دخل المدير حتى يشوف شغلي تعجب بالنظافه والترتيب وكال هاي الشغله الج وتعاي ويايه نسوي الج عقد اني كيفت ورحت قريت العقد وقعت واني فرحانه لان الراتب كلش زين واني مرتاحه بمكتب مرت الايام وكان اي دكتور يجي ياخذ ملف من الارشيف لازم يجيب ورقه من الاستعلامات حتي يكدر ياخذ ملف المريض اللي يريده جان نظام المستشفى هيج.مرت الايام واني متونسه بشغلي واروح وارجع ومرتاحه .بيوم من الايام دخل عليه شاب حنطاوي طويل كلش حلو دخل راح على مكان الملفات وراد ياخذ ملف اني من يمي كمزت كتله ميصير تاخذ ملف من الارشيف كالي اخذ اللي يعجبني واطلع كتله لا ميصير اني موجوده ولازم اجيب ورقه من الاستعلامات وشغله ثانيه فقط الدكاتره يحقلهم هل شي هو سمع كلت هيج كال اني دكتور اني مصدكته لا بعد شاب صغير وممعقوله لان ملابس الروب مال الدكاتره الابيض وكتله انت مودكتور واطلع منا احسن لان هاي اسرار ناس ظلينا متجادلين وطب علينا دكتور اسامه كال خير شصاير اشو مااشوف بس دكتور اسامه يتحاظن هو والشاب اللي جنت اتعارك دكتور اسامه يكوله اخيرا قتنعت وجيت والشاب يكوله مو بيدي صارت غصب عني ظليت واكفه وصافنه بمكاني كلشي محجيت اله دكتور اسامه رجع كاله شبيك صوتك عالي كاله الانسه متقبل تخليني اخذ الملف اللي اريد تريد اجيب كارت ومدري شنو وكاله ومصدكتني اني دكتور هنا ضحك دكتور اسامه وكاله اي هاي التعليمات الجديده مال مدير المستشفى كالي دكتور اسامه ليش ممصدكته دكتور كتله ملابس الروب الابيض وتعامله محلو جان نط من يمه الدكتور الشاب كال لازم اكعد اضحك وياج واشاقه ياله تنطيني الملف اني كتله لاصيح عليه هيج اولا وثانيا مو معناتها انت دكتور وتحسب نفسك شي عالي عليه اوكي .دكتوراسامه كالي يله مصار شي وسوء تفاهم واجى هو عبالي راح يعتذرلان اجاوز عليه
