لمحة امل للكاتبه ام نور

البارت الثامن

لمحة أمل
للكاتبة أم نور
البارت الثامن

قررت اطلك وارجع لبيتي
واخذ كل حقوقي من احمد
واكيد المحكمة وياي
لان هو هاجرني وضلمني
واكيد اخذ حقي بسهوله

مرت الاشهر وحجيت ويه ام محمد ع الطلاك
ويوميه باجر احاجي احمد
ويوم يجر يوم
بس اني جنت كلش مصره
واخر شي كتلهم اذا ماتحاجوا
يطلكني بالحسنى لو ارفع قضيه
لان كلش وصلت بيه الحاله
كلش بعد مااتحمل مليت
يعني شنو من حياة هاي انتظر
واحد مايريدني وليمته ابقى انتظر

يوميه يجن هيج زوجي جابلي
لفلان مكان زوجي طلعني
ويخابرون عليهم
واشتاقيتلك حبيبي ..ومااكل اله ترجع
واني ميته قهر
مشكله من يحجون كدامي اتخيل
احمد يسوي كل هاي تصرفات
ويه ساره
هنا بمجرد الخيال اتخبل
واعصابي تنهار

مرات افكر اسوي علاقه
او احب شخص بس علمود اكضي وقت
اريد احد يحسسني بالحب
وارجع استغفر ربي
واخلي الله وابني بين عيوني

لمره من تدخل ب٣٠ او نص ل٣٠ 
هنا تحتاج للعاطفه اكثر
تحتاج للحب اكثر
ضل دور كل كلمة حلوه
يمكن الرجال يعتبر كلمة احبك
او اموت عليك فد غزل روتيني
بس عند المراه اساس الحياة
يمكن لو يغازلها رجال هذا الغزل الروتيني
من ليل للصبح ماراح تمل

والمره اذا بعدها مامتزوجه
ماراح تتأذه مثل المراه لفاقده زوجها
او لهاجرها زوجها
هذا شعور محد راح يحسه
الى من وصل هذا العمر
وصل حد للحرمان ماعاد يطيقه

شكد مااحجي قليل بحق احساسي

صار عمر عبوسي سنه
وكل مااحاجي ام محمد
تكلي احمد عنده ضروف صعبه
عوفي هسه انتظري شوي
تحاول تريد تحجيلي الضروف بس انا اقفل
وياها الموضوع
اقفله بكلمة وحده حياته ماعاد تخصني

ترجع تكولي خل نكوله الله رزقه بطفل
لان انا محلفتهم محد يوصله اي شي
مصره مايعرف هذا شي
احس من يعرف كأنوا اكوله تعال
ارجعلي مااعرف احسها تمس كرامتي

الى ان يوم رجعت من الدوام
بيومها عبوسي بيت اهلي
افتح الباب واتفاجئ
اشوف احمد كبالي كاعد
ضليت مصدومة ....مااعرف شنو احجي

كلت السلام عليكم
وعليكم سلام
بس انصدم بشكله حيل متغير
ابد مو هو
لحيته طويله وشكله مقهور وحزين

وللقصة المزيد من الاحداث
@@@@@@@@
#الناشربارق_العراقي
@@@@@@@@