قصة شهيد

الشهيد السادس

قصة شهيد
#طائر بلا تغريد#
الشهيد السادس
الاسم عبدالله
العمر 25سنه
المحافظة/بغداد
الصنف مشاة
الحاله الزوجيه متزوج وعنده 2بنات
مكان الاستشهاد الرطبه
الزمان قبل الاستشهاد بسنه
كعدنه الصبح لكينه الدنيه مكلوبه بلتلفزيون والفيس الموصل صقطت   عمه
ها يمه شبيج
عمه تعاي ليه يكولون هاجمين عل موصل
يا وج منو هجم عل موصل
شمدريني يكولون داعش
عزه منو داعش
والله ما ادري عمه
بس صارلي ساعه اخابر عل عبدالله وميرد
صخام يمه وليدي عبودي وين راح
امشي خابري احلام خلي تجي بلكت تخابره
هسه
الو احلام صباح الخير
هله رونق شلونج
شلوني بعد ولج سمعتي شصار بلموصل
شصار ولج ما سمعت
يكولون هاجمين عليهه ومصقطينهه
لا بربج وعبود ماخابر
لا من الصبح لسه نخابر عليه مايجاوب
سوده بوجهي هسه جايه
وره ساعه وصلت احلام
يمه شلونكم
ولج شلونه ولج بلظيم ماكو خبر عن عبدالله
الله كريم يمه هسه حسين وصلني وراح يسال يم اصدقائه بلكت عدهم تلفون الظابط مالتهم
اي والله ياريت
وره ساعتين دك مبايل رونق
يمه هاذا عبدالله
الو الو عبدالله
الو رونق شلونج
انته شلونك يمعود انته وين
امي شلونهه اني كاعد بيت واحد صاحبي انشالله بس ينفتح طريق اجي
زين دير بالك عل روحك
الله كريم انشالله سلميلي عل امي والبنات
يوصل بس انته خابرنا
انشالله كل ما الكه فرصه اخابر
الله وياك
سديته من عبدالله ورحت العمت
يكول كاعد بيت صديقه بلموصل من يحصل فرصه يطلع
الف حمد وشكر اللك يا رب
وره فتره

رجع عبدالله للبيت وجان القاء كولش حلو بعد مده طويله
بعد فتره
هلو رونق
هلو عبدالله
ها خيرج شو اليوم مكعدتي من الصبح
و.الله ما ادري شو مالي خلك
خيرج~شتحسين
شو دايخه ونفسي تلعب
لا بربج بلكت حامل
والله يمكن
يارب يارب هيج ويصير عندي ولد
انشالله
اكلج كومي خلي نروح للطبيبه
هههههه هسه من الصبح
اي لعد شوكت
للعصر شبيك قابل اول مره احبل
ها لا بس شو متفائل
الله كريم انشالله تفرح بلولد
يارب هيج يصير عندي ولد وطلعه وياي للكهوه ونخيط قوط سوه ونلعب طوبه الله
لا عيني ماريدك تعلمه عل كهاوي
لا والله ابني وبكيفي اعلمه علكهاوي وعل نركيله
اي وبعد علمه ايرقم بنات هم
ههههههههههه طبعا راح يصير حلو وكل البنات تركظ ورا
شطلعت يابه
اكيد يطلع عل ابو يخبل
هههههههههههه الله يحقق احلامك يارب
يارب
اكلج يلله كومي سويلنه ريوك اريد اطلع
يلله كايمه
وبعد فتره
يمه اني من باجر راح التحق ويه جماعتي بلرطبه
يمه شايف الدنيه شلونهه يمه ليش ماتبطل
افه عليج يمه تقبلينه يكولون عليه جبان
يمه جبان ولا الله يرحمه
لا يمه الله يرحمه ولا جبان يمه اني ما ابطل لو ننتصر لو اجيج ملفوف بلعلم
يمه مرتك وبناتك منو الهم
الله موجود وهوه يتكفلهن
واني
يمه انتي روحي اريدج تدعيلي
شعدي غيرك يمه ادعيلك بلخير والسلامه
يلله يمه اروح احظر روحي حته باجر التحق«
الله ومحمد وعلي وياك
ثاني يوم التحق عبدلله وكان كول يوم ياخبر اهله كول مغربيه يكل لمه ادعي لي بلكي يجيني ولد
وبعد 17يوم صار هجوم بلرطبه  وتحاصرو هوه وجماعته وكعو بيد الملاعين قتلوهم وحركو جثثهم ورجعوهم الاهلهم  ملفوفين بعلم العراق الغالي
وبعد فتره جابت زوجته وجان ولد
اخذته القبره وكالتله
عبود اجاك الولد الي تحلم بيه اكعد شوفه اكعد العب ويا وطلعه
مو انته الجنت تكول اني اربيه عل ايدي وينك عبدالله منو يربيه هسه

لهنا انطفت شمعه جديده من شموع الوطن