لا تكن أنت المُضحّي دائماً تمرّد لمرّة وأحدة و إستعِد كل الأشياء التي سُلبت منك عندما كُنت مثالياً ..!🌹
وريف" فتحت الباب خشت واستغربت وجود علاء ف هذا الوقت ف العاده يكون برى الحوش ديما .. ابتسمت بألم مدامني مش موجوده اكيد بيكون هنا "
علاء: وين كنتي؟
وريف" ببرود : لصاحبتي
علاء" بعصبيه: وماتقوليش بنمشي
وريف" ابتسمت بهزوه: قلتلك شن نسيت
علاء" بعصبيه: ومن رفعك ؟
وريف" ببتسامه: ومن يرفع فيا غير خالي
علاء" بغيض: جاوبي به شن تتبسمي
وريف" بضحكه فيها هزوه: هههههاا حتى الابتسامه ف قاموسك محرمه ياولله حاله "فتت وخشيت لدار نسلب ف عبايتي ع دخلته"
علاء" بعصبيه: خيرك انت شن صابك؟
وريف: شن بيصيبني مثلا !! انا طبيعيه جدااا مافيا شي ابداااا
علاء: شن عشانا
وريف: والله انا ماعنديش نية نتعشى وانت دبر عشاك
علاء : ماتقوليش شن صابك ولا صاحباتك قلبولك راسك
وريف" قعمزت ع السرير: ماحد قلب راسي بس شوف روحك وتعاملك معايا انا حاليا نعامل فيك بالمثل ..
علاء: وخيره تعاملي اه وانت ديما تشكي ونكدية معش ادققي ع ابسط حاجه الناس كلها عايشين زينا .. ماتشوفيش للمسلسلات والفلام الاجنبية وتتوقعي الحياة زيها .. حياتنا زي حياة اي حد ثاني
وريف" بوجع: الناس كلها زينا!! عموما انا مانحضرش لا مسلسلات ولا افلام ولا شي لين نقارن حياتي بحياتهم .. وثاني شي راه انا ماطلبت منك هدايا ولا طلوع ولا نشري شي كل يلي طلبته اهتمام بسيط .. ملاحظ روحك اول ماتفتح عيونك نبي فطور شن درتي فطورنا .. عمرك قلت صباح الخير؟؟ وتطلع ولا تعبر وقت الغداء والعشاء بس تجي .. ومدايرني خديمه هنا مافيش كلام بينا الا شن بيطيبي وشن طيبتي واغسلي وضمي بسسسسس.. وشي اخر حتى وانا مريضه ماتهتمش بصحتي .. ولاعمرك حتى ابتسمت ف وجهي وقلت كلمه باهية.. هذا خاطي الحاجات الاخرى يلي منقص فيها ومانبيش نتكلم عنها انت عارفها هذا كله وتقلي الناس كلها زينا وتقول معش تتنكدي لا كل شي كوم وانك تقول نتعود عليك كوم كم لينا مع بعض يوم يومين شهر شهرين .. انا خاطبين لينا سنتين وتو متزوجين قريب 6 شهور مع بعض هذا كله وتقول اصبري نتعود عليك من الاخير لو ماتحبنيش ومش طايقني طلقني حوش عيالي قعد وما يلزونيش منه
علاء" بعصبيه: شن الطلاق ساهل تحسابيه
وريف" بهزوه: مش ساهل .. لكن مش ساهل حتى اني نتحملك اكثر وانا مانعرفش شن فيك وشن يلي صابك .. تبي وحده قولي والله لما نخطبهالك وهاهو نخلف قسم بالله لو تحب وحده نمشي نخطبهالك ونرقص حتى ف عرسك المهمممم عندي معش تعاملني بهذه المعامله
أنت تقرأ
دقات قلبـــ💔ــبي تؤلمنـي
Romansaللكـ✎ـاتبة وميـض اللـيــل? رواية واقعية من مجتمعنا الليبي احداثها كلها واقعية ... وشخصياتها تعيش بيننا.. ابطال روايتي ليسو كلهم يعرفو بعض او من مدينه واحده.. بس انا جمعتهم ف مدينه واحده وجعلتهم معارف ..واقارب .. ان شاء لله بروايتي هذه استطيع ان اكت...
