امراة غلبها القدر

الجزء الخامس والعشرين قصة
#امراة_غلبها_القدر#
من شال راسه خليل فز كلي هلو حبيبتي هاي اجابج هسه جنت احلم بيج كتله كوم ويانه شعندك اهنا كام وسلم على زوج اختي واجه ويانه بطريق كلي خلي امر على بيت اختي عندي غراض اريد انطيهن الج مرينا بيت اخته بطريقنا طبعا اخته مطيقني وكفنا بالباب دخل جاب الغراض وطلع كلي ذني اخذيهن طبعا الغراض بطانيا جانت لون حمره وزوليه تندك بالحايط وعلبه بيها جان اظاهر مكياج بس ماخوذ منها ومخاد ثنين رحنا البيت اختي كعدنا اتغدينا حجه وياه زوج اكتي واختي كالوله يلا عاد ازوجو خو مظلون هيج صارلكم خمس سنوات راح الملكم وزوجو بيهن كله خليل الزوج اختي انشاءالله صار العصر كال اروح اغسل وابدل واجي راح واجه ساعه بالسبعه المغرب اجه كعدنا وتعشينا عاد زوج اختي كلنا كومو دخلو بالغرفه اتفاهمو دخلنا طبعا لايروح بالكم بعيد الباب جانت مفتوحه بس قصده اخذو راحتكم بالحجي كعدت بصفه كتله خليل مكافي عاد فضها خلي نزوج واذا مالك نيه لزواج ومتريدني كول ليش تتهرب مني كلي اني مدا اتهرب منج بس اشغال كتله يا اشغال الي شاغلتك عليه جنت ايدك متاخذ شغل اذا مشوفني وتكعد كبالي كلي ان شاءالله يصير خير اباوع عليه اكول بداخلي هذا اظاهر ميريدني بعد واني مجلبه بي شافني صافنه عليه كلي شبيج كتله كلبي يكولي انت ناوي تنهيها كلي ليش تحجين هيج كتله عندي حساس وحساسي ميخيبني سكت صارت ب11 كال راح اروح وباجر اجي اخذج وروح للشغل كتله ماشي وصلته للباب وراح بس عيني عليه احس هاي اخر شوفه بيناتنا اني وياه دخلت جوه زوج اختي واختي كالولي شتفقتو كتلهم ان شاءالله خير بس بداخلي غير شي نمت كعدت الصبح تانيته للظهر ماجه طلعت اخذت الغراض واخذت تكسي البيتنا دخلت امي شافتني كالتلي شنو ذني كتلها خليل انطاهن الي كالت شفتي كتلها اي رحنا اني وزوج دينا دورنا عليه لكينا بطوله مال زمايل نايم جبنا واجينا بيت اختي ظل لليل وراح كالتلي وشتفقتو كتلها الامي والله يايمه اعتقد هاي اخر شوفه الي الخليل لان مو ذاك خليل الجنت اعرفه اتغير حيل فرق من السما للكاع امي كالت ويطبه مرض يروح جلب اسود يجي جلب ابيض كتلها وسالفتي كالتلي عود الف حلال الها كلش انخيطج بليلة العرس كتلها شلون يمه اجذب على الي ياخذني اخدعه كافي غدعني خليل احسن شي اذا اتفاركنا اني وخليل مافكر بعد بالزواج كالت امي الله كريم

لايفلان شنو ذنبي الجنيته وياك يفلان بعتني شلون لاذنب البده مني ولا اني بعشرتك غلطان لايفلان ..الكلشي اني حسبت احساب ...وبس فركاك ابد مجان لايفلان لو جاسك عطش اسكيك من عيني واظل عطشان ولو مر الشتا بليل اظمك بين ذرعاني واظل بردان...احزن كبل ماتحزن اذا اشوف الدمع بعينك وحزنان
واعيد كبل ماتضحك اذا شفتك حبيبي تضحك وفرحان لا يفلان

دخلت الغرفتي وعرفت بنفسي بيني وبين خليل كلشي انتهى مو شرط يكولها لو ينطقها مرات اتحسون المقابل اتغير مو مثل الاول وفرق صار جبير بيني وبينا من كام كل اتلث اشهور يجيني مره يشوفني ويروح وحتى احساسي من ناحيته اتغير حسيت كلشي خسرت حياتي وحبيبي الي جنت اكول هذا الشخص راح يعوضني بكلشي اثاري جان اوهام بوهام نمت كعدت الصبح كل عاده للدوام
اروح وارجع المغرب الاوضاع صارت مو زينه كالو راح يصير غزو على العراق بليل الاخبار مطمن وره يومين صاحت الغاره الفجر وصارت حرب وسقطت بغداد ودخلو الامريكان وخليل ماكو اي خبر عنه