امراة غلبها القدر

السلام عليكم قصتي اليوم بعنوان
#امراة_غلبها_القدر#
هاي القصه مو وهميه وانما حقيقيه عاشتها فتاة في سنة 1997 لايتجاوز عمرها 17 سنه كانت فتاة بريئه وقلب طيب لاتعرف الحقد ولا الكراهيه سموحه وكريمه ولاكن غلبها القدر ابدي وياكم قصتي
اسمي هديل بيضاء شعري قصير اسود طولي 160 جسمي وسط لاسمينه ولا ضعيفه يعني نكول بطه
عالتي تتكون من امي وابويه واخوان ثنين واحنا اربع بنات الجبيره متزوجه حالتنا الماديه تعبانه جانت امي الي قايمه بواجبنا من اكل ملابس دكتور جانت تشتغل وتعيشنا لان ابويه لا يمه ماله وحاله مو النا وامي الي هيه امنا وابونا وكلشي بالدنيا
قررنا اني واخواني انساعد امي بالعيشه لان ايد وحده مصفك اخي الكبير حسين اشتغل نجار واخي الاصغر مني علي اشتغل حمال واختي الي اكبر مني اسراء اتوضفت بدائره واني لكيت شغل بمعمل خياطه دخلت المعمل اول يوم جان اكو شخص عينه منزلت مني بس يباوع عليه كل مادير وجهي عليه اشوفه صافن بوجهي بيني وبين نفسي اكول هذا شبي يباوع عليه شنو يعرفني مشبه بيه بس صافن بيه
ظليت اشتغل بالمعمل سبوعين فد يوم اني كاعده على المكينة الخياطه داخيط ماشوف واحد فوك راسي لازم كلاص جاي بيده كلي اتفضلي كتله شكرا ماريد كال لاترجعين ايدي احنا اهنا بالعمل كلنا مثل الاهل اخذت الكلاص الجاي منه خليته بصفي على الميز رجعت خيطت شالت راسي شفته صافن عليه اني من اشوفه هيج ما اعرف شيصير بيه اكوم اخربط بالشغل لان انثول من اشوف شخص يباوعلي
مر على شغلي شهر فديوم العمال طلعو يتغدون وظلينا اني وياه بالمعمل جان ينزل حايب بيده لفات كباب كلي اتفضلي اكتله لا شكرا ماريد كال ازعل اذا متاخذين الفه اخذتها جان يكولي مو مثل الجاي تاخذي ومشربي اني اهنا ضحكت هوه هم ضحك كلي هديل عندي موضوع وياج كتله اتفضل كال لا مو اهنا اريد اعزمج بكفتريه كتله اعذرني عندك شي احجي اهنا كال والله ماكو شي بس اريد احجي وياج واني نيتي شريفه
يتبع القصه