لمحة امل للكاتبه ام نور

البارت الثاني

لمحة أمل
للكاتبه أم نور
البارت الثاني

وصارت قسمة لينا وانخطبت لينا
من البداية اختي بيتها بحد
عازله عن عيالها

بزواج لينا لبست فستان اصفر
ورفعت شعري وخليت ميكب خفيف
لكل ضل مصفن عليه
منو هاي الحلوه ؟؟؟
متزوجه لا

وره ماخلص الزواج ب اسبوع
خطبتني جيران عيال اختي وخطبتني
لأخواها اسمه احمد
مامخلص دراسة واصل سادس اعدادي وعمره بعمري
حالته المادية كلش زينه

امه وابو متوفين وعنده ٣خوات
كلهن متزوجات
اخته ام محمد هي الجبيره
هي لخطبتني ل احمد
عدها ٤جهال وزوجها عميد متقاعد

واخته الثانيه مزوجه وماعدها اطفال
واخته الصغيره مزوجه وعدها بنوته

هو متأخر بالزواج لان شايل هم خواته
هو استلم شغل ابوه وره وفاته
عنده شركة استيراد وتصدير
ومشغل اقاربه كلهم وياه
ولد اخته ام محمد هم وياه

وره ماامن حياتهم يله فكر يزوج
أجه احمد وشافني وشفته
وصار قبول وحددنا موعد
كطعان المهر
وكطعنا مهر يم السيد

وره مانخطبنه ابد مااجه احمد
ماشفته وره يوم المهر
لايخابر ولايسئل
ولا يجي يشوفني ولا اي شغله من شغلات
المخطوبين

يعني حياتي ابد مو مثل اختي وخطيبها
يجي يتغده يمنه
ويكعدون سوه لساعه ولساعتين
بالأستقبال
ويطلعون يتونسون
وكلشي جهزوا سوه غرفة نومهم واثاث بيتهم
وذهب اشتروا سوه

اني لا ماكو شي لااشفته ولاخابرته
ولااي شي حتى شكله نسيته شلون صاير

حتى امي انتبهت
وسألت اخته ام محمد

كلتلها هذا طبعه خجول ويستحي
ومايريد يجي ويحرجج خلي منى تخابره
يجوز يستحي يخابرها ......؟؟؟؟؟

وللقصة المزيد من الاحداث
@@@@@@@@
#الناشربارق_العراقي
@@@@@@@@