امراة غلبها القدر

الجزء السادس والعشروون الاخير من قصة
#امراة_غلبها_القدر#
الكاتبه شغيرك هسه ونسيت اعيوني
سقطت بغداد سنة 3003وبطلت من المعمل وخليل اي خبر ماكو اي خبر عنه ظليت كاعده بالبيت اتامل بلكت يجي او يمر او يذكرني لا محال كلشي ماكو ايست من خليل انكطعت اخباره اهلي كالولي ليش باقيه بذمته اطلكي منه رحت للمحكه قدمت اوراق الطلاق حجيت كلشي للباحثه عن خليل وصلت اوراقي للقاضي وطلب مني اجيب خليل كتله سيدي ما اندله وين اجلني على الجلسه الثانيه طلعت وصادفت محامي كلي شعدج مراجعه كتله هيج وهيج وطلب مني احضر زوجي بس وين الكاه كلي خلي الزمج اني واسهلها الج كتله ياريت جيتي الثانيه انت تكمشني هاي اوراقي يمك انطاني موعد القاضي وره شهر اراجع طلعت من المحكمه للبيت حجيت الاهلي كلشي اختي كالتلي انطي عنوان بيت خاله كلت اخاف ميصير كالولي لا يصير خليتها ابالي مشت الايام واجت جلسه الثانيه دخلت الغرفة المحاماه ليكت المحامي الوكلته كعدنا سولفتله من اول متعرفت عليه لحد مطلع كلي عوفي قضيتج عليه راح ادخل للقاضي وراح يرجع يطلب منج عنوانه كتله عندي كال انطينياه للعنوان انطيته للمحامي دخل وره نص ساعه طلع كلي هذا مفتي اخذي وياج البيت خاله خلي واحد منهم يوقع كتله صار طلعنا اني والمفتي البيت خاله دكيت الباب طلعتلي مرت خاله كتلها شلونج خاله موجود خال خليل كالتلي اي اتفضلي طبينا جوه السلام عليكم وعليكم السلام كتله ابو اثير اني رافعه قضية طلاك على خليل ورايدين واحد منكم يوقع كلي اشلون اني اوقع كتله انت تعرف اني ما احجي ويه اهله الله يخليك لصعبها عليها خليني اخلص منه على شنو رابطني وهوه ماكو ولا سال عليه كام يبجي خاله كلي راجعي فكرج مريد نخسرج كتله راجعت فكري واخذت قرار نهائي اترجاك وقع
وقع ودموعه بعينه كلي وقعت بس مو من كل كلبي كتله اشكرك ورحمه الله والديك بستهم وطلعت كلي لتكطعين علينه كتله ان شاءالله طلعنا رجع المفتي للمحكمه واني بيت اهلي انطاني القاضي موعد على الجلسه الاخيره وره شهر حجيت الامي كلشي كالت طبه مرض هوه الخسر وين يلكه مثلج اتغدينا والعصر طلعنا لسوك اني ومرت اخويه صدفه انتبه على ولد صافن عليه باوعت اذكرت خليل نفس النظره الي جان يباوعلي بيها رجعنا بالطريق اذكرت خليل اتحسرت طبينا البيت ورحت الغرفتي اتمددت اخذتني الغفه نمت كعدت الصبح داروح اجيب صمون وشفت نفس الولد الي جان صافن عليه البارحه ابتسم درت وجهي عنه اخذت الصمون ورجعت وهوه يمشي ورايه كلت هذا شعده يمشي ورايه شيريد طبيت بيتنا اتريكنا كعدنا انضف وسوينه غده اتغدينا والعصر طلعنا اني ومرت اخويه لسوك وجان اشوفه للولد بهتت ورايه وين ماروح اخر شي كتله انت اشعدك تمشي ورانا كلي اني معجب ونيتي شريفه كتله لا نيتك شريفه ولا شي يلا منا ظلينا نمشي وهوه ورايه لحد مرجعنا للبيت دخلت للغرفه مرت اخويه جتي كالتلي المعجب اليوم ورانا ورانا كتلها اوووف يمعوده لا معحب ولا بطيخ كلبي قفلته من وره خليل كالتلي مو كل اصابعج سوه كتلها كلهم سوه كالتلي جربي بس لتحبي كتلها على شنو احرب واعلقه بيه وهناك يعرف قصتي ويطفر الابو زعبل ضحكنا اجت امي للغرفه كالتلها مرت اخويه عمه اليوم واحد لحك هديل وراها وراها ورزلته كاللها اني نيتي شريفه عافته ومشت امي كالت يالله يجوز هذا احسن من خليل كتلهم اهوووو كومو طلعو خلي انام ضحكن صحت على امي كتلها يوم اريد ادور شغل كالتلي كيفج طلعت ثاني يوم دورت شغل بالشعب لكيت اشتغلت من الصبح للمغرب وارجع فديوم دا امشي بشارعنا وطبكت عليه سياره اباوع نفس الولد الحكني كلي ممكن تاخذين رقمي عندي حجي وياج مدرتله بال كلي تاخذي لو انزل بالشارع كدام الناس اجرج واصعدج اني من خوفي اخذت الرقم رجعت للبيت وكلت الاختي مريم ومرت اخويه ضحكن وكالن خابري خلي نسمع شيكول اتصلت كال الو اتفصلو كتله مرحبه كال مراحب كالي منو الي انطيتها الرقم ضحكت كتله اي كلي شلعتي كلبي كتله على شنو شلعت كلبك احجي مو كلت عندي حجي وياج كلي اني معجب ومن شفتج كلت لو هيه لو لا كتله هاي شنو كال والله واني نيتي شريفه ورايدج بالحلال كتله مافيدك كلي ليش كتله اني مره مزوجه كال بس ممبين عليج كتله اي بس منفصله كلي واني رايدج اجه اخويه سديت التليفون بوجه شكد عيب هههه
ثاني يوم اتصلت بي واعتذرت منه ماطول عليكم صارت علاقه بيناتنا يوم المحكمه خابرته كتله باجر عندي محكمه كال اني اوديج وثاني يوم اجه وياي انطاني الحكم القاضي وطلكت رجعنا بالطريق كلي ممكن اعزمج بمطعم اريد اعرف كلشي عليج بداخلي كلت ياريت رحنا للمطعم وحجيت كل البكلبي من جنت ويه خليل اني احجي وهوه صافن ويغلط على خليل كلشي كتله اخر شي كتله هاي حالتلي تقبلها ذاك الباب مفتوح متريدني لتخليني اتعلق بيك وتعيفني كلي ان شاء الله خير طلعنا ورجعني البيت اهلي وره كم يوم دز عليه اهله خطبوني وحضرنا العرسنا احلى ذهب واحلى غرفه اخذلي وعرسي بالقاعه فدشي وصار عندي 3 اطفال بنين وحسين وزهراء وعايشين عيشتنا الحمدالله صح مرات نتعارك اني والحب نسيت اكلكم اسمه زياد بس يصالحني وميخليني ازعل هاي قصتي الكم ياريت اتكون الكم عبره ولا تامنن بصديقه هيه دمرت حياتي بس الله عوضني بزياد الي هسه اغلى من روحي تحياتي لكم هديل