خلص الدوام ورجعت كلعاده شغل ورجعت نمت وكعدت الصبح لبست احلى ملابس عندي وكشخت كشخه توب واني ابد مااحط العطر بس هل المره تعطرت وطلعت للدوام رحت للغرفه مالتي وراه شويه اجى كرم سلم وكالي بالوحده انتظرج كتله ان شاء الله ظليت اشتغل صارت بالوحده ظليت كاعده خفت اروح صارت بالوحده وربع كلت خلي اروح وكلت هسه راح لان اتأخرت نزلت وطلعت بره ولكيته واكف ينتظر شافني وكالي يله حتى مسألني ليش اتأخرتي كتله اوكف اني مااخذت اجازه كالي اني رتبتها ورحت وصعدت بالسياره وصعد هو وشغل السياره وطلعنا وشغل اغاني كلها رومانسيه سألني كالي منو مطربج المفضل حتى اشغلج اغانيه جاوبته ساجده عبيد اشو وكف السياره وكام يضحك بعلو صوته كتله ليش تضحك مكلت شي يضحك كال شنو ساجده عبيد كتله اي احب اسمع اغانيها كالي اي ادللي هسه اشغلج ساجده عبيد وصدك شغل اغنية ساجده عبيد انا ارد اعوفن كل هلي.ظليت اسمعها واني كاتمه ضحكتي لحد ماوصلنا للمطعم نزلنا وكعدنا وطلب الغده وكالي اريداسولف وياج كتله تفضل كالي تذكرين من كمتي ذبين من راسج وشفتيني ومااجيت عليج كتله اي كالي رحت بسرعه صحتلج ممرضه وجتي اساعدج كتله ليش مجيت انت كالي جنت بعدني زعلان منج من لان مصدكتي اني دكتور كمت اضحك موانت دخلت مثل الواحد اللي يريديتعارك كالي مجنت اعرف النظام
