ثاني يوم داومت ودز عليه المدير كالي شلون تطردين دكتوره سمر من غرفتي كلتله تجاوزت عليه وحجيتله اللي صار ظل ساكت كالي روحي رجعت كلت هاي بلوة جديدة على رأسي شفت سامي اجى بات جانب سلم عليه وباركولي وراح رحت للغرفه مالتي واجى كرم كالي الغده اليوم بمكتبج كلتله تفضل هسه اطلبلك وكعدنا نتغده سألني ليش ضايجة كتله ما بيه شي خلص اليوم عادي ومرت الأيام واني فرحانه وحياتي حلوه وفد يوم رجعنا من الدوام
ص عدنا بالسياره وجتي سمر طلبت من كرم يوصلها اني ضحت وصعدت وظلت تسولف ويا كرم ولا كأني موجوده وتضحك وكمت رفعت صوت المسجل حتى تسكت جان تكول شنو هل الأغاني مال همج على ساجده عبيد سمعها كرم باوع عليه شافني ضجت وعصبت كاللها اني أحب هيج اغاني وحبيبتي هم تحبهن كالتله مصورت هيج وذوقك محلو هي قصدها عليه مهتميتلها وصلها للبيت ونزلت وكتله كرم يعني شلون كال خير كتله بعد ما اريد توصللها شفتها شلون ذاب بالحجي كالي حبيبتي خلي تولي اني عندياج بالكون كتله ادري بس ما احبها مااطيقها كالي كمتي تغارين عليه وكام يضحك كتله يا غيره بس إني ما ارتاحللها كالي تأمرون بعد مااوصلها كتله أشكرك.كالي شوكت و تحنين عليه وتنطيني بوسه كتله من نتزوج كالي لا هسه كتله باحلامك كالي بسيطه وصلني وقبل ماانزل وجر ايدي وباسني من خدي ظليت مستحيه منه كالي مرة الخ من وكام يضحك واني نزلت و عفته خجلانه دخلت للبيت واضحك ماما لزمتني خير اشو تضحكين كلتلها ماكو شي كالت مبين من خدودج الحمر عفتها ورحت بدلت وتغديت ودك عليه كرم ظلينا نسولف وبعدين سده وثاني يوم للدوام وصلنا وتلكتنا سمر كالته يريدوك هسه ضروري كاللها اي وراح وظليت اليوم كله مشفته خلص الدوام انتظرته نص ساعه مااجى دكيت عليه وينطيني رفض اني هنا فولت عفته ورحت اجرت سياره وطلعت.وره نص ساعه خابرني 3مرات مجاوبته وصلت للبيت واثاري مخابر اهلي وسال عليه وكالولي كلتلهم جان صاكت ومسمعته ورحت للغرفه ورد دك عليه كالي ظل بالي عليج كتله ماعرفت ترسلي رساله وتم ولي اتأخر كالي والله جنت بأجتماع وهسه خلصت كتله دكيت ومسجات وانت ماكو كالي فتحته وكل شي ماكو لا اتصال ولا مسج اني استغربت كلت أخاف صدك ما وصلت بس الاتصال اتصل واحد ينطيني رفض كتله اوكي واعتذر مني وثاني يوم اجى عليه ورحنا للدوام وصعدت وردت أتأكد من سالفه البارحه كتله اريد تليفونك انطانياه وكمت أكلب بيه دورت المسجات ماكو الاتصالات هم ماكو ظليت صافنه هاي وراها شي هاي السالفه واني ادور لكيت ست الحسن سمر دازتله رسائل ومتصله بي بالليل كتله كرم شنو هاي بس بعصبيه كالي هي تراسلني يعني شسويلها وانوب متصله بالليل كالي والله اتصلت مرتين ياله جاوبتها وكتله شتريد كال تحجي وبعدين سدته كتله كرم كول شتريد ظل ساكت كتله ياتحجي يا أنزل وبعد كشوف وجهي بس شنو اني مقوله ما قبل يسولف كتله نزلني ما قبل كما أصبح عليه وفتحت الباب هي والسياره تمشي وكف وكالي شبيج تخبلني كتله اي تخبلت وكف السياره ونزلت وظل واكف لحد مااجرت سياره ورحت للدوام نزلت شافتني سمر كالتلي اليوم وحدة عفتها ومشيت لان إذا أظل اذبحها واشرب دمها رحت للغرفه بس كرم مااجى عليه للظهر طلعت من الغرفه حتى اشوفه وينه بس على اساس رايحه للكافتيريا طلعت واشوفه واكف ويا سمر ودك سوالف شافتني وحطت ايدها على ايده بس هو سحب ايده وظلت تسولف وبعدين كانوا يضحكون اني فتت من يمهم وسويت نفسي ممهتمه رحت للكافتيريا ظليت كاعده واجتني سمر كالتلي شفتي اللي يلعب ويايه شيحصل وترى كرم راح افسخ خطوبتي ويجي يخطبني اني هنا كمت ردت الزم شعرها اكطعه تكطع بس لزمت نفسي وكلتلها حبيبتي اشبعي بيه وعفتها وطلعت
