وصلنا ورحنا اثنينه نمشي كالي حلوه الحفلات اللي اصير هنا راح تتونسين كتله ان شاء الله وضلينا واكفين ننتظر دكتور كرم لان كايليه عدنا اجتماع وجان تدخل الممرضه كالت اجى الدكتور كرم حظروا نفسكم كلهم وكفوا بس اني ظليت كاعده ماكمت وهو دخل وكاموا يصيحون ويطشون عليه نشرات مال عيد ميلاد وهو اصلا عادي ممبين على ملامحه الصدمه جان يتقبل كلشي بوجه عادي كاموا ينطونه الهدايا ويعايدونه رحت عايدته وانطيته هديتي ورجعت لمكاني واباوع شلون الممرضات والدكتورات لازكات يمه ويتمضحكن وياه وهو ولا معبرهن كعدت شويه وطلعت جان يلحكني دكتور سامي كالي اشو كمتي ليش كتله شويه تعبانه واريد ارجع للبيت كالي اوصلج كتله لا اشكرك اني اروح لح عليه ان يوصلني بس اني رفضت طلعت ورجعت للبيت واختي تلكتني احجي شصار اليوم حجيتلها كالت اي وافقي عليه بس اني كلتله ماعندي مشاعر اتجاهه وعندي اشياء اهم اسويها ظلت تحجي عليه انتي مو صغيره وهو خوش ولد ونصيب زين وبعد ميجي هيج نصيب ظليت ساكته وكمت حتى انام وفكرت بكلام اختي وماادري بنفسي نايمه وكمت الصبح بدلت ورحت للدوام دخلت للغرفه مالتي وكاعده اكلب بالموبايل وجان يدخل عليه دكتور كرم انطاني الورقه حتى اطلعله الملف وجان يسألني كالي البارحه ليش عفتي الحفله وطلعتي واني انصدمت كلت بكلبي هو جان واكف يم البنات شوكت عرف بيه طلعت ظليت ساكته جان يكولي اشو مجاوبتيني كتله لا بس جنت تعبانه وطلعت كالي سلامتج كتله الله يسلمك رفع ايده حتى ياخذ الملف وانتبهت على ايده لابس الساعه اللي جبتها اله هديه وهو انتبه اني انتبهت على الساعه اخذ الملف وطلع بسرعه. الصراحه اني فرحت لان لبس الهديه اللي جبتها معقوله عجبته الهديه مالتي بعدين كلت هو شمدري هاي هديتي اذا اني حتى كارت مابيها ضحكت على نفسي ورجعت كعدت .وراه تقريبا ساعتين اجى دكتور سامي ودكتور كرم جانت عدهم عمليه ويردون عدت ملفات وكمت وياهم ادور الملفات وساعدتهم وظلوا يتناقشون بالغرفه مالتي واني اباوع عليهم وعفتهم وطلعت تليفوني كمت اراسل بأختي وتدزيلي سوالف تضحكني وكمت اضحك بصوت عالي وهمه موجودين انتبهت على نفسي ورفعت راسي لكيتهم يباعون عليه وجان يكول دكتور كرم ضحكينا وياج بس بنبره حاده باوعت عليه ومارديت خجلني ابن الاوادم بسيطه اله .ذبيت التليفون وظليت اباوع عليهم شلون يتناقشون وصار بينهم تحدي بعدين اقترح عليه دكتور سامي ان يسوي قرعه وياه واللي يطلع اسمه يشرف على العمليه انطيتهم اوراق وكتبوا اساميهم وحطوها بنص جيس ابيض وخبطوهن ودكتور سامي كالي انتي طرف محايد وشاهده كتله اوكي انطاني الجيس اخذت ورقه واني بكلبي اكول ان شاء الله مايطلع اسم دكتور كرم لان خجلني اخذتها وفتحت الورقه وطلع اسم كرم وفرح هوايه بس اني ضجت كلت بكلبي هو يضوجني واني افرحه .كاله دكتور سامي مبرووك.وهو فرحان لان عمليه مهمه ورجعوا يتناقشون واني كاعده اسمعلهم كمت وكفت باب الغرفه وصحت اللي يسوي كهوه وكتله جيبلي ثلاثه كهوه وراه شويه جابها وحطها شكرني دكتور سامي بس هذاك ولا شكر ولا عبالك .كلت بكلبي تشرب سم وكملوا وراح دكتور كرم وظل دكتور سامي كمت حتى ارتب الملفات وارجعهن بمكانهن كام وساعدني بترتيبهن وظل يسولف ويضحك ويايه وكالي عازمج على الغده لان تعبناج كتله لا عادي وهذا شغلي كال لا ميصير وازعل عليج المهم لح هوايه وافقت وكالي راح اخذ اجازه زمنيه ونطلع كتله اوكي خابرت بابا وكتله وكالي روحي اجى دكتور سامي وكالي يله نروح طلعنا ويسولف ويايه دكتور سامي وجان اشوف دكتور كرم سال سامي كاله وين تريد تروح كاله نروح نتغده اني وانسه شمس ظل واكف جان يكول اني هم اروح وياكم.
