امراة غلبها القدر

امراة غلبها القدر الكاتبه هند التميمي

الجزء السادس عشرقصة
#امراة_غلبها_القدر#
دخلوني الصالة العمليات كتلها للدكتوره عفيه دكتوره لتاذيني لان القبلج اذتني باستني الدكتوره من راسي وكالتلي لتخافين حبيبتي راح انضربج بنج عام ونضفج لان السوتج ممنضفتج زين والي وكع منج هاي كولها وصاخه ضاله بعدها بداخلج والشي الشفتي الاخير الوكع الجبير هاي الجاره لو مواكعه منج جان متي المهم دخلت للصاله محسيت بعد بروحي بس امي اطبطب على وجهي كعدت شربتني عصير برتقال فديتها الامي شكد اتحملت عذاب من ورانه الله ينطيها طولت العمر وره ساعه طلعنا من المستشفى للبيت دخلنا بالوحده جانو نايمين اخواني دخلتتي للغرفه كالتلي نامي ولاتبينين بيج شي الاخوانج الصبح
بستها من ايدها وكتلها يمه بيش اجازيج تعبتج وياي باستني من راسي وطلعت نمت كعدت الصبح اتريكنا الولد طلعو للشغل ظلينا اني وامي ومريم اختي بالبيت اجت امي كالتلي خابرونا راح يحولون خليل السجن ابو غريب كتلها يومه فدوه العينج خلي يجيبو يمنا ومنا ياخذو كالتلي على الي سواه بيج بعد اتباعين بوجها كتلها يمه احبه وهو زوجي اتوسلت بيها يلا اقتنعت خابرت على الضابط اتفقت وياه يدزه بيد مامور يخلي يمنه 3 تيام بس 75 الف جانت ال75 الف هوايه مو مثل هسه من حس بيها وره يومين جابو خليل البيتنا اتلكوه اخواني والدي كعدنا كلنا بالهول وحجه الاهلي شلون من طلع مني ولزمو الانضياط وهويته جانت مزوره مال تسريح وحكمو سبع سنوات كضه ثمانية اشهر بالوحده بقاله ست سنوات واربع اشهر ثاني يوم كتله قبل لا اتروح للسجن روح الاهلك شوفهم لان امك كلبها نار عليك كلي لو صدك كلبها نار جان جتني هيه لو اخواني كتله ميخالف ذوله اهلك وهاي امك وكلب الام يحترك على ابنها كلي بشرط تجين وياي كتله ميخالف رحنا اني وامي وخليل واختي مريم البيت اهله امي دفعت الباب وطبت هيه ومريم وخليل واكف طلعن خواته وامه جرنا الخليل دخلو جان يسدون الباب بوجهي😢 اني كلت عادي المهم هوه شاف امه جان ماشوف اله خليل فك الباب وطلع كام يصيح بالشارع اسدون الباب بوجيها وهيه الي جابتني الكم وتوسلت بيه وهيه وامها ركضولي ويجون عليه وماعافوني وانتو ولا واحد دورني لو سال عليه هيج تتعاملون وياها جان يجر ايدي ومشى عافهم ظل يمشي وكامش ايدي كتله خليل مصار شي حقهم اهلك واعذرهم كلي سكتي ظلينا نمشي لحد مرجعنا البيتنا دخل غرفتي كعد كام يبجي ويبوس بيدي كتله الاظفر ميتبره من لحمه وذوله اهلك وامك من حركت كلبها عليك هيج اصرفت كلي اني ماعندي اهل انتو اهلي صار اليل اويلي ياليل يارب كون ميخلص اليل لان خلصة ال3 ايام مالته الخليل راح ياخذو للسجن

صدك هل ليله اخر ليله وياك
ومن الصبح باجر رايح انت
وصدك باجر اظل الوحدي بالدار
شيظل بالدار لو راحت شمعته
تعال اكعد اكبال العين للعين
واحجي وياي خل صوتك اسمعه
اني ادري الفجر لو رايد يروح
اول خطوه من الباب تعمه

صارت بالسبعه اجه الولد اخذ خليل هوه اخذ خليل واني الصياح مالي كعد المنطقه لا لا لاااااا عيفه عفيه والله مشبعت من شوفته عليك الله عيفه بداعت العزيز العندك خليني اشبع منه خليني اشمنه خليني اشبع من شوفته عليك الحسين لاتاخذه فدوووه وابجي وهوه يبجي وامي وابويه واختي مريم والي دياخذه يبجي كلي والله يا اختي لو بيدي اخلي اكثر بس اني مامور كتله فدوه خويه شويه خلي اشبع منه بداعت الحسين كلي اهتي لازم قبل العشره اني مسلمه كمت اصيح وهوه يجرجر بخليل لاااااااااااا
خليل لتعوفني خليل ماكدر بلياك خليل اخذني وياك المامور يجر بخليل وامي وابويه يجرون بيه واني اصيح وابجي وراح خليل اخذه للسجن واني فقدت لبست قميصه وطلعت وراه امشي ما اعرف وين اروح ما اعرف وين ماشيه احس الناس اتباوع عليه عبالهم مخبله امشي وابجي بدون وعي ااااه يازمن شكثر قاسي
رجعت للبيت امي اتلكتني يمه وين رحتي مو كسرتي ظهري ابجيج هذا راح اتموتيني يوم عن يوم اشوفج اكبالي مدمره واني ماباليد حيله حضنتها وكمت ابجي اكولها يمه اريد خليل ما اكدر بلياه امي اتواسيني ادكولي انكضت مبقه شي يا مبقى شي يمه ست سنوات واربع تشهر شنتضر يارب الفرج يارب بجاه حبيبك محمد افرج عن كل مظلوم

نويت اتروح لالتروح بعدك من يفرح الروح
احبنك واريد اهواي تنطي للكب حكه وتدري زين بالولهان بي شتعمل الفركه