كتله لعد ليش كعدتني خليني نايمه كالي هسه اني انام وانتي تحرسين كتله ليش منمت بالليل كال لا جنت احرس بيج .عاد هو نام واني كاعده ضجت وحدي كلت خلي اكعده بس كلت خطيه خلي ينام شويه تعب ظليت كاعده وكاموا يدكون هورنات فز من نومه كال خير كتله يمكن انفتح الطريق صدك انفتح ورجعني للبيت بس قبل منوصل كالي اريد رقمج كتله ليش كال علمود اكولج شوكت تداومين انطيتهيا وصلت وطلع بابا يبوس بيه هو ماما ودخل كرم جوه وشكره منه وراد منه ييقى يتغده مقبل كاله امي هسه ميته عليه واشكرنا وطلع وراح ورحت غسلت وبدلت ونمت ماكعدت اله حسيت تليفوني يدك اباوع رقم غريب مجاوبته لان هسه يلزك دك ٣مرات اخير شي دز مسج مكتوب اني كرم ليش مجاوبين.ودك انوب وجاوبته الو كالي ليش مجاوبين كتله جنت نايمه وشفت رقم غريب ومجاوبت كالي شلون صرتي كتله الحمد لله سالته وصل كال لا بعدني بالطريق كعدت على حيلي كتله صدك كال اي كتله مو راد منك بابا ليش مبقيت كالي استحي كتله هسه اكول لبابا كمت اصيح بابا بابا اشو هذا كال جذب والله وصلت من زمان وجنت نايم وكعدت بس حبيت اشاقه وياج.ضحكت كتله لو مكعدتلك بابا واشاقه وياه براحتك كام يضحك وضحكت وياه.جان يكول باجر لا داومين كتله اخاف المدير ميقبل كالي معليج اني احجي ويه كتله اوكي كالي يله تصبحين على خير كتله وانت مموافقه. .
مرت الايام وهو يوميه يخابر يسأل ويسده وتقريبآ ورى اسبوع خابرني كالي باجر ترجعين اداومين اني فرحت كلش لان مليت من كعدت البيت رحت كلت لبابا راح ارجع اداوم باجر طبعآ بابا ماوافق كالي محاجه واحنا حالتنا زينه وممحتجين فلوس كتله هي مو شغلة فلوس بس اني اريد اداوم مليت من كعدت البيت كالي مااكدر اخاف عليج توسلت بيه بالكوه قبل. طبعآ بابا عنده رقم كرم خابره وسأله على وضع المستشفى وكاله الوضع زين وجابوا حراسات هوايه وصاه عليه وسده .كالي روحي داومي باجر ثاني يوم داومت واني فرحانه كلش وصلت ورحت على غرفة المدير اشكرته لان اتفهم الوضع وطلعت اتجهت على غرفتي ودخلت وكعدت وبديت شغلي لكيت الملفات كل واحد بجهه كمت حتى ارتبهن ودخل عليه كرم سلم عليه وكالي متدرين شصار وراج ياهو اللي يطب يشمر ويطلع وكتله اكيد انت هم وياهم كام يضحك كال لا بس مرتين شمرت مو هوايه كمنا نضحك .وسألني مناسيه شي كتله لا كالي متأكده كتله اي كالي راح اخليج تفكرين منا للساعه ١٢واذا معرفتي تعزميني على غده وكتله واذا عرفته كالي شتريدين اسويلج كتله هاهيه طلع واني ظليت افكر ردت بس اذكر اني شناسيه مااذكرت وصارت الساعه ١٢الا خمسه دخل عليه كال بقى ٥دقايق وظل واكف واني افكر ونفس الشي صارت ١٢ وطلع من جيبه الجنسيه مالتي وكالي هاي اللي ناسيتها كمت اضحك والله ولا اجتي بالي كالي هسه لازم تعزميني كتله وين تريد كالي مااريد اطلع خارج المستشفى اعزميني بالكافتيريا ونزلنا اثنينه بس احس العيون علينا من الممرضات والدكتورات بس مهتميت الهم ورحنا للكافتيريا وطلبنا الغده وتغدينا كالي لاصدكين هاي عزيمه ترى بعدج مطلوبه كتله ان شاء الله اختار المكان واني موافقه.
