويكولون عليك جبان
رفع راسه عليه وظحك وباوعت للباب
ههههههههههه ولج صدكتي
يا جا مو سمر سمعتك تكول لمي هيج
اي غير اريد اسكت امج
يعني ماتبطل
والله لو استشهد لو يطردوني ههههههههههه
اسم الله عليك انشالله يطردونك
ههههههههههه لا والله ما ابطل اله ننتصر
اي عفيه باخيي واني باجر راح اروح الكربله ودعيلك هناك
صدك انتي ويامن ترحين
اني وامي وعمتي
ها خوش يلله دكومي اريد ابدل وطلع
طلعت من البراني واني فرحانه
لاكيت امي تظحك بلمطبخ
ها ولج سمعتي بيزن
ها اي سمعت
الحمد لله بعد ما يروح للحشد
اي يمه ما يروح
ثاني يوم جنت ابدل بغرفتي ولف بلشال حته نروح للزياره طب يزن
افرح افراح
ها يزوني
اكلج رايحين للزياره
اي رايد شي اجيبه الك
لا بس اريدج تدعيلي
انشالله هوه اني رايحه ادعيلك
شوفي فروحه اذا طلبت منج طلب تسوي
عيوني الك كول
اول شي احلفي بلحسين
يا شنقظيه ولك
اي احلفي يالله احجي
ههههههههههه هاذا يجوز يريد يعرس احجي بكلبي
ولحسين اسوي الي تريده
شوفي اريدج توكفين كبال الحسين تحليله يزن يسلم عليك يكلك اريد الشهاده
هنا افراح تفاجات هيه شسوت شلون حلفت
يزوني تحجي صدك ودموعي نزلن
فروحه لتنسين انتي حلفتي
بس ما ادري هاذا طلبك
والله بكيفج انتي ولحسين
كعدت بلكاع وبجيت
افراح خيتي انتي مو ترديني ارتاح
اي بس عبالي تريد تتزوج
هههه اني هم اريد اتزوج بس اتزوج حوريه مليت من حواء ههههههههههه
رفعت راسيب وكتله الله كريم
طلعت من البيت واني ظايجه ما اعرف شراح اسوي مو سهله عليه ادعي عل اخوي
وصلنه للحسين دخلت زرت وصليت وكعدت كبال شباك الحسين نزلن دموعي مطر حاجيت الامام
ياحسين اني حلفت بس ما اكدر انطقه انته تعلم بلكلوب انته ويزن
حققله الي يريده
بعدهه رجعت للبيت
بعد كم سنه
يمه يمه
ها يمه شبيك تصيح
ههههههههههه وجد يمه ستلمت راتب
صدك.الحمد لله
اي صدك عقبالك بعد سنتين اعطوني راتب
هههههههههه الله يرزقك يمه
اكلك شكد اطوك
خمس ملايين
لا بلله بعد سنتين بلحشد يطوك خمسه ولك لو كل شهر خمسميه هم تصير اكثر
يلله يمه مو زين طونه احنه رايحين حته نجاهد مو علفلوس
اي يمه بس انتو هم عدكم احتياجات
هسه المهم جيبهن
يمه يمه شتسوين بيهن
اظمهن الك غير
ههههههههههه وين تظميهن شو حته كنتور ينقفل ما عندج
ماعليك انته اريد اسويلك غرفه
ياغرفه
غرفت عرسك بعد كلبي اريد اعرسك وفرح بيك
اي ميخالف بس مو هسه
جا شوكت
بعد يمه بعد
اسمع يزن اني كلبي خلصان مابيه للمداهر جيب الفلوس خلي ابنيلك غرفه فوك حته اشوفلك بت الحلال
ميخالف واني ما معترظ بس ظني الفلوس عندي شغله بيهن
وشني الشغله بلله
امي حبيبتي اريد اصرفهن عل واحد يستاهل
ومنو هاذا بلله
الحسين يمه اريد اسوي موكب حبابه
والله يمه الحسين يستاهل
شفتي الله يخليج خليني اسويلي شي يسعدني
الله يسعدك يمه ويحفظك
الله يمه اي ادعيلي من تدعين اني من يمي ارتاح
الله يسعدك يمه ويبعد عنك الشر
باس راس امي وطلع
جان بوقتهه بدايت صفر راح يزن هوه واخوتي شترون الجادر ومستلزمات الموكب ونصبو وبدت الزوار تجي وجان يزن حته يبات بلموكب
وراهه بسنه جان يزن للبيت
فروحه
ها يزن شبيك
شوكت تسافرين الايران
باجر بلاربعه
خوش اريدج تجيبيلي وياج شي
كول خيي
شوفي جيبيلي سوارات هاي البيهه احرف اليه والربعي
لا بلله الك ميخالف بس ربعك شكو
وج ذوله ظلوعي ليش تحجين عليهم
هههههههههه ظلوعك انته اني شني
فرح ها تره ازعل
ههههههههههه شبيك اظحك ويطيطيياك
تدلل انته وظلوعك
ههههههههههه
ثاني يوم طلعنه الايران ظلينه عشر ايام وراهه رجعنه اشتريت اليزن سوارات
كول سوار بيه اسم من اسم اصدقائه
من رجعنه ثاني يوم بليل سمعنه الباب ندك وطلع ابويه بعد مرجع ورا طلعو اخواني
حسينه بحركه مو طبيعيه بلشارع
كالت بيبيتي
ولجن ابوجن شعده طلع
والله ما ادري يجوز اجو ربعه
كالت امي ولجن كلبي مامرتاح شو طلعن صيحله
طلعت راسي من الباب شفت الشارع مكلوب كلاب ناس رايحه وناس جايه هوسه رجعت سولفت لمي
امي لبست عباتهه وطلعت
وره شويه وجان يجيبون امي شايليهه
تلكيتهم اصيح
ولك قاسم شبيهه امي
اباوع اخواني قاسم وباسم شايلينهه وعيونهن دم
ذبوهه وطلعو ماحجو
ظلينه حايرين بامي نجيب مي ونذب عليهه وهيه ولا صحت
وره ربع ساعه فزت وتصيح يزن يزن
كلبي حسيته طلع من مكانه
يمه شبيه يزن
باوعتلي وكالت
يزن يزن
يمه فدوه اروحلج احجي
ولج يزن استشهد
هنا وكعت الصاعقه علينه
بعد معرفنه شنسوي
ظلينه ندك ونبجي
للصبح ابويه وخواني مرجعو للبيت
للعصر جاوب التابوت لتمينه عليه مقبلو نشوفه شويه دخلو اصدقائه سووله هوسات ودبجو وزفو القبره
صعدو بسيارة عرس بس الفرق العريس يزفونه الزوجته بس يزن زفو للمقبره
تحقق حلم يزن استشهد وخرب حلم امه وابو

صدكوني كول كلام كتبتهه صحيح لتكولون بالغت هاي الحقيقه
انتظروني بقصه جديده من قصة شهيد #طائر بلا تغريد#

https://youtu.be/X7Fvh3roVAM