امراة غلبها القدر

امراة غلبها اقدر الكاتبه هند التميمي

الجزء الثامن عشر قصة
#امراة_غلبها_القدر#
كعدت ثاني يوم كل عاده بدلت وتريكت وطلعت للشغل وصلت بالتسعه دخلت المعمل شفت حمايه بالمعمل كلي شلونج كتله الحمدالله شخبار خليل كتله ذاك هوه وروح شوفه واعرف اخباره شنو ناقص رجل لو ايد اخوك قابل غريب ومتروحله كلي والله ماعندي مجال كتله لعد اشو هسه عندك مجال جاي اهنا كال والله جيت بشغله وكلت امر عليج اشوفج اخاف محتاجه شي بالمناسبه هذا حمايه الوحيد الي جان ممعارض بزواجنا زين وحباب هم جان يحب وحده ومصارت من نصيبا فشجع خليل بالزواج بيه ..كتله سلامتك كلشي ممحتاجه كلي يلا اني اترخص كتله الله وياك بس بداخلي اكول متكلف جاي يسال عليه وعلى اخوه ميروه والله يالله
رجعت كعدت على المكينه اخيط كملت شغل وطلعت رجعت للبيت كل عاده سلمت ودخلت غرفتي بدلت وطلعت اتعشينا وكل واحد الغرفته حسين مكتلكم عليه ازوج بوكت اسراء جنت اني قبلهم مخطوبه ومكطوعة مهر وهما ازوجو وصار عدهم كل واحد طفل واني بعدني عذروني مكتلكم عليهم لان التهيت بمصيبتي
زوجت اخويه اشويه جانت اتلهيني هيه وبنتها الصغيره وياي وياي بكلشي هيه الي اسويلي اكل وهيه الي تغسلي ملابسي الله شاهد باجر اتحاسب ليش انكر هم خلف الله عليها متخليني اسوي شي ومريم حانت المدلله بعدين من طكت شويه كامت تشتغل بالبيت اتنظف بس غرف امي وسويلها اكل وتغسل ملابسها وملابس امي واخويه علي وابويه صار اليل اااه ياليل شكثر بيك لوله نمت والصبح كعدت للشغل رحت وعلى الروتين مر اسبوع جمعت العندي الفلوس ورحت اسوكت الخليل رجعت للبيت امي مسويتله كليجه ومرت اخويه سوتله كيكه ثاني يوم طلعنا للسجن طبينا وجان اشوف وجه البومه مرت خالي ااتباوعلي بحقد مدرتلها بال دخلت الخليل كعدنا يمه طلعتلها الكليجه والكيكه والمسؤاك والجكااير ونطيناه افلوس وره شويه كمنا دنطلع جان يكولي حبيبتي جيبيلي وياج من تجين جيه الثانيه هذا الدواء كاتبه بورقه هوه وعنوان الصيدليه لان بس هوه يبيع منه كتله مال شنو هذا كلي مال تيفو كتله ان شاءالله حبيبي جيت الثاني اجيك طلعنا ورجعنا للبيت دخلت للحمام سبحت كعدت شويه بالهول مرت اخويه كالتلي اروح لسوك العصر كتلها ماشي جوي اخوتي اليوم من وكت كالو خلصنا شغل ضلينا نحجي ونشاقه وننصب على مرت اخويه لحد مصار العصر بدلنا ورحنا لسؤك اشترت غراض مرت اخويه ورجعنا المغربيه سوينا العشه وتعشينا ورجعت الغرفتي ادعي الله شوكت يطلع خليل وكون ميصير بي تيفو خطيه ميتحمل مرض الله يحمي من كل شر نمت ثاني يوم كل عاده للشغل والعصر ارجع ويوميه على هل رنه لحد مقرب موعد روحتي الخليل رحت للصيدليه كتله انطيني هذا العلاج كالي اي اختي انطاني اخذته وطلعت ةصلت البيت شمرت الجنطه على جربايتي غيرت ملابسي وطلعت اتعشه اشتمعنا كلنا على العشه ضحك وسؤالف ابويه جان جايب دف دي واقراص وياه افلام اجنبيا سلفستر استالون وافلام عربيه كعدنا شغلنا ونباوع لحد مخلص الفلم جان اكشن كلش حلو دخلت للغرفه شلت جنطتي داعلكها كلت خلي احضر غراض خليل اخاف انساهن باجر طلعت الجيس مال الحب اشو اشوف ذوله كومه شرايط بالعشر شرايط كلت هاي شنو اخاف غلط وياي ابو الصيدليه بعدين كلت اخاف وباء منتشر بالسجن وراد كميه يهليها يمه احتياط كلت يلا باجر اساله نمت كعدت الصبح بدلت وتحضرت كعدت امي واختي اسراء حبت تجي ويانا اشوف خليل حانت بيدها بتها عمرها ست اشهوراتريكنا وطلعنا للسجن وصلنا دخلنا للسجن حان اكو هوايه تفتيش وسره طويل مال نسوان وزلم كلت شكو اليوم اشو هوسه صايره كالولي تفتيش ديفتشون النسؤان والزلم من يدخلون كلت ها يلا شعدنا طبينا طبت امي كدامنا واختي كدامي وصل التفتيش الي فتشو الجنطه جان يلكون حبوب كالولي هاي شنو كتلهم حبوب مال تيفو كالولي ولي اجيب حبوب مال تيفو اجيب هيج كميه كتلهم اي خطيه مو زوجي يخاف ليصير بي تيفو ودز بيدي جان يوكفوني على صفحه وصاحو الشرطه كالولهم هاي لزمنه عدها حبوب كتلهم اي حبوب مال تيفو جان يضحكون كالولي ياتيفو عيني امشي ويانه للتحقيق كتلهم شنو تحقيق هاي اشدتحجون جان يجروني