دقات قلبـــ💔ــبي تؤلمنـي

الدقة الحـ💔ـادي عـشر

أبعد عنك عاطفتك المفرطة، توقف عن كثرة العتاب، لا تطلب من أحدهم الوقوف بجانبك أو البقاء معك ، كن شخص مكتفي بذاته عن هذا العالم لتكون بأفضل حال 💖

اياس " ع شاطي البحر نشوف للامواح وهي ترتطم بالصخور .. يشبه ارتطامها ارتطام مشاعري ع جدار قلبي .. بقوة تحاول تحطيم الصغور ولا تستطيع ..
صدق من قال الحب يضعف الرجال ويدمرهم ويهد حيلهم💔
رن نقاله رفعه ورد : نعم .... اي وصلت .. كم تدفع .... اقل من 30 الف مانقبلش ... يابابا هذه فيها خطورة ع حياتي ... بعدين بتجيك بسعر اقل وانت تبيعها بارباح تفوت سعرها بالضعف ... دور ع غيري اذا لقيت من يقبل ب اقل 50 الف ع هالبضاعه .. يلا سلام "سكر الخط ودخل ايديه ف جيوبه ويتمشي ع الشاطي قرب من سيارته وقعمز فيها وفتح الدرج وطلع شيشه السكير منها وشاف للفلوس يلي ف الدرج : الفلوس يلي نحصل فيهم كلهم ف المزرعه ... ماصرفتش منهم ولا قرش ولا اصلا ناوي نصرف منهم .. السؤال يلي يدور ف بالي علاش انا ناخد ف فلوس لو هدفي الاساسي هو المغامرة مش الفلوس !! "شاف لسكير يلي ف يده : بايع حياتي وبايع صحتي وبايع كل شي .. نحاول نمليء عالفرااغ العاطفي يلي نشعر بيه من صغري .."شرب دفعه كبيره : من البداية كنت نحاول نلفت نظري امي وبوي بمشاكلي ف المدرسة .. كنت نلفت نظر معلميني بمشاغباتي .. كنت نتعمد اي شي ممنوع نديره .. كنت اي شي يغضب اهلي نساويه .. كنت نتسلق الاشجار والاسوار ونطيح روحي وهدفي اني نحس بحنانهم .. لكن للاسف دايما كلمتهم المعتاده انت راجل مايصيبك شي .. انت راجل لا تدلل .. انت راجل لا تبكي انت راجل .. وهالراجل كبر بس كبر ع غلط كبيييير معترف بيه .. ياما دخلت السجن بسبب مشاكلي او الحوادث يلي ساويتها ولكن ماقعدت حتى نص ساعه الا وطلعت بسبب مركز بوي ومعارفه .. مافي ولد وقف ف طريقي الا وجا بعد شوي يستسمح مني بعد عرف من انا.. مافي صاحب الا مصاحبني ع مصلحه بسبب فلوسي .. حتى رغد اااااه من رغد💔 حتى تعلقها فيا بسبب فلوسي اول ماقلتلها نحبك ماقدرتش مشاعري .. تمنيت لو تحبني ع خاطر فلوسي .. تمنيت لو توافق ع خاطر تبي تتخلص من فقرها وتعيش ف غناي .. لكن قلبها ومشاعرها مش ليا ابدا .. كالجميييع ماحد مشاعره صادقه اتجاهي حتى اهلي انفسهم💔 "شرب دفعه اخرى من السكير وحذف الشيشه بعيد واتكى ع كرسي السيارة : الشي الوحيد يلي يخليني نستمر هو مغامراتي ف التهريب لان ماحد يعرف من انا وولد من ف هالعمليات يلي يعرفوه هو اسمي فقظ اسمي لا غير .. لو يلي يتعاملوا معاي يعرفو انا من مستحيل يصدقوا شخص عنده هالفلوس وهالسيارات وهالاراضي كيف يغامر بحياته ع خاطر فلوس .. عشقي للمغامرات يكاد يقارب لعشقي لرغد .. رغد الاسم يلي يدمي قلبي 💔 "دمعوا عيونه غمضهم وخلى سيل  من الدموع يستمر بدون مايوقفها 💔

..
..

و الله يــعلــم و انــتــم لا تــعــلمــون
اجــابــه كــافــيه لـ ســؤال: لــمــاذا يــحــدث ذلــك لــي ؟ ...❤