قصة شهيد

الشهيد الثاني

قصة شهيد
الشهيد الثاني#طائر بلا تغريد #
الاسم سعد
الفصيله تفكيك الغام
المحافظه النجف
الحاله الزوجيه _متزوج واب لست اطفال
الوقت قبل الاستشهاد بشهر
اجه بابا
اجه بابا
هههههههههه حبيبي شلونك
اني زين شجبتلي وياك
اياملعون تفكر بس بلهديه هههههههههه طب سعد للبيت وشايل ابنه حمودي
تلكوه اطفاله كعد بلكاع ولتفو عليه كولهم هاذا يبوسه وهاذا يشبكه وهذيج تريد تصعد بحظنه
اجتي زوجته ولكم وخرو عنه خلي يكعد شبيكم تخبلتو
الله يساعدك ابو حسين
ههههههههههه الله يسلمج شلونج
سودنوك ذوله مو
لا خليهم اني مشتاقلهم
يلله الغده حاظر طب اسبح وتغده
يلله باباتي روحو لمكم خلي تطيكم حلاوه
ههههههيييييييي بابا جابلنه حلاوه
هههههههههه اي هاج ام حسين وزعيلهم
يلله تعالو كعدو هنا خلي اوزع عليكم حلاوه
لتمو عل امهم
اني اريد بقلاوه
يمه اني اريد برمه
يمه اني اريد حلاوه دهين
وزعت ام حسين الحلاوه عليهم وراحت للمطبخ تسوي غده
صبت الغده طلع ابو حسين من الحمام
نعيم ابو حسين
الله ينعم عليج
شو صاير حلو شكو هههههههههه
عيونج حلوات يشوفني حلو ههههههههههه
يلله حظري الغده خلي اروح اسلم عل امي
يله بس مو تتاخر ليبرد الاكل
خوش هسه اجي
بيت سعد بصف بيت امه اول مدخل تلكته امه وخته وزوجات اخوته
هله يمه هله بعد روحي شلونك
الحمد لله زين شلونكم اخباركم
ظلت تبوس بيه وتشمه
افيش يمه بعد روحي
يمه الله يخليج

يمه تعال اكعد
يمه جوعان وصبو غده اروح اتغده واجي
براحتك يمه
يمه تعاي تغدي وياي
لا يمه اني متغديه
ها جا اتغده وجي اريد جاي من ايدج
تدلل يمه
رجع تغده وراح يم امه واخوته شرب جاي وبعدين طلع للشارع وبليل رجع للبيت
اكلك سعد
ها عيني كولي
اكلك باجر نروح للطبيب علمود الغده الي بركبتي
ها اي انشالله بس هلمره اذا كال شلعيه تره نشلعهه مو هم تشردين
ههههههههههه لا بعد ما اشرد هههههههههه تذكر اخر مره من رحت للمستشفى وراد يسويلي عمليه
هههههههههه اي وشردتي من غرفت العمليات
ههههههههههه جا شسوي خفت والله
لج بابه لازم نشيلهه مو زين عليج
بعدين تخنكج
لا هاي هيه راح اشيلهه والله
خوش باجر العصر نروح للدكتور ونخلص منهه
ميخالف
ثاني يوم يم الطبيب
الطبيب اختي لازم تشيلينهه للغده تره تاذيج
اي دكتور احنه اجينه حته نتفق وياك نشيلهه
كلش زين معناتهه تجون باجر للمستشفى نسوي تحاليل او سونار حته نقرر
ان شاءلله دكتور
ثاني يوم رحنه سوينه تحاليل واشعه وديناهن والطبيب
قررلنه العمليه بعد سبوع
اكلج ام حسين باجر راح اخابر صاحبي حته يسويلي اجازه حته ابقه وياج من تخلصين العمليه و
اي بس كون يطوك اجازه
لا اني كلت للامر وهوه كالي شوكت ماتسوي مرتك العمليه اني اطيك اجازه
خوش لعد خابر وشوف
اخبر سعد الظابط واخذ اجازه واليوم العمليه جان ويه زوجته للمستشفى .
وره ساعتين طلع الدكتور وكلهم الحمد لله العمليه ناجحه والمريظه بخير
بعد العمليه بسبوع
صباح الخير ام حسين
صباح الخير
اليوم شلونج
لا الحمد لله زينه
اكلج اني خلصت اجازتي وباجر لازم التحق
ما تكدر تاخذ اجازه بعد
لا يمعوده هوه اني كوه ظليت لليوم
يوميه يخابروني واني علمودج باقي
يلله جا شنسوي الله يحميك
اي عيني ادعيلي واني باجر من الصبح طالع
ثاني يوم طلع سعد وقبل ليطلع سلم عل ولده وزوجته وكلهه
ديري بالج عل ولادج وعل امي وعل نفسج بعد ما وصيج
ليظل بالك علينه بس انته دير بالك عل نفسك
طلع سعد مر عل بيت والدته
يمه يمه
ها يمه تعال سعودي اني بلغرفه
ها يمه رايح
اي يمه
الله ومحمد وعلي وياك
يمه طيني ايدج ابوسهه
يمه شكد تحبيني
شكد احبك يمه كلمت احبك صغيره ماتكفي حبي الك
يمه بكد حبج الي اني احب اطفالي اريدج مثل ما تحبيني تحبيهم
اسم الله عليك يمه والله اموت عليهم
لعد ما وصيج يمه
لا توصيني يمه ما عوفهم لمن اموت
اسم الله عليج يمه
اني رايح
الله وياك يمه دير بالك عل رويحتك يبعد روحي
طلع سعد من البيت ولتحق ويه اصدقائهه
وره عشرين يوم
الو ابو حسين
هله ام حسين شلونج
الحمد لله انته شلونك
زين اني
شوكت تنزل
باجر ان شاءالله
امي شلونهه الجهال شلونهم
كلنه زينين صدك طلع الزرع مالت عمليتي
اي يا الله شلونه
الحمد لله زين مابيه شي
كلش زين جا حظري روحج اليه ههههههههه
هههههههههه موتدلل
عيوني انتي اني اروح هسه عود الصبح اخابرج
يلله خوش الله وياك
مع السلامه
ثاني يوم الصبح
الظابط اخوان كدامنه حقل ملغم لازم نطهره
الجنود حاظر سيدي
الظابط يلله خوتي كل مجموعه تفككلهه لغم
حاظر سيدي
سعد انته عندك اجازه روح بدل وروح لهلك
لا سيدي خليني اخلص وروح
سعد يويل ولك اهلك منتظرينك
ميخالف بعد وكت وما راح احصل سياره هسه فد ساعه وروح
يلله خيي جا همتك ويانه
فككو اكثر من عشر عبوات وظلت ثنين
يلله منو يروح لهاذي العبوه
اني سيدي
يلله خوي سعد بسرعه حته اوصلك وياي للطريق السريع
حاظر سيدي
راح سعد حته يفكك العبوه لاكن مجان منتبهه للعبوه الي بصفهه وفعلا داس عليهه ونفجرة بيهه
الكول صاحو
والكول بجو
والكول لطمو
لكن سعد استشهد
صار قطع حته مكدرو يلمون جثته
وصل الخبر الامه ولزوجته
لكن البجي ميفيد

ولهنا خلصت قصه ثانيه من قصص شهدائنه
الف رحمه ونور تنزل عليهم
اختكم#طائر بلا تغريد#