قصة شهيد
الاسم... حسن حبيب الميالي
العمر ...١٩٨٧
السكن.... النجف الأشرف
مكان الاستشهاد ... جرف الصخر
حسن... يلله حبي كملتي الجنطه
الزوجه.... اي كملتهه حجيتهه واني منزعجه
حسن... شبيج ياعمري ليش ضايجه هاي كول ما التحق تسوين هيج
الزوجه..... يعني تريدني اشوفك رايح للموت وتريدني افرح
حسن..... حبيبي انتي انسانه مؤمنه الله سبحانه وتعالى يكول(ويدرككم الموت حتى لو كنتم في بروج مشيده) صدق الله العظيم
مو صح
الزوجه...دنكت راسي وكتله مودع بالله ومحمد وعلي
حسن.... لزم راسي وباسني بكصتي وكلي هاي هيه حبيبتي وام بيتي اريدج هيج قويه ما تهتمين لأي شي بلدنيه
اني راح اروح للحدود السوريه للرطبه وهناك ماكو شبكه يعني كل سبع ايام اروح الغير مكان يالله اكدر اخابرج لتضوجين خليهه وره الله
طلع حسن سلم على اهله وراح للرطبه وقبل ليوصل خابرني
الو حسن
هلو حبي بعدج تبجين
ههه لمن ترجع انت تنشف دمعتي
انشاء الله عيونج الحلوات ميشوفن دمع اني راح ادخل الرطبه بعد سبع ايام اخابرج
ماوصيج ديري بالج عل نفسج وعل امي وابوي
بعيوني اخليهم بس انته ارجع بلسلامه
بقيت احسب دقيقه دقيقه وساعه ساعه حته يخلصن السبع ايام
بعده
اي خلصن السبع ايام اكيد اليوم يخابر
فعلا خابر حسن
الو حبيبي
هلو حياتي شلونج اخبارج
هههه اني هسه صرت زينه من سمعت صوتك
حبيبتي اهلي شلونهم
كلهم زينين هاك هاي عمتي تحجي وياك
الو ها يمه شلونج
يبعد امك يمه شلونك انت احنه زينين ماطول حسك بلدنيه
يمه ادعيلي
يمه داعيتلك بكل دقيقه وكل ساعه
هاك هذا ابوك يحجي وياك
ها بويه شلونك
بعد كلبي وليدي انت شلونك خو ماكو يمكم شي
لا بويه ماعدنه شي كاعدين بلحدود
أها الله يستر عليكم بويه ماوصيك لاتتهور فكر بمريتك وامك
أنت تقرأ
قصة شهيد
ChickLitقصة شهيد المقدمه بقلم #طائر بلا تغريد # #حسين ابو الشوق # في بدايت الكلام احب اقره الفاتحه لارواح شهداء العراق الي ظحو بحياتهم علمود نعيش احنه حته نكدر نرفع روسنه بين البلدان ونكول احنه شعب عدنه اصغرطفل بميت رجل من اشباه الرجال قبل كم سنه جان شيخ...
