اشو هذا عافني وراح على الملفات .انداريت عليه وكتله دكتور لاتعبني روح جيب ورقه من الاستعلامات ياله انطيك الملف كال واذا مجبت كتله متاخذ الملف.ظل ساكت ويباوع ويأشره بأبيده وطلع واجى دكتور اسامه كالي لاضوجين بس هو طبعه هيج واعتذر مني وطلع ورجعت كعدت على الميز واني اكول شكد غثيث صار شهرين اشتغل مستمتعه ومرتاحه وهسه اجى واحد راح يغتني ويطلعني من طوري وره شويه انفتحت الباب رجع نفسه الدكتور الشاب كال هاي الورقه ويحجي من وره خشمه اخذت الورقه وكتله هذا سجل اكتب اسمك وقع كام يستغفر ويكول هاي شلون شغله رحت اطلعله الملف وانطيتهيا اخذ وطلع رجعت على السجل علمود اكتب التاريخ قريت اسمه طلع اسمه كرم سديت السجل وطلعت حتى اجيب شي اشربه رحت للكافتيريا اللي بالمستشفى رحت جبت عصير وبسكت وصعدت وجان اشوفه كبالي اتعوذت الشيطان وكملت طريقي لان ظوجني ومااعتذر مني على اللي سواه.رجعت للبيت مغثوثه وطالعه روحي نمت على السريع حتى اكل مااكلت كعدت بالليل اكلت شويه غسلت ملابسي ورجعت نمت كعدت الصبح كالعاده بدلت ورحت نزلت وطبيت واكفه انتظر المصعد واجى دكتور اسامه ودكتور كرم سلم عليه دكتور اسامه بس ذاك الغثييث ماسلم اصلا ولا درتله بال وصعدنا بالمصعد كام دكتور اسامه عرفنا على بعض واني ولامتهمتله وهو هم مامهتملي ونزلوا من المصعد بس اني ضليت بالمصعد لان من يوكف المصعد يصبر عندي خفقان سريع وادوخ اله الزم شي واستعدل وبعدين اطلع طبعا يوميه اني على هل الحاله .بعدها طلعت ورحت للغرفه مالتي وكعدت بيها وكام كل شويه يجي دكتور ياخذ ملف واجى الدكتور الغثيث بدون حتى سلام كال اريد هذا الملف ورحت طلعت الملف واخذ وطلع واني اتعوذ من الشيطان.
وعلى هل الحال ظلينا تقريبآ شهر بيوم من الايام اجى دكتور اسامه راد ملف كمت حتى اجيبه بس الملف صاير فوق بحيث مااكدر اجيبه حاولت وحاولت اجيبه مااكدر.ومااحس اله احد ورايه انطاني الملف شكرته ولما انداريت ويطلع الدكتور الغثيث وحتى بالجذب ماكال العفو.انطيت الملف لدكتور اسامه وطلع ورد هو اجى انطاني الورقه وانطيته الملف اللي راده وطلع رجعت كعدت على الميز كلت هذا ليش هيج يسوي حتى ميعرف يرد الشكر مو صوجه صوجي اني اللي عبرته وشكرته .حسيت بجوع طلعت من الغرفه وجابوا شاب خطيه محترك من شفته نفسي كامت تلعب كعدت اذب من راسي شافني الدكتور الغثيث وراح حتى معبرني وكالي شبيج وراه شويه اجتي ممرضه عليه كالتلي شبيج شتحسين كلتلها مابيه شي بس شفت شاب دخلوا محترك ونفسي كامت تلعب. ساعدتني ودتني للحمامات وغسلت وشكرتها وراحت وراها بشويه طلعت حتى اروح للغرفه مالتي جان اشوف الممرضه واكفه يم الدكتور الغثيث يسولفون عفتهم ورحت للغرفه مالتي كعدت ورجعت راسي على الكرسي ارتاحيت بعدها دخل الدكتور الغثيث شفته وبسرعه وكفت كتله تفضل انطاني الورقه انطيته الملف وراح وقع وطلع حتى مكالي شبيج ليش جنتي تذبين من راسج استغفرت كلت اني عليش ضايجه خل يروح مااهتمله .وراها خلص الدوام وطلعت واكفه انتظر السايق مااحس اله سياره وكفت يمي طلع دكتور اسامه سلم عليه وطلع كاعد يمه الغثيث .سالني كالي كالوا شافوج تذبين من راسج بيج شي كتله لا بس شفت منظر ومااستحملت وكمت اذب من راسي كالي اصعدي حتى اوصلج كتله لا شكرا هسه يجي السايق راد من عندي بس اني ماصعدت من يمى نط الغثيث كافي تلح عليها متريد تصعد كتله دكتور اعذرني بس متواعده ويه السايق هسه يجيني كالي براحتج وراح وراها بشويه اجى السايق صعدت ورجعت
