هنيئا من له قلــ💓ـب ك قلب اخــ❤ـي
هدير" فرحتي لا توصف اليوم برجوع حيدر من العمره لاول مرة نحس ان الايام بطيييئه والساعات ثقييييله جدا لاول مرة نحس اني بدون حيدر ولا شي لا طعم لحياتي ولا لوووون .. صح عندي اخوى غير حيدر بس حيدر مكانه غييير غير داخلي .. مقعمزه قدامه بعد ماسلمت عليه وتمنيت بجد نضمه لصدري ونعبر عن شوقي .. لكن احنا عائلتنا تربينا ع الحشمه وماقدرتش نضمه سلمت بايدي بس .. كان يحكي وهو فرحان لانه حقق حلمه ومشى للعمره وانا فرحااااانه لفرحه ..
ياترى ف بنت تحب خوها زي ما انا نحب حيدر ؟؟ ع كثر عراكنا وعنادنا لبعض ومع انه دائما مرقيلي القاز .. ومع انه دائما مدخل ف كل شي .. ومع انه مانعني من ابسط حقوقي.. ومع انه ماعمره عبر عن حبه لينا .. الا اني نعرف انه يحبنا ويفضلني ع خواتي كلهم .. يكفي كان مرضت يجي يسأل عني مع انه يبدا يقول { تنوضي بالك قداش يوم راقده دايره روحك مريضه وامك تخدم فيك}
نعرف انه قصده نوضي استاحشت عراكك ومعاندتك
مع اني لما نتعاركوا ونزعل منه هلبا بعد فترة يجي يكلمني ويطلع شي وعارفه انه يقدر يطلبه من اي حد لكن نعرف تماما انه يراضي فيا بطريقته الخاصه بمعني (كلميني وردي عليا)
وكان تكلمت معناها رضيت
نعرف ان سبب منعنا من اشياء كثيييره وتدخله ف كل خصوصياتنا هو مجرد خووووف علينا وحبه لينا مش لانه يحب يسيطر علينا ويمشي كلمته
ونعرف اني انا نقعد نعانده باش نخليه يعصب لانه عصبيته تعجبني وتفرحني لما نشوف غيرته وخوفه علينا وحبه لينا مع انه لا يمكن يعترف بهذا الشي
لو كل بيت فيه شخص ك حيدر كان الكل عايش مطمأن ان ف شخص يهتم بيه وينبهه ع الخطأ ويرده لطريق الصواب
لو تلاحظوا ان عمر حيدر مش كبير يعني 18 سنه بس عقله وتفكيره اكببببر بكثيييير من تفكير من هم ف جيله
لله يحفظه ويرعاه ولا يحرمني منه
صرخت فجأة لما جت مخده ع وجهي: يازززززفت
حيدر: هههههههه
هدير" حذفتها عليه وهو يضحك تفاداها وانا عصصصبت: حمار خلعتني
حيدر: هههه وين سرحانه من بكري نكلم فيك
هدير" بغيض: شن تبي؟
حيدر: هههه قلتلك كان تبي ساعه جبتلك وكان ماتبيش نعطيها لعبير
هدير" بفرح انه تفكرني بحاجه: حااق جبتلي ساعه به وميدالية اسم جبتلي
حيدر" شافلها بربع عين: لا جبت لاصحابي بس
هدير: به حتى ساعه كويس المهم تفكرتني
حيدر: هو انا جبت ساعات لاصحابي ومش عارف لقيت ساعة نسائيه معاهم مانعرفش من وين جت
هدير" بغيض: يعني مش حاسبني من غادي
حيدر: ههههه تحسابي تفكرتك مرة وحده
هدير: قصدك مادعيتليش؟
حيدر: ههههه تي نقلك نسيتك تقولي دعيتلك تي احمدي ربك ماتفكرتك ودعيت عليك
هدير" بغيض: تو تشوووف نمشي غادي لسعودية الما ندعي عليك
أنت تقرأ
دقات قلبـــ💔ــبي تؤلمنـي
Roman d'amourللكـ✎ـاتبة وميـض اللـيــل? رواية واقعية من مجتمعنا الليبي احداثها كلها واقعية ... وشخصياتها تعيش بيننا.. ابطال روايتي ليسو كلهم يعرفو بعض او من مدينه واحده.. بس انا جمعتهم ف مدينه واحده وجعلتهم معارف ..واقارب .. ان شاء لله بروايتي هذه استطيع ان اكت...
