قصة شهيد
#طائر بلا تغريد #
السلام عليكم قصتنه اليوم مختلفه عن القصص الباقيه لان بطل قصتنه مراح للحشد او للجيش
لا كان انسان بصيط عايش حياته ويه امه وابو واخوته
وبطلتنه ام كانت فرحانه بعرس وليدهه
من محافظة بغداد
اسمه احمد
مدينة الصدر
يوم استشهاده الساعه بلسبعه الصبح
احمد..... يلله يمه استعجلي لا ينسد الطريق
اي يمه جايه شبيك والله مابيه حيل بعد
شدعوه حبيبهه بعدج صغيره هسه تجي جنتج وصير
عندج احفاد وبعد متعبين من الركظ وراهم
هههه اي والله هيج وتزوج وشوف جهالك يرادلهه بخت
انشاء الله يمه مابيج غير العافيه
طلع احمد وامه للمستشفى جان عده موعد ويه الطبيب لان هيه بيهه مرظ خبيث واحمد جان ياخذهه للطبيب
واليوم نتيجت الفحوصات يشوفون شلون استجابت جسمهه للعلاج
وصلو للمستشفى
صباح الخير دكتور
صباح الخير اخ احمد
ام احمد شلونك دكتور
هله والله بأم احمد شلونج اليوم
تحت رحمت الله بشرني دكتور اريد ازوج احمد وشوف اولاده
لا اطمئني ام احمد حالتج كلش زينه جسمج استجاب للعلاج وانشاء الله راح تزوجينه وتفرحين بيه وبأولاده
الله عليك دكتور يعني امي راح تطيب
ههه اي والله انشاء الله تطيب وتظل وياك طول عمرك
ام احمد الف شكر الك دكتور
طلع احمد وام احمد من المستشفى وهمه فرحانين
وكلهم امل بلمستقبل
صعدو السياره وهمه يسولفون بلعرس والحنه
وشلون راح تكون الزفه
وام احمد كول شويه تبوسه وهيه فرحانه
واحمد يدنك عل ايدهه ويبوسهه ويكلهه هسه كملت فرحتي
الحد ما وصلو للصيطره
وكفت سيارتهم وجان أمامهم صهريج مال نفط
ازدحامات وحر وقلق
بعد ربع ساعه
انفجر الصهريج
جان بيه متفجرات
وانفجرت ويا أمال عريس
وحلم أم
ولهفه اب
وانتظار عروسه
راح احمد
وراحت ام احمد
استشهدو وبقت ذكراهم
بيت كول عراقي
إلى رحمت الله يامن رويتو ارض العراق بدمائكم
ونطفت شمعت ام
نطفت شمعت شباب
طبعا اني متأكده كول ام شهيد هسه تحسد ام احمد
لان استشهدت ويه ابنهه وخلصت من عذاب الكلب ولهيبه
اسفه اخوان هاي القصه حيل اثرت بيه
اختكم #طائر بلا تغريد #
أنت تقرأ
قصة شهيد
ChickLitقصة شهيد المقدمه بقلم #طائر بلا تغريد # #حسين ابو الشوق # في بدايت الكلام احب اقره الفاتحه لارواح شهداء العراق الي ظحو بحياتهم علمود نعيش احنه حته نكدر نرفع روسنه بين البلدان ونكول احنه شعب عدنه اصغرطفل بميت رجل من اشباه الرجال قبل كم سنه جان شيخ...
