لمحة امل للكاتبه ام نور

البارت التاسع

لمحة أمل
للكاتبة أم نور
البارت التاسع

دخلت للبيت واتفاجئ اشوف احمد كبالي
بس شكله تعبان وحزين ومكسور
ولحيته طويله
اتفاجئت من شكله يخوف
ضليت مصفنه
كتله شنو شبيك

اشو هذا طفر من مكانه
واجه شبكني حيل وضل يبجي مثل الطفل

انا جمدت بمكاني
شبي هذا اول مره اشوفه هشكل

كتله شنو احمد شبيك
ضل يصيح ساره ماتت ساره ماتت

دفعته حيل لااراديآ
احس مي حار ضل يفور بقلبي

وكعدت بالكاع وضليت ابجي واصرخ
كافي حراااام ليصير بيه
ماادري ليش ابجي
يعني بيوم لي زوجي يحضني من كل قلبه
يحضني منكسر على خسارت حبيبته
بعد شلون يكون ظلم
شلون يكون العذاب
اكو اكثر من الاهانه لي ده اعيشها

هو بدل مايواسيني لان جرحني
هو ضل يصيح عليه
شبيج تبجين
اي حرام شنو لحرام بله
عيشتج احسن عيشه
عفتلج البيت وطلعت
مو احسن ماعفتج يم امج وناس تصيح عليج عانس
لو مااني منو لي يكلبج
لبكدج بيبيه هسه
وانتي حتى خلفه مابيج

لعد ماصرت انت جد واحترمت نفسك
مارحت زوجت وحده صغيره
لو انت بعدك شباب مو جدو

احترمي نفسج
لا مااحترم نفسي كافي تعبت
اني العجوزه واني لبيبي
وانت يلي بعمري
بعدك شباب ودور وحده زعطوطه
والف من تتمناك

تره حبيبي غلطان اول شي اني بعدني
احب وانحب واخلف والف غيرك يتمناني
اقلها عندي راتب وشهاده
دور ولباقي ع لمتخلف

ولج منو لمتخلف ؟؟انا مو ؟؟؟
اي انت
واذا بيك خير ورجال طلكني مااريدك

مااطلكج وضل يضرب بيه
اني هم يمي تحفيه شمرتها عليه
اعصابي كلش جانت منهاره

ولج تضربيني

اطلع منا لاتخلي تجاوز بينه يصير
طرديني من بيتي
اي وبيتي هم

وصعدت فوك خابرت على امي
لاتجيبين عبوسي اليوم عوفي يمج

تالي عرفت ابوها زوجها اله
لان عرف ايام بنتع معدوده
بيها مرض خبيث ومنتشر
وماالها اي علاج
وسفرته كلها بس علمود يعالجها

واحمدراجع يصفي شغله
ويرجع يسافر

ومرت ايام واحنه مانتحاجه
هو حاكرني واني حاكرته
وحتى طبخ مااطبخ ابد ماالي اي شغل بي

الى ان يوم رجعت من الدوام
لكيته فاتح غرفتي ومطلع ملابس عبوسي
ويباوع
دخلت كتله منو سمحلك تدخل غرفتي

ضل يضحك بصوت عالي ويهز ب ايده
ضلي تخيلي ان شاء الله اجي يوم الكاج مخبله

وطلع من البيت
اني كعدت ابجي ياربي هذا شبي رجال
يعني معقوله توصل بي لهاي درجه
تفكيره يوصله عباله اني اتخيل
ومجهزه غراض طفل وجربايه
شنو من عقل هذا ؟؟؟؟
ليش مافكر صاير عندي طفل
لهدرجه اني بعينه جبيره

وره ساعه اني بالمطبخ
واسمع الباب انطك حيل عرفت رجع

اسمعه يصيح منى ...منى ...منى وينج تعاي
نصدمت هذا شبي راجع ويصيح ب اسمي
اول مره ينطق اسمي

وللقصة المزيد من الاحداث
@@@@@@@@
#الناشربارق_العراقي
@@@@@@@@