دقات قلبـــ💔ــبي تؤلمنـي

الدقة الـ💔ـرابعة عـشر

🌹اللهم انك أعطيت وأخذت ، ومنحت وسلبت ، وحكمت
وقضيت ، فأفرِغ علينا صبرًا نستعين به على ما قدَّرت🌹
..
..
بعد مرور اسبوع

هدير" لاول مرة بعد موت حيدر يتسلل الفرح لقلبي بعد ماسمعت من ميرال أن مهاب طلع من العناية همست بأمتنان: الحمد لله الحمد لله

ميرال " بتردد: لكن

هدير" فز قلبي بخوف: لكن شنن؟؟

ميرال" بحزن: خسر رجله

هدير" دمعوا عيوني: مافهمتش ؟

ميرال: الحادث اثر ع رجله الايسار واطرو الدكاترة يقطعوها

هدير" نزلوا دموعي ووجعني قلبي عليه : المهم انه بخير

ميرال: اي قال معاوية الحمد لله هو بخير

هدير: الحمد لله ع كل حال .. وين وريف ماشفتهاش من بكري

ميرال: عندها مراجعه مشت للعياده

هدير: ربي يعينها والله وجعني حملها خسراته

ميرال: اي والله ربي يعوضها خير منه

هدير: اميييين

..
..

دخلت للحوش وهي تمشي بصعوبه

الام: الحمد لله تو حالك تمام

ايلاف" بهمس: اي الحمد لله

اياس" بحنية غير معهوده منه: الحمد لله والله خفنا عليك لما شفنا الدم

ايلاف" بهمس: ماندري كيف صار

الام: لا تفكري يلي صار صار المهم انك بخير

اياس" رقى فوق واتجه لداره وسكر الباب واتجه للمراية يشوف لروحه كيف اصبح شعره طووويل ولحيته غير منظمه ووجهه بدا اصفررر وعيونه محلوقات .. تنهد بحزن وألم .. فتح الدرج وطلع منه اوراق طبيه واتجه لسرير وقعمز يتفحص فيهم .. طق الباب بسرعه حطتهم تحت المخده : من ؟

الام" دخلت وسكرت الباب واتجهت لعنده : حال اختك تشوف فيه من الاسوء للاسوء وهذه مش اول مرة تحاول تنتحر اي اداة حاده خطر عليها .. والسحر شكله يقوي يبو يقتلوها ..

اياس: مش ترفعوا فيها لشيخ؟

الأم: شكله الجن اقوى منه وماقدرش الشيخ يطلعه .. بوك قبل مايسافر قال ان ف شيخ ماشاء الله كويس ويعالج ف مدينه .... نبيك تعرف مكانه بالزبط باش نمشوله .. لازم تتعالج

اياس: حاضر

الأم " بدموع: خايفه عليها خايفه تنتحر ولا يصيبها شيء والله كان صابها شي ننجن "مسحت دموعها : بنمشي نقعد بحداه عن ادير ف روحها شيء "طلعت"

اياس" تنهد وطلع الاوراق الطبيه : وانا لو صابني شيء تنجني ؟ ولا مش مهتمه " حذف الاوراق واتكى ع السرير: ماعاد يهمني ف الحياة ولا شي كلها اياااام او شهور ونندفن 💔