دقات قلبـــ💔ــبي تؤلمنـي

الدقة الرابـ💔ــعة

رواية واقعـ💗ــية

كُل الحُب مختزل في عبارة:
و إن كُنت شوكًا في سبيلي لعبرت إلى طريقك حافياً 💛.

اياس" نزلت وانا نحس بنشاط عالي  اليوم .. وكيف مانحسش بيه !والحبيبه قريبه مني 💗 امتى بس نرقد ونصحى ع ملامحها الملائكية .. نزلت لاخر الدرج وانا نسمع ف صوتها جاء من المطبخ .. فز قلبي ع طول ومشيت بسرعه لصوت وانا ميت خوف عليها اكيد صايرلها شي .. وصلت للباب ووقفت شفتها تمسح ف دموعها وقدامها ايلاف جن جنوووووني اكيد هي مزعلتها
خشيت وانا نحاول نكتم غضبي: صباح الخير

ايلاف" شافتله بصدمه من امتى يصبح هو ع حد: صباح النور 

اياس" قرب منهم : خير رغد من ضايقك
"شاف لايلاف بغضب: اكيد انت لسانك متبري منك

ايلاف" شافتله بربع عين: متبري من ناحيتك بس

اياس" شافلها بحنان: خيرك رغد؟؟

رغد" تمسح ف دموعها : مافي شيء

اياس: قولي

ايلاف: طاح نقالها منها وانكسرت شاشته

اياس: بسيطه بسيطه تو نجيبلك نقال جديد

رغد: لا لا 

اياس: عادي مايغلى عليك شيء

رغد" نزلت عيونها : لا النقال هذا غالي عليا

اياس: هاتي نصلحهولك

رغد: لا صحيت

اياس" ابتسم ومد ايده: هاتيه عندي صاحبي عنده محل تو نرفعولك ونرده بسرعه

رغد" مدتله النقال ولمست ايده "

اياس" حسيت بكهرباء سرت ف جسمي كله صح بسرعه الموقف بس تأثيرها اثر ع كل شي فيا لفيت وطلعت ونا مش بوعيي طلعت ومشيت برى ونا ف عالم اخر ااااااه هذه بس لمسه بهدلتني كيف لو كانت طول الوقت جبني وقريبه مني نعبر امتى نبي اااااا امتى تحس بيا امتى ؟
ركبت السيارة ف جو المطر وطرت طيرااان للمحل نبي بسرعه نرجع ونكحل عيوني بشوفتها💗

..
..
°°°°

هدير" فجاءة بعد نطقت اسمه ماندري شن صارلي حسيت كان حد كب عليا مي بااااااارده لاول مرة ننصدم من جرائتي اصلا طبعي خجوله كيف جتني الجراءة ووقفت قدامه نزلت راسي بخجل وهو يشوفلي بمعني شن تبي : اا هو ماعرفتش كيف نتصل بعيالي يروحوا بيا تقدر تكلمهم

مهاب: ااا هي مافيش تغطية تو نمشي لحوشكم نقلهم يجوك

هدير" حسيت بكبر حجم الموقف : اا لا لا بينه تو يجوني

مهاب" ابتسم: لا عادي تو نمشيلهم نقلهم يجوك

هدير" ماخلالي فرصه نوقفه لف ومشى وانا نشوفله وقلبي بيطلع من مكانه ماندري لاني كلمته ؟؟ او لاني خايفه يعرف حيدر ويدبحني ؟؟
لفيت وطاااح وجهي قدام الناس يلي تشوفلي كلهم عيونهم عليا ..نزلت عيوني وتمنيت تنشق الوطا وتزرطني *[يعني تبلعني] ولا نكون ف هالموقف والله كأنا عشاق واقفين تحت المطر ونهدرزو .. رجعت لمكاني وعيوني ع الباب وقلبي ماوقف من الدق .. وماعلى لساني غير سترك يارب