لمحة امل للكاتبه ام نور

البارت الاول

اني منى عمري ٣١سنه
مرت الايام بسرعه بسرعه
اول شي اذكره من طفولتي
ويمكن من هنا هو يوم لي سافر بي بابا
راح للبصرة
بابا عسكري وجان واجبه بالبصره
بوقتها جان عمري يمكن ٥سنوات 
بوسني وانطاني درهم
وبوس امي وكلها ديري بالج على البنات
هنه ب امانتج
اني واختي لينا جان عمرها اشهر
وكلي بابا بعد مااوصيج انتي الجبيره
خلي بالج على اختج وسمعي حجاية ماما

هاي اخر مره نشوف بيها ابويه
وراها جابوا النه شهيد ب ام المعارك
ابويه توفه وعافنه لزمن لوحدنا

امي بوقتها جانت بعدها صغيره
اصلا هي مزوجه ع وكت
قبل البنات يزوجوهم من وكت
ماكو كملوا دراسه ومستقبل
جان مستقبل لبنيه بيت زوجها

وره مااستشهد ابويه
امي صارت بمكانه هي الام والاب
وكلشي النه
اخذت دور الرجال وقساوته وخوفه ع بيته
وبنفس الوقت دور الام الحنونه
وملاك الرحمه النه بمرضنه

جانت حالتنه الماديه كلش زينه
ابويه تحول راتبه تقاعد
ودزونه تعويض وتكريم من الدوله
وابويه عافنه بيت ٣٠٠متر
قسمنا نصين نص اجرنا ونص ضلينه بي

امي جانت تشجعنا نكمل دراستنه
ودوم تكول هاي وصية ابوكم
ودوم تكول لاتعيدون تجربتي
وتزوجون من وكت اريدكم توصلون
اعلى المراتب

وفعلآ درسنا وصلنا وتخرجنا
اني تخرجت ادارة واقتصاد
واختي لينا صيدلة

عيشتنا حلوه رغم بساطتها
وخسارتنا ل بابا
بس الحياة استمرت

وره ماتخرجت طلع تعيني
على البنك محاسبه
واختي همين داومت بمستشفى ب اطراف الموصل

هواي تقدمولي بس ماصار نصيب
اني عمري ماحبيت
حتى بالكلية البنات كلها تحب
اله اني حياتي نظامية ماشيه
خط مستقيم
امي جانت تربيتها قاسيه
يمكن لان تخاف علينه
وحمل البنات جبير عليها

فد يوم اجوي خطابه على لينا
ولد شايفها وهي طالعه للخط
وانجب بيها
اختي حلوه معانيها محبوبه
طويله حنطيه
بعكسي اختلاف بينا
اني بيضه واقصر منها
ومنو يشوفني عباله اني اصغر منها

سألوا عمامي عنهم خوش ناس
وانطيناهم الموافقة
وانخطبت اختي

وللقصة المزيد من الاحداث
@@@@@@@@
#الناشربارق_العراقي
@@@@@@@@