امراة غلبها القدر

امراة غلبها القدر الكاتبه هندالتميمي

الجزء الثالث من قصة
#امراة_غلبها_القدر#
ثاني يوم رحت للشغل وجان اشوفه باوعت عليه هوه انتبه جان يجي كلي مفقتيني البارحه كتله ها ظليت فاكه حلكي كتله ليش هل سؤال كلي لا هيج حبيت اسال فكرتي بالموضوع كتله بعدني كلي لاتتاخرين عليه كتله ان شاءالله كلي اني راح اطلع لان امي مريضه كتلها خيرها كال ظغطها صاعد كتله مشافايه ان شاءالله كلي محتاجه شي كتله سلامتك كلي باي اشو هذا كلي باي كلبي كام يدك كلت عزه هاي شبيه استغفرت ربي وكعدت على المكينه اشتغل بس بالي يمه ومكانه خالي اباوع على المكينه مالته خاليه ماكو هوه ضجت كوه جرعت اليوم بيني وبين نفسي اكول شبيه اني بس لا حبيته ياربي شلون الطريق كوله هوه بالي وبالبيت كذالك داومت ثاني يوم شفته كاعد على المكينه كتله صباح الخير هوه راستن وكف الحيله كال صباح الانوار شلونج كتله الحمدلله وانت شلون صارت الوالده كال الحمدالله جان يجي يمي اتقرب كلي هديل وين الجواب صار خمس تيام منتظر على نار اني ضحكت كتله ان شاءالله خير كال يعني اهل هل كتله يمعود اسكت لا تفضحنا ضحك رجعت كعدت على المكينه جان يكول هديل اليوم من اطلعين اطلع وياج اوصلج كتله عزه يمعود استر عليه كلي من بعيد لبعيد كتله اوكي اذا هيج موافقه ابتسم واني هم ابتسمت ودنجت صار المغرب طلعت وهوه هم طلع جان يزم ايدي على الدرج اني اهنا انبهتت كتله شكو كلي هديل اريد الجواب كتله اوكي موافقه بس الك مهله شهرين كلي لا قليله خليها ست اشهر واني عد وعدي الج والله شاهد بيناتنا كتله اذا الك نيه تلعب فلا تلعبها وياي لان اني ما استاهل العب كلي وعد والله شاهد على كلامي نزلت وهوه ورايه يمشي لحد مدخلت بيتنا شافتني اسو كالت اليوم الوجه منور كتلها وجع شكو جان تجي للغرفه لحكتني كالت احجي كتلها ماكو شي كالت عليه كتلها انطيته الجواب موافقه وهوه كلي ست اشهور واجي اخطب كالت اخاف لعبي كتلها كتله اذا الك نيه لعب لاتلعبها وياي لان ما استاهل حلفلي وعد وصلني لهنا وراح كالت عزه شلون وصلج متخافين كتلها يمعوده ورايه يمشي