امراة غلبها القدر

امراة غلبها القدر الكاتبه هندالتميمي شغيرك هسه ونسيت اعيوني. هذا اسمي على الفيس

الجزء الثامن قصة
#امراة_غلبها_القدر#
الكاتبه شغيرك هسه ونسيت اعيوني
انتظرت ثاني يوم يجيني خليل حتى اروح ناخذ البدله واروح للصالون ما اجه صارت بالعشره ماكو للظهر ماكو كامت تجي الناس وخالاتي وكرايبي وصديقاتي التمو بالبيت شافوني بعدني مرايحه للصالون كتلهم دا انتظر خليل يجي للعصر وماكو خليل دزيت اخواني عليه بالبيت ملكو كالو من البارحه ماكو دزيتهم بيت صديقه ملكو نفس كلام اهله امي كالت لازم بي شي كلمن يدور بمكان اخواني بجه يدورون وامي بجه ادور والناس يمنا ملتمين بالبيت منتظرين خبر عليه صار اليل اجت امي ودموعها بعينها باوعت عليها جان دكولي يمه خليل من طالع البارحه منا لازمي الانضباط بليل وماخذي للمركز ومحولي بالحارثيه محولي لطمت ودكيت وبجيت ملخت روحي شحجي شكول اكلهم ضاعت حياتي لو قتلت نفسي بيدي امي تبجي وخواتي واختي الجبيره دينا كالت اني كلبي جان مامرتاحتله من البدايه هذا واحد جذاب يجوز هوه سلم نفسه حتى يخلص من موضوع الزواج اني ابجي ميدرون البداخلي شنو عالم غير عالم دخلت بي افكار اتودي وجيبني شاسوي شلون وضعيتي صارت زفت الناس تبجي عليه مصدومه بيه بس محد منهم يدري بالي صار بيني وبين خليل عبالهم ابجي عليه لان لزمو ميدرون اني دادك والطم على البلوه الي صارت وين انطي وجهي ظليت حاضنه صورة وابجي واحجي وياه اكوله اسويت بيه دمرتني وين انطي وجهي لوباقي بايت يمنا محان صار الي صار جان هسه رايحين اني وياك ماخذين البدله ورايحين للصالون وخلصنا عرسنا يارب يارب دخيلك مالي غيرك انت ربي ارحمني واستر عليه يارب انت الستار بجيت ومن البجي محسيت على روحي نمت ودمعتي بعيني حلمت بي بيومها كتله ليش خليل تركتني بهيج موقف ليش انت قتلتني بالحياة لو باقي يمي ومطالع مجان صار الي صار محسيت اله امي اتكعد بيه ادكولي اشبيج تحجين بنومج ربج يحلها باجر اروح ونسال عليه