قصة شهيد

الشهيد الثامن

الشهيد الثامن
الاسم /احمد
العمر /27سنه
الصنف /ظابط
المحافظه/البصره
الحاله الزوجيه /متزوج واب لبنتان والزوجه حامل
الوقت /قبل الاستشهاد بسنتين
يمه الله يخليج هاي مرتي ليش هيج تكرهيه
ونته شدعوه هلكد تحبهه
يمه غير زوجتي ومن بنتي
اي حته ولد ماعندك جابت بنيه والثانيه بلطريق
يمه هاي بيد الله هيه شعليهه
والله يمه اني كتلك اني ما احبه عوفه وزوجك احسن منهه
وليش اطلك البنيه اذا هيه ممسويه شي غلط وبعدين متفكرين بنتي شلون بيهه
وشعليهه اني اربيهه
لا يمه اني اسف اذا متقبلين بزوجتي راح اخذهه وطلع
اي هيه هم هيج صارت تبيع امك علمود زوجتك
يمه انتي ماخليتيلي اي طريق بعد دايمن عرك وطلايب وصلت بيج هسه تظربيهه
وذا ظربتهه امهه ما ظاربتهه ابد
يمه تنظرب عل شي مو عل لا شيئ موهيج يمه
والله مرتك ما تنجرع
يعني ماكو فائده
والله بكيفك انته اختار لو احنه لو هيه
لا الله الا الله
يمه اسف بس البنيه خطيه واني مسؤل بيهه راح اخذلهه بيت وطلع ونتي الله يسامحج
طلع احمد من البيت راح اجر بيت وخذ زوجته وبنته وعاشو سو
جابت زوجت احمد بنيه وجان طاير بيهه
وبعد فتره من الزمن بلتحديد بعد دخول داعش بثمن اشهر
هلو حبيبي
هلو عمري شلونج
والله شو مالي خلك
خيرج شبيج
احمد اريد اروح للطبيبه
ها شعندج غير تكولين
ها يمكن يمكن حامل ههههههههههه
لا بلله الف مبروك
هيج ويجينه ولد
يمعوده كل الي يجيبه الله زين احنه شعلينه هاذا رزق الله
اي ونعم بلله
وفعلا راحت للطبيبه وطلعت حامل وبذاك اليوم رجع احمد للبيت وصاح شيماء
ها حبي اني هنا بلمطبخ
هلو كلب
هله حمودي الله يساعدك
اكولج حبي تعاي اكلج
ها حمودي رايد شي
اي تعاي
سحب ايدي واخذني للصاله كعدني علكرويته وطلع علبه من جيبه
هاي شنو
هاي كلاده شوفي كاتب بيهه اسمي واسمج
الله تخبل الله يخليك اليه يارب
امين يارب
اكولج اريدج ترحين وياي
وين
البيت ابوي
حمودي والله ميقبلون بيهه
حبيبتي لجل خاطري
لجلك اسوي اي شي حاظر اروح وياك
فعلا رحنه لبيت اهلهه وجان مثل متوقعت
مارحبو بيهه وطردوني من البيت وجان هاي اخر مره نروح الهم
وره كم شهر بلظبط برمظان كان قبل العيد بكم يوم جان احمد يتصل بيه
الو
الو
هلهو كلب شلونج البنات شلونهن
الحمد لله احنه زينين انته شلونك
اني زين بشريني خو ما تجيبين بلعيد
لا بعد اقل شي عشرين يوم
خوش الحك اجي والتحق حته اخذ اجازه لمن تجيبين
اي والله حمودي عفيه
باجر انشالله من اجي ناخذ البنات ونروح نشتريلهن ملابس
اي يمعود هاي شهد ماكله كلبي تريد تشتري بنطرون وبدي
انشالله باجر اجي وراهه اخذهم اشتريلهم الي يردونه
انشاء الله
اكلج اريد باجر تسويلي فطور معتبر تره راحت بطني من اكل الجيش ههههههههههه
مو تدلل باجر اسوي احسن سفره
عاشت ايدج يلله عيني اني اروح
الله وياك
ديرو بالج عل روحج
وعل بنات
انته دير بالك عل روحك
الله كريم
يلله الله وياج
راح احمد وظلت شيماء تنتظر جيته ثاني يوم
شيماء /كعدة من الصبح نظفت البيت وسبحت البنات وكملت شغلي وره الظهر بديت اسوي الفطور سويت دجاج شوي وشوربه وحلاوت شعريه وزلاطه كملت كول شغلي اذن الاذان احمد ماكو خابرت ماكو الجهاز مغلق
خابرت كول شويه ماكو الجهاز مغلق وره ساعتين دكيت دك الجهاز الفرحه متنوصف حسيت روحي ردتلي شويه انفتح الخط كال
الو
الو ها حبيبي وينك بالي يمك
ههههههههههه
هاي شبيك تظحك
لان اني مو حبيبج
الو لعد انته منو وين احمد
احمد ذبحته وراح ادزلج جسمه لان الراس شمرته للجلاب
هاي شتحجي انته احمد ليش تظحك هاذا مقلب مو
ههههههههههه ههههههههههه لا شني كامره خفيه قابل
روحي حقيره روحي خلي يجون ياخذون جيفتكم يا روافظ
انسد التلفون واني احسه نسد عل كلبي شنو هاذا الي صار معقوله احمد راح
خابرت عل اهلي اجو بسرعه للصبح خابرو الملازم اكدلهم الخبر
استشهد احمد وتركلي ثلاث بنات وره وفاته بعشرين يوم ولدة بنيه سميتهه عتاب
اعاتب الزمن بلي سوا بيهه

اسفه اذا خليتكم تبجون بس هاذا واقعنه وشهدائنه الهم حق علينه