اني اسمي شمس عمري ٢٤سنه متخرجه صار ٣سنين مهندسة زراعيه .جنت بنيه بسيطه ماعندي صداقه مع احد فقط صديقه وحده ولحد الان اني وياها صداقتنا حلوه حيل .بايام الجامعه كان بين فتره وفتره احد مصارحني بس اني جنت ارفض مااريد احب او اريد ازوج جنت اخاف من هل الشي لان احس بي مسؤوليه .جنت دائمآ اسمع يكولون عليه مغروره وشايفه نفسها ومتحاجه بس اني ولايمهم.تخرجت وخلصت من الكليه وتعبها ومشاكلها.بعدها صارت اوضاع منتطقتنا خطره وقصف ودزوا تهديد لبابا بابا قرر انو نطلع من المنطقه اني ماردت اطلع وابجي اريد ابقى يم بيت جدي لان عمري ممفاركتهم بس بابا مقبل وطلعنا اجوي اصدقاء بابا بالجيش طلعونا ورحنا كعدنا يم بيت صديق بابا يومين وبعدين اجرنا بيت اني انظف بيه وابجي مااريد ابقى هنا بعد فتره اخويه ازوج بنت خالتي وياريته مامزوجها عرمه وكويه وصاحبة لسان سليط واجذب وتحرض اخويه علينا بعدها بابا قرر نرجع بس بغير منطقه ورجعنا وكعدنا واشترينا بيت بس ماارتاحينا من وره مرة اخويه يوميه مشكله بس بالاخير كمنا نجاهلها وماما وبابا يصبرون بيه وبااختي اللي اصغر مني وعندي خوات اثنين مزوجات.وبيوم من الايام خابرت جيرانه كالت يردون معلمه بالروضه اذا تردين روحي وكلتلهم عليج والله رحت ثاني يوم واشتغلت معلمه والاطفال حلوين وحبيتهم وتعلقت بيهم اشتغلت سنة وبطلت
لان تعب وراتبها قليل كلش .بعدين كمت ادور شغل خابرتني بنت عمتي كالت يردون موظفه بالمستشفى على الارشيف .اني كيفت حيل وافقت رحت ثاني يوم ودلوني على المكان اللي اشتغل بيه .اول مادخلت واشوفلج المكتب ملياين تراب وسخ والملفات مشمره صحت على عمال التنظيف ونظفت الغرفه وبعدين كعدت رتبت الملفات كلمن والسنه مالتها.
