لمحة امل للكاتبه ام نور

البارت الرابع

لمحة أمل
للكاتبة أم نور
البارت الرابع

كانت اصعب ليله بحياتي مااتمناها لأي بنية
تمر بيها
اسلوبه الجاف وياي
وحجيه الجارح وصياحه عليه

انتي مو مره انتي خدامة
واخذ مني كل الذهب لي لابسته
وطردني من غرفة النوم
طلعي بره مااريدج البيت جبير
شوفيلج قبر انخمدي بي
دخلت للغرفة وده ابدل
اشو هذا دخل عليه مثل لمخبل
اريد حقي منج وتهجم عليه بكل شراسه

ضميت قهري بقلبي وجعي وسكتت
رغم كبر البيت وديكوراته واثاثه
بس حسيت دخلت بنار جهنم مو بيتي

ثاني يوم الصبح حسيت بي طلع من البيت
نزلت جوه وشفت اخته الصغيره
جايبه اكل اكلت وياها
وسالتها
ليش هشكل سوه وياي ......؟؟؟
وياريت ماسألت
عرفت منها جان يحب بنيه
بنت صديقه اسمها ساره وعمرها ٢٠
سنه

وصارلهم ٣سنوات يحبون بعض
وكل مايتقدم الها
ابوها يرفضه
وماكدر يعرف سبب الرفض
يمكن لان جبير
وفوك ل ٥ مرات خطبها وماصارت اله
واخر مره تقدملها
جارحين اهله وجارحينه بالكلام
وطارده ابوها

فمن طلع منهم قرر يزوج اي وحده
وطلب من خواته يشوفوله مره بسرعه
وقع الاختيار عليه

ضليت بالبيت بس انضف واطبخ
ومحد يجيلي ولاهو يحاجيني

بس امي مرات تمر هي واختي
وعيال اختي هم اجوي هنوني

بس ماحسست احد منهم بشي
حاولت استر على الموضوع

مرت الايام الى ان اجه يوم
دخل بليل للبيت
يبجي ويعيط
خفت اسئله شبيك ضل يكسر بالغراض
شوي واجوي اهله
وضلوا يبجون على بجيه
اني عفتهم وصعدت فوك
ماسالت شبيكم
ولادخلت نفسي
اني بدون مااحجي منبوذه
نوب احجي
يطلع اعصابه كلها بيه

وللقصه المزيد من الاحداث
@@@@@@@@
#الناشربارق_العراقي
@@@@@@@@